((ديما))
كعدت ساعة 6:30 على صوت المنبه اليوم هو اجمل يوم بحياتي بدلت لبست بلوزة سمائية وجينز ازرق وحذاء اخضر وجنطة خضراء ورفعت شعري ونزلت خصلات من الامام...نزلت لكيت الكل كاعد
ديما:صباح الخير
الكل:صباح النور
الام:يلة بنتي تعالي تريقي
ديما:لا ماما مااريد اتاخر من اول...باوعت على اخوية رائد وكلت يلة خلص بسرعة حتى توصلني
رائد:اوك اوك
بعدين طلعت واجة رائد وصلني ودخلت للجامعة جان الكل يباوع علية المهم رحت للقاعة وطبعا ماافتهمت شي😂 اتعرفت على وحدة كلش حبابة وصارت صديقتي اسمها رزان طلعت اني وياها للكافتريا مال جامعة وطلبت اكل واكلنة وبعدهه حضرت كل المحاضرات ورجعت للبيت سلمت على الكل وصعدت لغرفتي بس حطيت راسي على المخدة نمت كعدت على صوت الموبايل رديت بدون مااشوف منو المتصل
ديما:الووو
رزان:ولج هاي بعدج نايمة الساعة 5:00 بسرعة يلة بدلي خل نروح نشتري كم شغلة يلة يلة
ديما:اووووف كمت كمت يلة باي خل اكوم
رزان:عود مريلي مو تنسين بااااي
كمت ولبست ورحنة اشترينة ورجعنة
((حسين))
كعدت على صوت طرق الباب جانت الخدامة اوووف من الصبح
نازلي(الخدامة):استاذ حسين اكعد اهلك يريدوك
حسين (بنعاس):اوك اوك
كعدت غسلت وجهي ولبست ونزلت
حسين:صباح الخير
الكل الا الاب:صباح النور
الاب:ليش متأخر بالكعدة ياابني
حسين:اعتذر هاي اخر مرة
وبعدين اكلت وطلعت اتصلت بسجاد
حسين:الوو
سجاد:لك هلا بالضلع وين هالغيبة
حسين:والله شغل ومسؤؤلية هسه المهم تعال بالكافتريا خل اشوفك
سجاد:اوك دقايق
وصل سجاد وحجينة كووومة سوالف وبعدين كلتلة
حسين:والله دافكر اسافر لتركيا شنو رائيك تجي وياية
سجاد:اي والله ياريت
حسين:اوك لعد بعد يومين نسافر ونرجع بعد متخلص العطلة
سجاد:اوك
((ديما))
جنت داسولف بالموبايل وية رزان وسمعت ماما تصيح بأسمي جان كلت لرزان
ديما:اووكفي خل اشوف ماما شتريد
رزان:اوك
رحت لماما وكلتلها
ديما: ها ماما
الام:بنتي بعد يومين راح نسافر لتركيا عائلتنا وعائلة رزان
ديما:وووواااوووو ونااااااسة اوك لعد باجر اكدر اروح للسوق اشتري كم شغلة
الام:اووف منج متشبعين ملابس اوك روحي
رحت وكلت لرزان واتفقنة نروح باجر ونشتري ملابس ونمت
((بعد يومين))
رحنة لتركيا والكل مشغول بالشغل واني ورزان فرينة تركيا كلها وبعدين رحنة للمطعم وكعدنة وطلبنة اكل وجان يمنة طاولة بيها اثنين شباب ماانكر انو كانوا حلوين وخاصة هذا الكاعد على اليمين بعدين اكلنة ورحنة للبيت...صدووك نسيت اكووول عائلتنة وعائلة رزان اصدقاء وكعدنة بنفس البيت
((حسين))
بعد يومين سافرنة وفديوم رحت اني وسجاد للمطعم وجان اكو بالطاولة الي يمنة اثنين بنات ماانكر جانن حلوات خاصة الي كاعدة على الجهة اليسرة حلوووة كلش بعدين حجينة ورجعنة للبيت
((في الصباح))
كعدت وكعدت سجاد وبعدين اكلنة وطلعنة سجاد راح للسوبر ماركت واني رحت للمكتبة...وصلت للمكتبة واخذت كتاب وكعدت على طاولة جبيرة كلش قريت نص الكتاب بعدين رفعت راسي لكيت نفس البنية الي شفتهه ذاك اليوم بالمطعم........طلعت من المكتبة وجنت دامشي وشفت جماعة شباب ديتحارشون ببنية ف رحت وضربت الجماعة وشردوا وبعدين انتبهت ع البنية هي نفسها البنية الشفتهه ابتسمت الهه وكلت
حسين:انتي بخير
ديما:اي بخير...شكرا
حسين:لا عادي هذا واجبي...كأنو شايفج مرة
ديما انتبهت عالشخص وعرفتة هو نفسة الي شفتة بالمكتبة كلت:اي صح اني هم شفتك مساعة بالمكتبة
حسين:اممم اني حسين
ديما:اتشرفنة واني ديما
حسين:الي الشرف..عاشت الاسامي
................
حبايبي
ممكن فوت وكومنت
