Mahal kita
salita na natutunan ko noong nakilala kita
Mahal kita
Salita na nararamdaman ko sa tuwing kasama kita
Mahal kita
Salita na gusto kong bigkasin ng paulit ulit sa iyong tenga
Mahal kita
Salita na naramadaman ko noong unang beses na nagtama ang ating mga mata
Ngunit ang salitang ito ay nawalan ng bisa
Noong nalaman ko na may mahal kang iba
Ang nararamdaman ko sayo ay parang pintura
Na napakahirap tanggalin sa aking sistema
Makipagkaibigan
Ang tanging paraan upang ika'y malapitan
Hindi alintana ang sakit na mararamdaman
Makausap ka lang ng magdamagan
Sa tuwing ika'y nasasaktan
ako'y iyong nilalapitan
Sa tuwing wala ka nang masandalan
Ako ang iyong hinahagkan
at sa tuwing ika'y nasasaktan
ang pag-asa ko't nadadagdagan
Oo alam kong makasarili
Pero mas gusto kong ika'y na sa aking tabi
Pero sa tuwing nandyan siya
ako'y iyong nakakalimutan na
Para akong payong
na pag wala na ang ulan ay bibitawan na
Para akong kandila
na pag may liwanag na ay papatayin na
Sa tuwing kayo'y magkakalapit
Ako'y lihim na namimilipit
Sa tuwing kayo'y nakatingin sa isat isa
Ako ay lihim na nagdurusa
At sa tuwing hahawakan niya ang kamay mo
Unti unting nadudurog ang puso ko
Pero sa paulit ulit na sakit
Puso ko ay tila namamanhid
kaya patawarin mo ako kung ito ay nilihim ko
Dahil mas ginusto kong mapalapit sayo
at ngayon ako'y pagod na
Ika'y aking pakakawalan na
Dahil sa lugar na pinangarap kong ikaw at ako,
Nagising ako ng walang ikaw at ako lamang ang nandito
Ngunit tandaan mo
Na pag ika'y pinaluha niya
Ako'y nandito para itahan ka
Pagbinitawan ka niya
Ako'y nandito para saluhin ka
Dahil ako'y patuloy na aasa
Hanggang sa ang buong puso ko ay mamanhid na
At ang nararamdama ko sayo'y maglaho na
Dahil ang ikaw at ako ay hanggang kaibigan lang.
Uulitin ko.
Hanggang Kaibigan Lang
