انا لحبيبي وحبيبي الي ياعصفوره بيضه لبئا تسألي لا يعتب حدا ولا ينطر حدا انا لحبيبي وحبيبي الي (دك موبايل سبأ)
سبأ:اهوووو هاي منو؟؟؟؟ياااا هذا امجد
امجد :صباح الخير يالحب
سبأ:صباح النور 😒
امجد :شبيج جاوبي عدل
سبأ:يعني جنت مطموره شكو كعدتني ؟
امجد :عيني ست سبأ حيفصلوج من الكليه صارلج كومه ممداومه
سبأ:ههههه همزين ذكرتني جنت ناسيه اني بالكليه
امجد :اويلي على حظي يلا بدلي حتى اجي عليج
سبأ:لا عود باجر اداوم
امجد :ماكووووو هوايه محاضرات راحت عليج اريدج تنجحين هي بقت سنتين ونتخرج
سبأ:مااشي يلا انتظرك
امجد :اوك يلا بيباي
سبأ:بيباي
ام سبأ:هاااا شو كاعده من وكت
سبأ:اي امجد دك عليه يكلي داومي بالكليه وهو راح يمرلي
ام سبأ:اي همزين صارلج هوايه ممداومه
سبأ:اي ماما يلا بيباي امجد ديدك حتى انزل
ام سبأ:الله وياج حبيبتي
💝💝
سبأ:صباح الخير
امجد :صباح النور يا عسل
سبأ :هههههههه
امجد :نروح لمكان نتريك لو للكليه
سبأ:لا للكليه لان زينه وساره واحمد صارلي هوايه مشايفتهم
امجد :اوك بس ورى الدوام استأذن من ابوج وتتغدين يمنا
سبأ:اهوو ترى اكره هاي الحركات
امجد :لج شبيج امي تريد تشوفج
سبأ:اها اوك لعد من اكمل محاضرات ادكلك
امجد :مااشي ....
🌹🌹(دخلوا امجد وسبأ للكليه وكلها عينها 👀عليهم )
زينه :يا هلاااا بالعرسان
سبأ :گبر حتى حلقات بعدنا ملابسين
ساره ؛هلو سبأ شنو هالغيبه
سبا:شسوي حبيبتي تعبانه حبيت اخذ استراحه شويه
احمد :لا حبيتي تنخطبين بهاي استراحتج
سبأ:ههههههه عابتلك
امجد :الووو ترى اني هنا
احمد :هههه انت كل يوم نشوفك بس هي لا
امجد :لا ضلعي متوقعتها منك
احمد ههههههه شوكت تزوجون
امجد :وراكم اول شي انتوا
احمد :الله كريم 💞
(كملوا محاضرات وامجد استأذن من اهل سبأ وااخذها لبيتهم )...
امجد :يمااااا
ام امجد :هلو حبيبي شلونك
امجد :الحمد لله جايبلج مفاجاه
ام امجد :وينهاا
امجد :سبأاااا تعالي
سبأ:السلام عليكم شلونج خاله
ام امجد :فدوه حبيبتي وعليكم السلام تفضلي ...
(ام امجد تعرفت على سبأ وعجبتها 😉لان ارضاء ام الزوج فن مو كل واحد يتقنه 😄)
اجه اليوم الي جانوا متفقين عليه يلبسون حلقات 💞
سبأ لبست فستان وردي 👗وحطت ميك اب وسوت تسريحه بسيطه
امجد لبس بنطرون اسود وقميص وردي ..
اجوي امجد وگرايبه على بيت سبأ واتفقوا على كلشي وقروا الفاتحه 💕💕
وعقدوا يم الشيخ ...
سبأ:ورى سؤال الشيخ وكلت موافقه بدت الهلاهل واجه امجد جان بيومها طالع كلش حلو
امجد :ورى مكملت العقد امي صاحتني حتى نلبس حلقات ...سبأ كل يوم تحلى اكثر وجنت واني امشي بخطواتي بگلبي احمد ربي الف مره رزقني بهيج بنيه
سبأ:مبرووك
امجد :الله يباركلج حبيبتي واخيرااا تحقق حلمي
ام امجد :هاك ابني لبسها الحلقه
امجد :انطيني ايدج
سبأ:✋
امجد :💍
ام سبا:هاج بنتي لبسي امجد
امجد :✋
سبأ:⭕
ام سبأ:حبايبي الف مبروك
سبأ وامجد: الله يباركلج 😊
كلهم باركولهم وبهذاك اليوم الضحكه مفاركت وجوهم .....
بعد مرور سنتين ......
يوم التخرج :_
اتفقوا امجد وسبأ يلبسون نفس اللون 😉
سبأ:اني فرحااااانه واخيراا صرت صيدلانيه
امجد :هههههه اني فرحان كلش لان راح اصير دكتور وقررب موعد زواجنا
سبأ:🙈🙊
صارت حفله التخرج حلوه وكلش تونسوا ..وراد امجد يوصل سبأ لبيتهم ...
امجد :حياتي ترى بعد شهر لزواجنا يعني لازم نبدي نحظر
سبأ:اي حبيبي من باجر نبدي اول شي نفتر على القاعات ونحجز وبعدين نحجز بدله ووراها نبدي نجهز البيت
امجد :اووك لعد وباعي منريد احد ويانا بس اني وياج وعلى ذوقنا
سبأهههههههه اووك
امجد :احبج 😍
سبأ:واني هم 🙈يلا وصلت بيباي
امجد :بيباي
ثاني يوم :______
(راحوا امجد وسبأ حجزوا قاعه واختاروا الكوشه ابيض واحمر والورد احمر واتفقوا على كلشي ....)
