رجعوا مره ثانية اهل سبأ عرفوا بالموضوع
طبعا ام سبأ متحملت صدمه ثانية من بنتها انصدمت وضربتها راشدي
سبأ:انصدمت لمن امي مدت ايدها عليه بس يمكن هذا الراشدي خلاني اصحى على تصرفاتي .....
ورجعت ام سبأ دكت على عمر
ام سبأ:شبيك انت مو كتلك بعد لتتقرب من بنتي
عمر :اعتذر وخلاص هاهيه الي تريدي يصير ......
سبأ:طبعا عمر عافني انسانه مكسوره وضعيفه جانت اكو غصه بگلبي جنت ندمانه كلش .عانيت كلش يالله رجعت وكفت على رجلي ...عانيت واني محد يمي كلها تركتني جانوا كلهم زعلانين مني والاكبر من هذا جنت احس رب العالمين مراضي عليه هذا اكثر شعور يخليك تتحطم لان بدون رضى رب العالمين تحس انت كل خطوة تخطيها بحياتك مراح تتوفق واذا توفقت بخطوه راح توكع بخطوه ثانيه😞😞😞
رجعت لدراستي ولمستقبلي ووعدت نفسي ان اطلع اعلى درجات اكدر الها ويمكن صعب واحد يعترف بهذا الشي بس جنت اصلي بس متقطع ورى هاي الظروف التزمت بصلاتي وجنت من اخاف من شي التجأ لرب العالمين
ودائما ادعي ربي ان يبعد عني كل شخص يريد يأذيني ورب العالمين معافني وحدي
الحمد لله رجعت صارت حالتي كلش زينه ونسيت عمر ...😊
امتحنت سادس واليوم النتائج :
سبأ:اني رايحه انام لان مااتحمل توتر الاعصاب
ام سبأ:ماشي بنتي روحي
سبأ:اذا معدل مال اوادم كعدوني واذا مو خوش معدل خلوني نايمه
ام سبأ:😂😂😂تخبلت البنيه
ابو سبأ:طلعت النتيجه 😞
سبأ:اويلي ليش اجيت يا بابا مو دااريد اروح انام
ابو سبأ:شتنامين على صخام وجهج
سبأ:اي اعرف بنفسي 😭😭😭
ابو سبأ:هاج معدلج ٩٦
سبأ؛😨😨تشاقه موو
ابو سبأ:لا هاج شوفي
سبأ: ياااااااي الحمد لله دقيقه خلي اروح اركض (طبعا بهذاك اليوم ركضت وكمزت وجانت حالتي دائما هيج 👈💃💃💃💃💃💃 لان من صدك تعبت بس من تشوف نتيجتك حلوه راح تنسى كل التعب )
سبأ:يا ويلاااه يعني هسه اني صيدلانيه
ام سبا:كولي ان شاء الله بعد مقدمنالج
سبأ:اي قدموا بسرعه 😂
ابو سبأ؛الله كريم بنتي
💜💜💜
سبأ:العالم بدت تباركلنا واهم شي يجيبون هدايا هوايه وياهم خاصه اذا 💰💳💸لان كليه وماريد ابقي شي مااشتري 😂😂
والحمد لله فرحه ثانية قبولي بكليه الصيدله 😊
سبأ:الله راح اداوم باجر ممصدكه شنو راح البس ؟ماااااماااا
ام سبأ؛هاا
سبأ:شنو البس باجر
ام سبأ:تحجين صدك اشتريتلج كومه ملابس حتى متحيرين ومن اول يوم حيرانه!!
سبأ:هففففف محد يساعد احد بهل البيت نحيسين 😒
ام سبأ:ههههههه هسه انتي صرتي جبيره ولازم تعتمدين على نفسج
سبأ:اوك 😐
اول يوم في الجامعه .....😍
زينه :هلاوووو سبوئتي شلونج حياتي مشتاقتلج طالعه تجننين (طبعا زينه جانت تحجي بصوت عالي )
سبأ:هلووو يالله دائما فاضحتني عيب نصي صوتج عبالج احنا بالمدرسه صرنا كليه يا عيني يعني لازم تتصرفين برقي وحضاره 😜
زينه :انهجم بيتج 😂
سبأ:الله ممصدكه كليه الصيدله 😍
زينه :يرادلج سچ اضعاف الاعداديه
سبأ:واني راضيه عادي اشو احنا حدايق شنو عدنا غير دراستنا 😊
زينه :بهاي غلبتيني
سبأ: دائما غالبتج اني 😂
زينه :عااااااا هاي شنو !!
سبأ:شكو شنو 😨
زينه :لج نسيت ابن عمتي يداوم هنا طب مرحله ثانية
سبأ:الله عليج واني عبالي صار حريق بالكليه لان مااتهنى بشي 😞
زينه :تعالي خلي نسلم عليه
سبأ:واني شكو هو ابن عمتج روحي سلمي وتعالي واني انتظرج
زينه :تعااااااالي دااكلج
سبأ:جيت بس نصي صوتج
زينه :هلو امجد شلونك
امجد :هلاووو زينه الحمد لله شجابج هنا ؟
(امجد ابن عمتها لزينه عمره ٢٠سنه شاب مؤدب ومتدين )
زينه :اني بديت اداوم هنا بكليه الصيدله
امجد :يااا صدك شايفه الخير
زينه :خير ليصيبك اعرفك على صديقتي سبأ امجد :اهلا وسهلا تشرفنا
سبأ:اهلا بيك 😊زينه ترى حتبدي المحاضره الاولى
زينه :اوك يلا بيباي امجد
امجد :الله وياج
في المحاضره ....
سبأ:تعالي زينه كعدي هنا
زينه :اوك
بدت المحاضره وشكل سبأ وزينه هيج 😓😓
سبأ: اكلج هذا شنو يحجي
زينه :مادري بس دااسمع كلمه (فرموسس ) يمكن هاي اكله ايطاليه
سبأ:گبر هههههههه يعني صيدلاني
زينه :الله عليج زين عرفت
سبأ:😂😂😂😂😂
بعد المحاضره
زينه :لج تعالي نأكل حموت جوع وهذا دوخنا سبأ:يلااااا 😂
خلصنا محاضرات ورجعت
سبا:هلوووو
ام سبا:هلا ببنيتي شلونج بالكليه
سبأ:عادي نفس المدرسه 😒
ام سبأ:شلون نفس الشي
سبأ:مادري اني شفتها هيج
ام سبأ:تعالي تغدي
سبأ:ماريد رأسي يوجعني اروح انام
ام سبأ:ماشي ....
اتمنى البارت عجبكم 😍
رايكم يهمني 💞
