في الجزء الأول :
ياسمين وملك أعز أصحاب ..من الطفولة ...مشكلتهم الدايمة من اول الدراسة ان حظهم الوحش وقعهم جنب يارا
بنت المدير المغرورة....واللي بتستمتع بأنها تهزقهم..رغم انها بتبان سعيدة قدام الناس بس هي مش كده
دايما بتحس ان ابوها كارهة غير كده هي فاكرة ان اخوها اتخلى عنها بعد موت والدتها...
شلة جديدة هتيجي المدرسة ...وهتحصل مقالب وهتبدأ ذكريات ترجع تاني...وتفرق بين ملك وياسمين
...
من جهة تانية كان في أحمد اخو ياسمين اللي كان بيحب زميلة في الكلية اسمها مي ...بس مكانش عارف يعترف
وبمساعدة ملك وياسمين ..عرف يتقدملها
.........
#ياسمين
"ياسمين هانم.قومي بدل ما أجي أطربق الدنيا فوق راسك"
ايوة.يا جماعة الست ديه امي ...وانا ياسمين شخصية فعالة جدا في البيت
"يارب ليه ابتلتني بمصيبة زي ديه؟"
مش بقولكوا!؟!
انا:ييييه عالزن يا ماما قولتلك صاحية
"والله !! مش شايفاكي هزيتي طولك وقومتي...يا بنتي يلا ملك لو جت مش هتسيبك في حالك
ملك..كابوس حياتي
مش اوي يعني بس لما بتيجي تصحي حد ربنا مايوريكوا ..
# ملك
"يا أخرة صبري يا بنتي قومي هديتي حيلي"
انا :ايه يا ماما هو انا بلدوزر مش للدرجة ديه..عموما صباح الفل ..
ماما:صباح زفت على دماغك مش قولتلك أغسلي المواعين قبل ما تتخمدي
انا:هو ده فعلا الصباح المثالي اللي بتمناه ...مواعين ايه يا ماما اللي هسهرلها!؟ ده انا مابسهرش أتفرج على أستاذ كاظم الساهر هسهر للمواعين!؟
ماما:هتنقطيني ..اتهببي قومي
انا:من عنيا يا أحلى ماما
قالتلي وهي خارجة :عمى الدبب
قومت بسرعة على النتيجة عشان أشطب (ألغي) اليوم المنتظر ..لا لا مش عيد ميلاد ياسمين ...والحمدالله لأن أعياد ميلادها بتبقى كوارث وأكبرها اني كنت هروح فشوش (بالساهل)
#يارا
"يارا ..يارا..يارا..يارا..يارا.يارا."
وادي زنان من الزنين الكتير اللي في حياتي
انا:بس يا بابا روح شوف أسراء يلا
"اوف لا لازم تصحي عشان بابا قال الكل يصحى"
انا:أبوك بيهزر وغور بقى
لما سمعت صوت الباب وهو بيتقفل شلت المخدة اللي على راسي..أظن ده أنسب وقت أقول اني لسة زي ما انا يارابس بشوية بهارات
#ياسمين
بعد نص ساعة طلعت من الحمام وبدات ألبس ...ولبسي مش هيفرق اول ولا أخر يوم في الدراسة لبسي هو لبسي ..خلصت ونزلت تحت وأنا شايلة الشنط ...شنط ايه؟...سؤال ذكي بصراحة
النهاردة اليوم اللي انتظرناه كلنا...النهاردة أول يوم جامعة ...أنبهرتوا صح؟
قعدت في مكاني على السفرة واللي ماتغيرش من سنين وجنبي الأخ الفاضل...لا أخ ايه؟ الأخوة الأفاضل احمد وفريدة ...
محدش يسأل جت أمتى لأن انا نفسي مش عارفة جت أمتى ...بصيت لبابا اللي كان باصص في الطبق ومش معبرني وماما اللي عياطها مسمع الكل
أنا:يا ماما وحدي الله انا مش رايحة اموت
ماما:بعد الشر يا بنتي ان شاء الله انا ولا انتي يا حبيبتي
أنت تقرأ
يوميات في الجامعة
De Todoفاكرين ياسمين وملك ويارا وعمر!؟! تفتكروا لما يكبروا أفكارهم هتتغير والأهم من كده قلوبهم هيحصل فيها ايه!؟ ما تيجو نشوف ¡¿
