حبيبتي تبارك

القصة كاملة

اسم القصة:- #حبيبتي_تبارك
الكاتب:-writer__stories1
ابطال القصة
1:-ياسر مرحله اولى بلكليه
___________________________________
2:-تبارك مرحله اولى نفس قسم ياسر
___________________________________
3:-ساره مرحله ثانيه وهيه صديقت تبارك

"البداية"
كعدت تبارك من الصبح ومستعده لي اول يوم دوام الها بلكليه وكانت شويه متوتره لن متعرف حد اهناك راحت للكليه وداومت طبيعي بس بعدهي متوتره لن متعرف حد ومتعوده على جو الجامعات ضلت تداوم عادي وتحجي ويه اي حد ومشت الايام وصارت شويه شوي تتعرف على صديقات جدد ومن ضمنهم تعرفت على ساره ساره بنت طيبه ومحبوبه وتعرف اهواي ناس بلكليه لن هيه سنه ثانيه وبدت ساره تعرف تبارك على الكليه وهنه كاعدات اجتي سياره للجامعه ونزل منها شخص تبارك سئلت ساره عنه وكلتلها
تبارك:-هاذه منو
ساره:-هاذه ياسر طالب جديد بلكليه من عائله غنيه كلش وهوه هم مرحله اولى
تبارك:-بس شكله متكبر شوي ومغرور
ساره:-ايه هوه هيج والبنات بلكليه كلهن يردن يمشن وياه علمود فلوسه
تبارك:-مالنه شغل بيه عوفيه
ضلن شويه وذا يجي ياسر على ساره وكلها
ياسر:-مرحبا ساره
ساره:-هلو ياسر شلونك
ياسر:- منو الي وياج ما عرفتينه بيها
ساره:-هاي تبارك طالبه جديده ويانه
ياسر:-اهلن وسهلان اتشرفنه اني ياسر
تبارك:-الي الشرف
ياسر:-يله اني اعوفكم راح تبدي المحاضره
ساره:-الله وياك
تبارك:-حتى انه هم راح تبدي محاضرتي خلي اكوم
ساره:-اوكي من تطلعين تانين اهنا اوكي
راحت تبارك دخلت للمحاضره وذا تلكه ياسر كاعد بلمحاضره طلع هوه نفس قسمها هوه شافاها ضحك كعدت وخلصت المحاضره وبعدين طلعت من المحاضره وكعدت تنتضر ساره حته تجي وشويه وجه ياسر
ياسر:-ممكن اكعد يمج تبارك
تبارك:-ايه تفضل
ياسر:-اشلونج انتي تبارك شخبارج
تبارك:-اني زينه الحمد لله
ياسر:-انتي صارلك كم تعرفين ساره
تبارك:-مصارلي هوايه بس سبوع هيج شي
ياسر:-ها اني اعرفها من قبل لن ابوها شريك ابوي بلشركه
تبارك:-اها انتو عدكم شركه
ياسر:-ايه عدنه ونتي شنو ابوج يشتغل
تبارك:-(انحرجت وهمه حالهم شوي فقير فقررت اجذب عليه)ابوي عنده محلات وعمارات اماجرهن
ياسر:-ها زين
وشويه وجت ساره:-ها شباب خلصتو معدكم شي
تبارك&ياسر:-ايه خلصنه معدنه شي بعد
ساره:-اشرايكم نطلع لشي مطعم نتغده ونسولف
ياسر:-ايه فكره حلوه
تبارك:-لا اسفه اني اتخرت ولازم ارجع
ساره:-يله تبارك هسه حته لو تتاخرين شويه
تبارك:-لا اسفه والله ما اكدر
ياسر:-اوكي براحتج اني اوصلج
تبارك:-لا لا اروح تكسي
تبارك راحت وصعدت تكسي وياسر كل لي ساره شبيها تبارك ليش منزعجه
ساره:-لا شي بعدهي جديده ومتعرفنه كم يوم وتتعود علينه
راحو للمطعم وتونسو وبليل اتصلت ساره على تبارك
ساره:-مرحبا تبارك
تبارك:-هلو ساره
ساره:-ليش اليوم مجيتي ويانه راحت عليج خوش ونسه
تبارك:-لا مالي خلك وما احب اطلع هواي
ساره:-انزين باجر اني عازمتج على عشاء انتي وياسر
تبارك:-لا ما اكدر اجي
ساره:-شبيج تعاي عيب من الولد
تبارك:-اوكي افكر
ساره:-لا تفكرين باجر تجين يعني تجين
تبارك:-اوكي وعندي موضوع مهم باجر من اشوفج بلكليه اكلج عليه
ساره:-خوفتيني شكو
تبارك:-باجر اكلج باي
ساره:-اوكي باي
ثامت تبارك وثاني يوم كعدت الصبح حته تروح للكليه وراحت وهناك لكت ساره منتضرتها
تبارك:-هاي ساره شلونج
ساره:-هلو تبارك شنو الموضوع الي ردتي تكوليه الي
تبارك:-ما ادري شكلج بس اني جذبت على ياسر
ساره:-جذبتي عليه اشلون يعني
تبارك:-سئلني على حالنه وكتله اغنياء وعدنه عماير وحنه بلعكس فقره وحالتنه تعبانه شوي
ساره:-ياه يل عادي هوه يتفهم
تبارك:-بس لا تكليله انو اني فقيره ما اريده يكول عني تجذب اول معرفتها وذا عرف حالتي جوز بعد حته ميسلم عليه
ساره:-اوكي ما اكله براحتج
تبارك:-ديله امشيلنه خلي شويه نتمشى
