سوالف ناي

بارت (1)

فجأه .. وبدون مقدمات .. تلگه نفسك شخص ثاني .. بعالم ثاني وحته بروح ثانية
تلگه نفسك تحب كلشي .. الهوه ، الناس ، الضحك
حته المشاكل تصير تحبها
تحس نفسك تملك شي محد يملكه
تحس بسعادة ما تتوقع إنك تخسرها بيوم من الايام
كل هذا واكثر
يصير وياك لما يدخل شخص لحياتك
يشاركك بكلشي .. فرحك ، حزنك ، تعبك ، راحتك ، صﻻتك ، اكلك ، شربك وحته الهوه اللي تتنفسه
يصير اهلك ودنيتك كلها
تحجيله كلشي وانت مطمئن إنو ما راح يفهمك غلط
يحس بيك قبل ما تكله عن حزنك
يتابع صﻻتك ويقربك من ربك اكثر
يصير مثل نعمة يرسلها رب العالمين من غامض علمه
ودك تشكره عليها كل ثانية وكل حين
و انه من الناس اللي حصلو ع هاذي النعمه
انه شاب بعمر ال25 اسمي رضا عشت 14 سنة من عمري بتركيا رجعت للعراق قبل 5 سنوات حته اكمل الكلية ببلدي واعيش حياتي مثل باقي العراقيين
ادرس علوم حاسبات واشتغل بشركة اهلية حته أكون نفسي وما احتاج ﻻحد
والدي دكتور بكلية الهندسة ووالدتي ربة بيت
عندي اخوان وخوات وعمام وعائلة ما تتعوض
دائماً اسمع عن خوالي وخاﻻتي
بس مرت فترة طويلة يالله تعرفت عليهم بسبب اختﻻفات بينهم وبين الوالد
وبيوم من اﻻيام :