فى الجزأ ده من القصه هيظهر معانا شخصيتين جداد
هما ( محمود & بنت اسمها [س] ) ..
رجعنا المدرسه وبقينا فى تانية ثانوى
بس انا كنت علمى رياضة وهى كانت علمى علوم
يعنى متجمعناش فى فصل واحد للاسف .
طبعا كان عندي " بيست فريند " وهو محمود
كان معايا فى الفصل وصاحبي من اعدادي
بحبه جدا الصراحة ^_^
كنت بحكيله عن كل تفاصيل حياتى
ومن ضمنها قصة الحب بتاعتى.
فى مره لقيته بيقولى انه معجب بواحدة
و سالته " هى مين؟ "
قالى عليها وطلعت [س] .
[س] دي بقي بنت كانت معايا فى ابتدائي وحاليا هى صاحبة حبيبتى الانتيم ، ومعاها فى الفصل
انا مكنتش متفاجأ اصلا ؛ عشان محمود كان دايما باصص عليها ونظراته فضحاه :D
