{2}
#ياسمين
الصدف اكيد بتاخد مكان في حياتنا ...بس في صدف بحسها كل حياتي مش عشان حلوة لا خالص!
ده عشان بتبقى محرجة لدرجة اني اتمنى الأرض تنشق (تتفتح) وتبلعني..بس ليس كل ما اتمناه يحدث..ديه حقيقة
دخل المدرج..أول حصة ليا في كلية طب...أنا متفائلة جدا ...أنا متفائلة جد...لا ماتهزروش ...بيعمل ايه هنا؟
فاكرين الواد اللي خبط فيا وضيع عليا النيسكافيه..سبحان الله واقف هناك اهو...بس الغريبة انه واقف مكان الدكتور..
ربنا يسترها
الشاب بابتسامة:اهلا يا آنسة اي خدمة؟!
أنا:انا عندي حصة هنا
بدأ صوت الضحك يعلى ..ايه هي الحصة اتلغت؟!
الشاب:حصة؟!...وبالنسبة للدرس فيزيا ولا كيمياء ولا تكوني أدبي
طيب تمام ده أحراج مش بقولكوا الدنيا تتشق وتبلعني ...بالنسبة لأول يوم فهو مش سيء بالعكس ..ده زفت!
الشاب وهو ماسك ورق:اتفضلي يا انسة اقعدي بس بعد كده تيجي في ميعادك لأني مش هدخل حد بعدي ..عشان بحب الدرس يبدأ بدري وده مش ليها بس!
أظن ده كان رده على النيسكافيه اللي وقع
....
#يارا
حاليا انا برة الكلية بتاعتي وراحة زيارة لياسمين في كليتها....أوعي تفكروا اني من الناس اللي بتذاكر انا كده ممكن أقطع معاكوا...
وقفت قدام باب المدرج مستنية ياسمين ..ما أحنا معانا جدول بعض عشان احنا مش وش دراسة !
رغم كل ده ولسة مش عارفة أشيل الدكتورة ديه من دماغي حاسة ان فيها حاجة غريبة فيها حاجة مني!
...
#ياسمين
مرت ساعة والمحاضرة خلصت طبعا تصدرت أولى صفحات الفضايح ...
مقدرتش اسمع اي كلمة أتقالت في المحاضرة لسة مش مستوعبة اني اتحرجت لسة متريق عليا او علشان نكون أدق هزئني كنت آخر واحدة تتطلع من المحاضرة...
الشاب:يا آنسة ..!
لفيت عشان ألاقي الدكتور بيناديني
أنا ببرود: حضرتك عاوز حاجة!؟
الشاب:واضح ان اول لقاء مكانش لذيذ وانا ماحبش علاقتي مع طلابي تبقى كده...
أنا:اه فعلا واضح عشان كده كملت عليا باقي المحاضرة !؟
بص على الأرض وهو كاتم ضحكته بيقول
الشاب:ماهو بصراحة مفيش حد يدخل يقول حصة ...
ده جبلة (مش بيحس)انا غلطانة اني وقفت مع حد زيه
أنا:طب عن إذنك يا مستر اصل عندي درس تاني ..كاتكوا القرف مليتوا البلد
لفيت وخرجت بس سمعته بيبرطم (بيقول كلام مش مفهوم) شكله هيبرطم كتير السنادي !!
أنت تقرأ
يوميات في الجامعة
Acakفاكرين ياسمين وملك ويارا وعمر!؟! تفتكروا لما يكبروا أفكارهم هتتغير والأهم من كده قلوبهم هيحصل فيها ايه!؟ ما تيجو نشوف ¡¿
