سما
كعدت الصبح غسلت وبدلت ونزلت
سما : صباحو للجميع
الجميع : صباح الخير
حسن : يله مو تتاخرين اني بالسياره انتظرج
سما : تمام
والد سما : شلونج بالدراسه
سما : بخير زينه
والد سما : وانت علي هم هاي السنه دور ثاني ان شاء الله
علي : ليش يابه شاد حيلي اني
سما : اذكر هذيج السنه هم كلت هيج
علي : لا يا ... اني اعلمج
سما : بباي اني حروح
علي : يي انهزمي تجين مو متجين واعلمج
سما : امشي لك شتعلمني عربي فرنسي
ركبت سما سياره حسن دخلت ضلوا يحجون بواضيع عاديه وصلوا للجامعه نزلت سما وخابرت على ايه حتى تشوف وينهم
سما : صباح الخير
ايه : صباحو عوبه
سما : وينكم وين كاعدين
ايه : بالكافتريا تعالي
سما : تمام هسه جايه
راحت سما للكافتريا ولكت الكول موجودين وجه البومه موجوده
سما : هلوو
الجميع : هلا
كعدت سما بصف ايه
كال ليث : اليوم اكو مسابقه مال سباحه تعالوا كولكم
نبأ: يي حلو
امير : شوكت
ايه : وره المحاضرات مو
ليث : ايي وره المحاضرات
سما : هو احنه اليوم عدنه بس محاضرتين
ايه وايمن : يي بس ثنين
نبأ : يله حتبدي المحاضره الاولى
الجميع : يي يله
رحنا للمحاضره ورها المحاضره الثانيه وبعدين رحن للمسابقه طبينه اني وايه وايمن سوه وكعدنه ليث راح هناك علمود يبدل وهيج
احنه وكاعدين دخلوا امير ونبأ اني شتعلت مو هيه نبأ دتمر من يمي اني مديتلهه رجلي وهي تعثرت ( شوفوا هيه سما كاعده بالطرف مال المدرجات مو اكو بصفهه دراج فأجت نبأ هي وامير سما مدت رجلهه النبأ نبأ تعثرت ووكعت من الدراج كم درجه تمام )
نبأ : اووي رجلي اهئ اهئ
سما : يااا غير تنتيهين
امير : يله كومي
نبأ : مااكدر دتجعني رجلي
امير راد يساعدهه فكالت سما
سما : لا لا اني اكومهه
ساعدت نبأ حتى تكوم ومشيتهه ايمن وايه بقوا هناك واني وامير ونبأ رحنه للمستشفى كال الدكتور
الدكتور: لا توجد بها اي كسز فقط اضرار بسيطه وصفت لها مرهم تضعينهه وستصيحين جيده
نبأ: لكن اشعر بالوجع الشديد
الدكتور : لا لا تخافي ليس هناك شي
امير : اني حروح للصيدليه اشتري الوصفه انتو روحوا للسياره
سما : تمام
ساعدت نبأ حتى تمشي وصلنه للسياره صعدت نبأ وره واني كدام اجه امير وكال
امير : اي نبأ وين بيتج حتى نوصلج
نبأ : ****
وصلنه نبأ البيتهه واني هم وصلني امير طبيت للبيت شفت علي وحسن كاعدين واحذ يباوع لللاخ وصافنين
سما : هلووو
علي وحسن : هلا
سما : خيركم شو مشتمعين شبيك حسن
حسن : امي تريد تستعجل بالزواج تكول صارلكم هواي مخطوبين ( اي حسن خاطب )
سما : لا شنو هاي منلحك
حسن : يي طبعا انتو البنات يرادلكم سنه ليكدام تحضيرات وهم متخلصون
سما : عابتلك وين لعد مام
حسن : هي راحت اني حروح انام
سما : صدوك علي سألت عليك بت الجيران
رجع حسن والتفت وكال
حسن : شنوو
علي سكت ومحجه شي
حسن : غلس الاخ
علي : معليكم انتو
وراح علي وعافنه
حسن : شكو شصاير
سما : علمي علمك بس اعتقد معجب بت الجيران
حسن : اهاا يله خلي اروح اني انام
سما : واني هم
رحت لغرفتي بدلت وتمددت وجنت فرحانه وضايجه بنفس الوكت فرحانه لان نبأ تاذت وضايجه لان امير ديساعدهه بس اني مخليهه فكرت وفكرت لحد مغفيت ونمت
تسريع للاحداث
كعدت الصبح غسلت وبدلت ونزلت وصلني حسن للجامعه واني دأتمشه سمعت امير ديحجي بالموبايل
امير : ديري بالج على نفسج .... اي اني هم احبج
اهنا وكع الدفتر من ايدي لا اراديا انصدمت !!
اخذت الدفتر وركضت
التفت امير وشافهه وصاحلي
امير : سماا
ركضت وطلعت من الجامعه واني دأركض انصدمت بسياره!! ومحسيت بعد بشي ...
خلص البارت يا رب تعجبكم الاحداث هذا البارت الماقبل الاخير واذا ملكيت 50 كومنت محنزل البارت الجاي
سلام
