مر أسبوع وسبأ مداومت بالكليه
امجد :لج زينه هاي ليش ممداومه لحد الان
زينه ؛مادري بيها متقبل تداوم
امجد :احسن شي اروح اتقدملها
زينه :صددددك تحجي
امجد :اي والله
زينه ؛الف مبرووووك يممه فدوه احلى ثنين
امجد :هههههه احجي ويه امي وباجر نروح بس خاف تكلج هي لتكليلها عن اي شي
زينه :اوك تدلل
(جنت بس اريد ارجع من الدوام حتى احجي ويه امي بالموضوع )
امجد :يمااااا
ام امجد :هلا حياتي شلونك
امجد :زين الحمد لله 😃
ام امجد :حبيبي شو فرحان كلش صاير شي
امجد :اي عندي موضوع وياج
ام امجد :اي احجي
امجد :اريد اتزوج 😍
ام امجد :فدوه حبيبي صار جبير ويريد يتزوج تدلل من باجر ادورلك على وحده
امجد :لااااا كلشي جاهز بس عليج تروحين ويايه
ام امجد :منو هي؟ وشلون تعرفها ؟اهلها منو ؟
امجد :اني كلشي اسولفلج بس جوعان هسه
ام امجد :اي الغده جاهز
امجد :اوك لعد ابدل واجي .....
جانب من بيت سبأ؛_
ام سبأ:لج بنتي احجيلي شبيج احد قاهرج ؟
سبأ:لا ماما مابيه شي بس شويه تعبانه اريد انام
ام سبا:مااشي براحتج
سبأ:طفي الضوء ماما
ام سبأ؛تدللين
سبأ:وبدت تبجي ياربي ليش هيج ديصير بيه شلون راح اداوم بعد وااواجه شلون راح ارفضه اني ماريد اكرر اخطائي مرة ثانيه اووف خلي انام احسن 😴😴😴
في اليوم التالي :....
ام امجد :يلا ابني تاخرنا
امجد :دقيقه ماما اجييت
ام امجد؛يمه فدوه لله شلون طالع الله يحفظك
امجد :باس رأسها ويحفظج حبيبتي
💟💟
ام سبأ:سبأ كومي شوفي منو بالباب
سبأ:والله مابيه حيل
ابو سبأ؛اني اطلع ........ يااهلا وسهلا تفضلوا
ام سبأ؛منو هاي
ابو سبأ؛ماعرف ام وابنها كالوا عدنا موضوع وياكم
ام سبأ:الله ليستر .....يااهلا وسهلا زارتنا البركه
ام امجد :اهلا بيج عيوني
امجد :بصراحه احنا اسفين اجينا بدون موعد بس ماعدنا رقم حضرتك
ابو سبأ:لا ابني عادي البيت بيتكم
ام امجد :بصراحه احنا جايين نطلب ايد بنتكم سبأ
ابو سبأ:ها زين انتوا تعرفون سبأ
امجد :اي عمو ويايه بالكليه
ابو سبأ:انت ابني شنو تدرس
امجد :اني مرحله رابعه كليه الطب
ابو سبأ:ماشاء الله ربي يحفظك
امجد :تسلم عمي
(وضلوا ناس تتعرف على ناس وتقريبا اهل سبا اقتنعوا )
ابو سبأ:الله كريم نسأل البنيه ونشوف
امجد :ماشي لعد احنا نترخص
ام سبا:بعد وكت
ام امجد :لا والله تاخر الوقت ان شاء الله اذا صارت القسمه وربي سهلها راح تكثر زياراتنا عليكم
ابو سبأ :هلا بيكم
ام سبأ:سبأاااااا
سبأ:ها ماما
ام سبأ:لج اجوي ناس يريدون يخطبوج
سبأ:وشسويلهم 😒
ام سبأ:هو الولد وياج بالجامعه اسمه امجد
سبأ:شنووووو
ام سبأ؛تعرفي ؟
سبأ:ايي
ام سبأ:وشنو رأيج
سبأ:مادري انطيني مهله افكر
ام سبأ:ماشي بس مو تطولين عيب العالم ينتظرون
سبأ:ماشي (بسيطه اله)
امجد ؛هههههه جتني رسالة منها
سبأ:اكلك
امجد :كولي حبيبتي
سبأ:اول شي احترم نفسك ولتكول حبيبتي
امجد :ماشي بس اعصابج
سبا:انت اليوم جاي عليناا
امجد :ايي
سبأ:وشكو جيت
امجد :ردت اتعرف على امج وابوج
سبأ:وليش ؟
امجد :مو همه عمي وعمتي بالمستقبل
سبأ؛ماشاء الله على الثقه ومنو كال اني اوافق .
