خسارة يمـر العمـر و انت ما تدري

الفــصل السادس

هل ستبادليني الابتسام يا دنـــــيا ؟؟!!

♡̷♡̷ احمـــــــــد ♡̷♡

رجعت من العمل وانا اشعر بتعب واذا بدلال تواجهني في الباب وهي تصرخ .
-شوف شوف بتك مصخمة الوجه شمسوية .. فضحتنه الله يفضحها ..

صدمتني ثم اعطتني ضرف يحتوي على عدت صور نظرت لهما لأتبين اي ابنه تتكلم عنها .. اعدت الصور للظرف وانا لا اصدق شيئاً ... خرجت من المنزل وتوجهت لبيت اخي حمد ابو ياسر طرقت الباب فتحهُ ياسر .
-هل هله عمي ... اشلونك .
-بخير والحمد لله .. ابوك اهنانه ؟
-اي يا عمي يصلي .
-انه راح انتظرة بالديوان .
-خير يا عمي ؟؟ اشبيك ضايج .. عمي صاير شي ؟.
-والله يا ياسر .. صيح ابوك ترى مابيه حيل اوكف .
-ادخل ادخل هذه بيتك ..
جلست في الـــ (ديوان ) وتذكرت الصلاة خرجت من الـ( الديوان ) وذهبت للمغسلة توضيت ودخلت في الديوان اصلي وادعي الله ان اكون بحلم .

حمد :- خير اخوي شصاير ؟
ياسر :- يبى عمي يصلي .. بس لا تقلق ان شاء الله خير .

انتهيت من الصلاة وجلست اسحب نفس .
احمد :- شوف يا اخوي .. انه ما ادري شنو الموضوع بس مرتي اطتني هذا الضرف ومن ربكتي ما عرفت اروح المن .. وما لــﮕـيت غيرك .. ما ﮔـدرت اواجه ابو جواد هسه .
سلمته الضرف نظر للصور بقلق ثم اخذ ياسر الصور وقال .
ياسر :- انه ادري بيه يشرب ومستحي منه بس ما اﮔـدر احاﭼـيه دومه وي شباب صاقطين ( محشومين يالقراء ) فأستحي اوﮔــف واحاﭼـــيه .. بس هاي البنيه الحلوة ما اعرفها .
سحبت الصور من بين يديه ونظرت له وقلت .
احمد :- هاي ... هاي .. بتي .
ياسر :- استغفر الله .. استغفر الله .. مستحيل يا عمي يصيـر هيــﭻ مهما صار جواد رذيل مو وي بت عمه .. مهما انـــﮕــلب العالم مريم شريفة اصل واهل .. مستحيل يا عمي .. بالكمبيوتر كلشي تــﮕـدر تسوي .
احمد :- بس يا ياسر الصورة حقيقية امبينه ... استغفر الله من كل ذنباً عظيم .

حمد :- هوا حل واحد ... بس بالاول خلينه انشوف امنين جابت ام جاسم الصور .
احمد :- اي يا اخوي هسه ارو ح الها .
حمد :- اروح وياك .
ياسر :- وانه همين .

ذهبنا لبيتي وناديت دالية للديوان امام اخي ارتدت العبائة والحجاب وجاءت .
دالية :- السلام عليكم .
حمد وياسر :- وعليكم السلام .
احمد :- دالية سولفينه منو جاب الـﭻ الصور .
دالية :- بت ام باسم .. بتول زوجة فؤاد ..
ياسر :- فؤاد ابن الــ ... هذا واحد سكير وشراب وهوا اللي ملّفي جواد وهوا اللي علم جواد على هاي السوالف .
دالية :- على العموم هيه جابتهن النه من زوجها .. وتريدنه ننتبه على مريم .. تــﮕــول اذا اليوم وي ابن عمها باﭼــر وي ...
احمد :- صمي حلــﮕــﭻ ... اقطع السانه اللي يجيب طاري بتي بسوء .
دالية :- هاي اخرت الدلع .
ياسر :- اي دلع يا ام جاسم .
دالية :- اسكت يا ياسر انته ما تعرف شي .
ياسر :- خليت العرفة الـﭻ يا ام العريف .

احترت ماذا سأعمل ... اذاً فؤاد يعرف كل شي وبتول والقصة ستنتشر في ارجاء المكان .. يجب ان اقطع السنة الجميع ... بـــ .
حمد :- زوجهم يا احمد ﮔــبل لا تطول السالفة .
احمد :- هسه رايح لجواد ... بس ياسر .. حمد .. لا تــﮕـولون شي لــ حميد ﮔــبل فترة صارت بيه جلطة .. والدكتور ﮔـال بعد جلطة وحدة ويموت لذا خلو السالفة بيناتنا وبين جواد اللي محد رباه .. انه اربيه .
دالية:- ربي بتك اول .