بعد اسبوع
((ديما))
رجعنة من تركيا لاربيل (صدك ديما ساكنة باربيل ) وانتهت العطلة واليوم راح اداوم المهم طلعت من البيت ووصلت للجامعة خابرت رزان
ديما:ولج وينج
رزان:الناس تسلم اول شي..اني بالكافتيريا تعاليلي
ديما: اوك
رحت للكافتيريا وحجينة اني ورزان كم موضوع وبعدين شفت حسين انصدمت معقولة هو يدرس هنا المهم رحت للمحاضرة ومن خلصت المحاضرة طلعت امشي شوية بالجامعة وهم شفت حسين وهو انتبهلي هالمرة واجة
حسين:السلام عليكم
ديما:وعليكم السلام
حسين:شلونج
ديما:الحمدلله
حسين:انتي تدرسين هنا
ديما(لعد جاية العب😞):اي سنة اولى
حسين:اها...اوك اني اترخص باي
ديما:الله وياك
طلعت رزان من المحاضرة لان احنة مو نفس القسم المهم جنت مشتهيه جبس بالفلفل (طفلة وربي😂)يمكن ماالكة هنا ف كلت لرزان
ديما:خلينة نروح نشتري جبس ونرجع
رزان:شكبرج تصيرين
ديما:هسه ديلة امشي
رزان:اوك
طلعنة اشتريت جبس ورجعت اني وداكل شفت حسين فكرت بشي (الله يستر😂) كلت لرزان
ديما:رزان دافكر اسوي فدشي بحسين
رزان:الله يستر..اني معلية انتي روحي
ديما:اوووف اوك حروح وانتي شوفي شراح اسوي
رزان:اوك
رحت لحسين وكلتلة
((حسين))
احس بشي غريب كل مااشوف ديما...ياربي اني احبة ومو بس احبها اموت عليها...شفت ديما متجهه نحوي
ديما:هلو
حسين:هلا
ديما:سؤال...انت تحب الملح لو الحلو
حسين:لا الحلو
ديما:اممم ممكن تاكل من هالجبس داحسة معفن
انتبهت للجبس الشايلتة هههههه ياربي هالطفلة حتخبلني
حسين:اوك
اكلت من الجبس ووجهي صار ناااار ياربي هذا بالفلفل عندي حساسية من الفلفل اوووف بدت حالتي تتدهور وهي جانت تضحك لحد مااختفت ابتسامتهه من شافتني بهالحالة
((ديما))
متت ضحك عليه جان وجهه احمر هههههههه بعدين انتبهت انو حسين مو على طبيعي
ديما بخوف:حسين خير بيك شي
حسين:لا بس عندي حساسية من الفلفل ممكن تجيبيلي مي
ديما بصدمة:اوك
حسيت بندم لان سويت هيج اوووف ياربي ان شاء الله يسامحني رحت بسرعة جبتلة مي وكلتلة...بس حسيت هالموقف صاير بحياتي من جنت صغيرة (ديما هي وصغيرة سوت حادث وفقدت الذاكرة وبعدين تعرفون الباقي)
ديما:تفضل
حسين:شكرا تعبتج
ديما: لا عادي.....اسغة ما جنت اعرف عندك حساسية من الفلفل
حسين:لا عادي مصار شي
ديما:اوك اني حروح باااي
حسين:باي
ياربي اني احبة والدليل على حبي انو خفت عليه كلش بس مااعرف اذا يحبني او لا المهم رحت ل رزان وحجيتلهه كلشي صار
رزان:ثووول اي والله فشلتينة كداام الولد هسه شيكول علينة
ديما بخوف:انتي تحبينة
حسيت رزان تحبة مااعرف ليش سالتها يمكن لان احبة واريد اطمئن انو هو الي مااعرف ياربي
رزان:سدي الموضوع
ديما بعصبية:اني سألتج وانتي جاوبي
رزان:اوك اوك..اي احبة
ديما بصدمة وبحزن بس ماحبت تبين لرزان ف كالت:واااوو لعد لازم نكلة
رزان:لا ولج شيكول علية
ديما:معليج انتي
رزان:اوف منج