امجد :يعني ترفضين ؟؟
سبأ:اي شنو يمنعني
امجد :ماشي اذا متحبيني رفضي عادي (بس بگلبه جان خايف )
سبأ:اووك باجر اخذوا الجواب من اهلي
امجد :ماشي
سبأ:يلا باي
امجد :باي
في اليوم التالي :_
ام امجد :اكلك ابني شوكت بيت سبأ يردولنا خبر وبعدين اني حتى البنيه مشفتها
امجد :مادري يجوز فد يومين ينطونا خبر(والله لو تدرين سبأ رفضتني )😞 وترى ابنج ذواق
ام امجد ؛ان شاء الله ....موبايلك ديدك
امجد :اها .....(ابو سبأ ديدك وماريد اجاوب كدام امي لان ماريدها تعرف اليوم راح ينطوني الخبر )....هذا صديقي ضوجني ماريد اجاوبه
ابو سبأ:ميرد
ام سبأ:يجوز حاطه صامت او مشغول
ابو سبأ:بنتي انتي متاكده من قرارج فكرتي زين ؟؟
سبأ:اييي😊
ابو سبأ:هذا امجد ديدك
ام سبا:اي جاوب
امجد :السلام عليكم شلونك عمي اسف هسه يالله شفت المكالمه
ابو سبا:لا عادي ابني بس حبيت اكلك اذا تكدر تجي اليوم حتى تأخذ الجواب
امجد :اوك العصر امرلكم (الله ليستر )
ابو سبأ:هلا بيك
💗💗💗💗
الساعه ٥عصرا
سبأ تحضرت وبدلت وميك اب خفيف ولبست حجاب وكعدت انتظر
امجد : جنت اسوق السياره ومن صدك خايف من الفشله مجبت امي ويايه حتى افشل وحدي 😓
ابو سبأ:تفضل ابني
امجد :تسلم عمي
ابو سبأ:راح تلتقي ويه سبأ وهي تنطيك الجواب
امجد :(يعني لازم هي تفشلني )ماشي عمو
ابو سبأ:سبأااااا
سبأ:اجيت بابا
امجد :طبت سبأ وطالعه مززه 😂خرب بحظي شكلها مموافقه وتريد تقهرني
سبأ:السلام عليكم
امجد :وعليكم السلام (صايره مؤدبه البارحه جان لسانج شطوله )
ابو سبأ:اني اترخص اخذوا راحتكم
امجد :الله وياك
سبأ:هلاوووو😊
امجد :هلو 😃انطيني الجواب ولتلعبين بأعصابي ترى حتى بالليل منايم
سبأ:مو البارحه انطيتك الجواب
امجد:يعني مموافقه
سبأ:ايي
امجد :اووك يلا مع السلامه
سبأ:جذذب موافقه
امجد :اهووو وتاليتها وياج
سبأ:والله موافقه 😂
امجد :يعني موافقه تتزوجيني !!!؟
سبأ:ايي
امجد :اووويلي خرب بيج كوليها من البدايه
سبأ:لااا لازم اشلع گلبك
امجد :ههههههه راضي بكلشي باجر اجيب الحلقات والشيخ وبعدين بالمحكمه
سبا:شكو هالاستعجال ؟
امجد :باع هاي اني راح يضيع نص عمري واني انتظر هاي اللحظه
سبأ:ماشي براحتك بس ترى مو هسه نتزوج
امجد :ايي اني عندي بيت بس شويه يرادله شغل راح ابدي ارتب بي حتى بعدين نجهزه اني وياج
سبأ:الله كريم هسه نتخرج والله يسهل
امجد :اي واني مجبت امي خفت افشل كدامها لان جان عاجبها تشوفج
سبأ:هههههههه يلا على باجر خلي تشوفني ونتفق على كلشي وعود وراها الحلقات والشيخ
امجد :ماشي ....يلا اني اروح عيب اضل كاعد هنا من بدايتها
سبأ:همزين تعررف هههههه
امجد :ههههه ام لسان يلا مع السلامه
سبأ:الله وياك
امجد :طلعت وشفت ابو سبأ
ابو سبأ:ها ابني عرفت الجواب
امجد :اي عمي اشكرك وان شاء الله مااخيب ظنكم
ابو سبأ:ان شاء الله
امجد :باجر اجيب الوالده ونتفق على كلشي
ابو سبأ:هلا بيكم بس الوالد ليش مشفته لحد الان
امجد :والدي متوفي
ابو سبأ:الله يرحمه
امجد :ويرحم موتاك يلا اني اترخص مع السلامه
ابو سبأ:مع السلامه
💞💞💞💞
اتمنى البارت عجبكم
رأيكم يهمني