امجد :ها حبيبتي وين نروح هسه
سبأ:نشوف البدلات
امجد :اووك يلا
البائعه :اهلااا وسهلا بيكم تفضلوا
سبأ:اريد بدله عرس ؟
البائعه :قسم محجبات موو ؟
سبأ:امجد تقبل انزع الحجاب بس بيوم العرس
امجد :لا و الله صدددك تحجين انتي ؟؟ماكو امشي نروح لقسم المحجبات
سبأ:مااشي 😞
اختاروا بدله كلش حلوه ووياها حجاب ....
كملوا التحضيرات كلها وكلش تعبوا ........
💜💜💜💜💜يوم العرس :__
امجد :لبست القاط الاسود والقميص الابيض والرباط الي اختارته سبأ جان رصاصي واسود وبي فص يلمع 😊
ام امجد :يمممه العريس يخبل تعال يمه ابخرك
امجد :ههههههه فدوه لعمرج
سبأ:رحت للصالون وحطولي ميك اب وحمره حمره ولبست البدله والحجاب وجنت ممرتاحه بالكعب العالي (اشتريت حذاء رياضي احمر حتى البسه بالقاعه 😂😂)
ام سبأ:فدوه لله كبرت بنتي وصارت عروس 😭
سبأ:اهووو ماما لتبجين ترى ٢٤ساعه يمج ماابتعد عنج
ام سبأ:ان شاءالله
امجد :صعدنا بالسيارات وتوجهنا لبيت سبأ خابرتها بالطريق
سبأ:الووو
امجد :_هلاوو حياتي ترى احنا جايين بالطريق
سبأ:لا لتجون 😭
امجد :عززه شكو شبيج احجي ابوج بي شي
سبأ:مااروح وياكم اريد ابقى يم اهلي
امجد :اويلي عليه لج عمرج ٢٥سنه واني دااحس متزوج طفله .
سبأ:خليها على غير يوم
امجد :خبلله صارف الدنيا كلها فلوس القاعه والناس دتنتظر يلا قربنا نوصل ...بيباي
سبأ:بيباي 😞
سبأ؛ بدت الهلاهل واجه امجد بأسني من رأسي
امجد :مبروك حبيبتي
سبأ:الله يباركلك
سبأ:صعدنا بالسياره دنروح للقاعه
امجد :لج طالعه تخبلين 😍
سبأ:شكراا😊
امجد :شوف العقل 😂😂متوقعتج هيج
سبأ:انجب امجد ترى هسه ارجع لبيت اهلي
امجد :اني اول مره اشوف عروس تغلط على زوجها
سبأ:مو انت متحس صعبه من تشوف الدمعه بعين امك وابوك وتكون انت سببها 😖
امجد :اسف حبيبتي بس هاي سنه الحياه وبعدين هاي شنو بيها العلاكه
سبأ:هاااا هههههههه هاي بيها شغلات مال بدله جبتها حتى اخاف نحتاجها بالتصوير
امجد :اي احسن يلا وصلنا
في القاعه جانت كل الناس عينها عليهم دخلوا مثل الملاك يجننون )
سبأ؛ ههههههههههه خطيه هذا منو وليش هيج يركص
امجد :ههههههه هذا صديقي هو كلي الا اكلبها للقاعه بعرسك
سبأ:ههههه دباوعه يفتر على الناس ويكومهم
امجد :ههههههههه 😂
سبأ:واحنا شوكت نركص ترى الاغاني لا تقاوم
امجد :انتي متركصين اليوم عيب كدام جماعتي
سبأ:لا بالله واني جبت حذاء رياضي
امجد :وينه 😮
سبأ:بالعلاكه 😂😂😂
امجد :يا حياله 😂
موزع الاغاني :يتقدم العرسان لاداء رقصه السلو ؛_____
هلا صرت شريكه بعمرك الليله البي صار بأمرك خليني اغفى على غمرك بدي افرح فيك ورده عمري 🌹وحئي شمك خاف عليك واعتل همك صار فيي غيرلك اسمك حبيبي سميك من اليوم انت الي من اليوم من اليوم ملكك انا من اليوم بأيدي المحبس 💍لبسني وخبيني بألبك واحبسني 💝عمري ابتدأ من اليوم ...............
سبأ:ههههههه حلوه صارت خلي انزع الكعب
امجد :خبلللله
سبأ:لبست الحذاء الرياضي وضليت اركص الا ان كالوا انتهت الحفله وتصبحون على خير 😂
امجد :يلا حياتي اصعدي بالسياره نروح للفندق
سبأ:لا انت روح اني اروح لبيت اهلي شكرا حياتي على الحفله الجميله 😊
امجد :سبأااااا😠صعدي بالسياره عاد شلعتي گلبي
سبأ:ماشي تدلل بس لتعصب
امجد :اي عمري صيري حبابه
سبأ:عاابت 😒
امجد :احببببببببج😘
سبأ:واني اموت عليك 💞💞💞
اتمنى البارت عجبكم
رأيكم يهمني
