الام:اي حبيبتي نهى هسه حتجي اول ما سمعت الخبر هي طايرة من الفرح (اكيد حتسالون منو نهى..نهى تكون اخت نور وهي متزوجة وعده بنوتة اسمها لين)
نور فرحت لان واخيرا حتشوف اختها:ايي يارب توصل بسرعة
فجأة رن جرس الباب نور عرفت انو هي اختها نهى بسرررعة راحت فتحت الباب وشافت اختها
نور ودموعها بعينها:لجججج عوووووبة مشتاااااقتلج موووت
نهى تبكي:اهئ اهئ حبيبتي همزين رجعتيلنة والله اني مشتاقتلج اكثر وحتى بنتي لين كل يومية تسالني وين خالتو نور
نور متفاجأة :انتي تزوجتي لا وعندج بنية
نهى:اي
نور:عاااا لعد وينها ام اللول ولج بس لا ماجبتيها علمود اموتج
نهى:يمممة على كيفج(نهى وهي تأشر) ذيجة ليش
نور:عااا كمر كمر فدددوة(نور راحت وحضنت لين)يممة فدوة لله
لين:انتي خالة نول(نور)
نور ابتسمت:اي يعمري اني خالة نور
لين:تيب وين تنتي (طيب وين جنتي)
نور:جنت بغير مكان وهسه رجعت
لين:اوك اني اليد نثتلة وماما متقبل تثتريلي(اني اريد نستلة وماما متقبل تشتريلي)
نور ضحكت:هههههه اي ماما خبيثة هسه اني انطيج اطيب نستلة
لين:اوك نثليني هثه اليد الوح لخالتوا بنين (نزليني هسه اريد اروح لخالتوا بنين)
نور:اوك يلة روحي
مرت الايام ونور بيت اهلها وعايشة احلى ايام وياهم ضحك ومقالب وسوالف كلش فرحانة باهلها
((نووور))
كلش فرحانة لان اني بوسط اهلي وطبعا اني منسيت اهلي الربوني وكل يوم اتصل بيهم....
في الصباح
كعدت بدلت ملابسي (الي بالصورة)👇
ونزلت لكيتهم كلهم كاعدين ينتضروني
حسين:افاااااا طالعة تجننين
نور بغرور:اي اعرف
حسين:اها واني كلت اطلعج بس غيرت رائي
نور:لا لا انت حبيبي شلون تغير رغئيك
حسين:اخخخ من المصالح
نور:افااا عليك اكمل ريوكي وتاخذني
حسين:اي عيني
نور:فديتك
الام:يلللا كافي تريوكي هسه
الكل:اوووك
كملنة اكلنة وحسين راح يلبس علنود ياخذني وطبعا اني جاهزة فكلت اطلع انتظرة بالسيارة وفجأة واني دافتح الباب مال البيت (خاف عبالكم مال سيارة😀) شفت حسين وطبعا مو اخوية حسين وانما هذا حسين الشخص الي حبيتة اووف اني بهاي الايام نسيت كولشي
حسين متفاجأ:ديييييماااا شدتسوين هنااا
نور :اهلا حسين اول شي اسمي نور مو ديما وبعدين اني الي لازم اسألك انت شدتسوي هنا
حسين ما مستوعب:خالة ام نور هناا
نور:اي هنا تفضل
طبعا دخلت وياة لان ردت اعرف شنو هالخربطة الي دتصير
نور:ماااااماااا ماااامااا اكو شخص يريد يقابلج
ام نور:اي بنتي اجيت منو هذا الي يريد يش....(قبل لتكمل كلامها شافت حسين):هلا ابني شلونك انشاءالله زين والله نورت البيت وين هالغيبة
حسين:هلا بيج الحمدلله زين وانتي البيت منور باهلة والله دراسة وشغل
ام نور:الله يوفقك
حسين:تسلمين خالة
نووور مو مستوعبة:شكو شكو كأنو اني هنا مثل الاطرش بالزفو كولولي شكو وماما منين تعرفون حسين
ام نور:بنتي هذا حسين جان وياج يدرس ومن يوم ماكالولنة انتي توفيتي هو حالتة تدهورت وصار كل اسبوع يزورنة وباختصار هو يحبج كلش يابنتي
