فضلنا نتكلم كتير فى مواضيع مختلفه
كنت بحاول على قد ما اقدر انوع فى الحوار
عشان اتكلم معاها اكتر فتره ممكنه .
وكمان كنت بحاول اعرف هى بتحب ايه ومتابعه ايه عشان اكلمها فيه .
ده حتى وقت حكم الرئيس " مرسي "
انا مكانش عندي رأى سياسي اطلاقا
بس لما عرفت انها مؤيده ليه
بقيت انا مؤيد وبقيت اتابع اخباره كمان
بمعنى اصح كنت بحاول اعمل اى حاجه تعجبها .
بمرور الوقت حسيت انها اتعودت عليا اكتر
وكمان بقت هى اللى بتسال عنى
ساعتها صدقت ان " الوقت ساحر "
يعنى لما تقضى وقت كبير وحلو مع حد بتقدر تخطف قلبه حقيقي .
