اني و سرو : السلام عليكم
فراس و قيس: و عليكم السلام
اني : خير يا فراس لو سمحت اعطيني ....و قفت الجهة التانية نستنا فيه
قيس: ادوري في حاجة
اني : لا نشوف بس و اللي نبيه طلبته من فراس
قيس : لكي انتي
اني : لا و الله لهناء بنت خالي
قيس: اها
اني : سرو تعالي شوفي هادي
سرو: لا حياة لمن تنادي قاعده تهدرز ع صديقها فراس
قيس: غمزلي و قالي مكبد هههه العطيب
اني: هههههه هائمة ربي يعقد عسلهم و بيني و بينك حتي هيا مكبدة مش غير ههههه
فراس و سرو: ها كملتي ندي
اني و قيس: ههههه كملت و انتو كملتو و لا لا لان وقت عليا
سرو و اني : هيا يا فراس باي
قيس: و انا ما يحلش عليا تقولولي باي و لا تشادي قدامكم
اني و سرو : باي يا فراس و باي يا تشادي ههههه
و طلنا روحنا كل واحد خش لحوشه
اني:خشيت للحوش لقيته فاضي خشيت لداري خديت تليفوني لقيت امي و خالي حميده ( محمد ) اللي مش متزوج متصلين بيا
عاودت لامي ماردتش عاودت لخالي
اني : الوو يا قليبي
خالي: وين يا شينة نرن عليك من بكري
اني : خالو كنت في المدرسة كيف روحت خير تبي حاجة
خالي: يا غلاتي وتي روحك جايك في الطريق بنرفعك لحوش خالك محمود
اني: باهي دقيقة خلي نصلي و نبدل بس
خالي : باهي تمام باي
اني: باي
خشيت التواليت و توضات و صليت ووتيت روحي ووصل خالي و ركبت معاه
اني: السلام عليكم
خالي : و عليكم السلام شن جوك و جو المدرسة
اني: الحمد لله كويسة
خالي:اها باهي جعانه ناخدلك حاجة
اني : لا شكرا وصلني لحوش خالي بسرعه
وصلنا و خشيت للحوش
اني: السلام عليكم
البنات : اييي ندوش جتنا عاش من شافك في حوشنا
اني: هههههه تعيشوا و تشوفوا يا حنه
ميار : اووو ندوش استاحشتك يا كلبه
اني: ههه حتي اني وينك مختفية
ميار: اهو قاعده و الحمد لله
هناء: هيا بيجوا بكري قالوا و تعالوا كملوا ضمان خطرها ندوش جبتلي الحاجات
اني : اها جبتلك
و خشينا بدينا نضموا و نوتوا لعند العصر
رهف بنت خالتي: اني عييت بنمشي نوتي روحي
اني : ارفعيني معاك حتي اني
رهف : هيا تعالي
#يتبع