راحن يمشن بلكليه وذا يلكن ياسر جاي بسيارته ويمشي حيل وذا اجه عليهن حيل وجه يدعمهن اله شوي طبك السياره ونزل حته يعتذر منهن
ياسر:-بنات اني اسف مكان قصدي
تبارك:-انته شبيك متشوف شنو الناس كدامك رخيصه
ياسر:-اني اسف خيتي مكنت واعي
تبارك:-وشنو مو واعي لو ميتين هسه شيفيدنه وعيك
ساره:-شبيج تبارك ميدري الولد مكان واعي
تبارك:-اكيد مو واعي من الي يشربه
ياسر:-كافي شهرتينه
تبارك:-امشيلنه ساره تره ضجت
مشت ساره وتبارك وضل ياسر دايخ من ردها وساره هم استغربت من ردها وكلتلها
ساره:-اشبيج انتي ويه الولد تره ميدري
تبارك:-انتي متدرين شنو صار بيه
ساره:-شنو صار
تبارك:-اني فقدت اخوي بحادث سياره والي سوه الحادث كان هم شارب ومن يومها اخاف من الحوادث واكره كل شخص يشرب
ساره:-يا خطيه يله حبيبتي الله يرحم اخوج بس تره ميدري
تبارك:-بعد اني متحملت وكبل اتذكرت حادث اخوي
ساره:-انزين ترحين نتغده
تبارك:-يله امشيلنه
راحن طلعن بره الجامعه وتمشن شوي وطبك عليهن ياسر وكلهن
ياسر:-تعالن صعدن
تبارك:-لا مرايحات للبيت
ياسر:-جا وين رايحات
ساره:-نتغداء بشي مطعم
ياسر:-ديله صعدن مدام هيج اني عازمجن
تبارك ضلت اتباوع على ساره وساره كلتلها يله مشيلنه
صعدو بلسياره وبلطريق تبارك كلت لي ياسر اني اسفه لن صرخت عليك مساع (وفهمته سالفه الحادث الي صار لخوها وكيف تكره الحوادث والشرب)
ياسر:-لا الله يرحمه بس اني الي لازم اعتذر لن كنت شارب ومكنت بوعيي
ساره:-ونته ليش تشرب مو زين عليك
ياسر:-شسوي اهلي كله مسافرين وعايفيني وحدي ومحد يسئل عليه ولا احد يهتم بيه
تبارك:-انته لازم تترك الشرب تره حرام عليك
ياسر:-ان شاء الله اتركه
وصلو للمطعم وتغدو وصارو اصدقاء ويوميه يطلعون ويلتقون بلكليه وهاذ كله وياسر ميدري بتبارك انها فقيره وهيه تجذب عليه كل ضنه انو هيه غنيه وبهاي الفتره كلها صار ينعجب بيها وبده يقترب منها شوي شوي وبيوم من الايام كلها خلي اوصلج للبيت بس هيه رفضت وهوه مقبل اله يوصلها وراحت وياه ووصلت لراس الشارع مال بيتهم وكلتله نزلني اهنا(تخاف خاف يشوف بيتهم او يشوف اهلها)
نزلها ياسر وودعها ورجع لبيتهم وهيه راحت للبيت وقرر انو هاذه الاسبوع راح يصارحها ويكلها انو يحبها
وثاني يوم اجه للكليه ولكه تبارك هناك وكلها
ياسر:-مرحبا تبارك اشلونج
تبارك:-هلو ياسر اني زينه
ياسر:-شتسوين كاعده ابحدج
تبارك:-لا هيج معندي شي
ياسر:-مدام معدنه محاضره خلي نروح لشي حديقه عندي كلام اريد اكوله الج
تبارك:-شنو كلاميش
ياسر:-امشيلنه وبلحديقه راح تعرفين
تبارك:-اوكي يله
راحو للحديقه وطول الطريق ياسر يباوع على تبارك وتبارك حست بيه وكلتله
تبارك:-اشبيك تباوع
ياسر:-لا هيج ماكو شي
تبارك:-جا دباوع ليكدام لا تدعمنه
ياسر:-هههه اوكي
وصلو للحديقه وتمشو وسولفو ونوب تبارك كلت الياسر شنو اتريد تكلي يله سولف
ياسر:-الموضوع شويه محرج
تبارك:-لا ماكو احراج احجي
ياسر:- اني ما اعرف اشلون اكلج بس اني احبج ومعجب بيج وصارلي فتره افكر بيج
تبارك:-شنو صدك تحجي لو شقه
ياسر:-ايه والله احبج
تبارك:-بس اني ما افكر بلحب اني ما اريد احب حد ولا احد يحبني
ياسر:-اشتحجين انتي يعني تبقين طول عمرج بدون حب او ارتباط
تبارك:-اني مريد شي من الدنيه اريد بس احقق حلمي وما اريد شي غيره
ياسر:-وشنو حلمج
تبارك:-اصير اعلاميه جبيره وشخصيه معروفه وناشطه مدنيه
ياسر:-زين نحقق حلمج سوه اني وياج
تبارك:-اني ما اريد اتعبك وياي عوفني احسلك
ياسر:-انتي شتكولين اني احبج ونتي تكليلي عوفني
تبارك:-كافي ياسر سد الموضوع ومشينه خلي نروح
ياسر:-انطيني فرصه اثبتلج
تبارك:-كافي كتلك توصلني لو اروح تكسي
ياسر:-لا اني اوصلج امشي
راح ياسر وتبارك وطول الطريق ساكتين وياسر يباوع على تبارك وميعرف شيكول ووصلت الراس الشارع مالت بيتهم وكلتله نزلني اهنا نزلت وكلها ياسر
ياسر:-تبارك فكري بلموضوع واحنه نضل اصدقاء لحد ميصير حب بينه
تبارك محجت شي سدت الباب ومشت للبيت وياسر كض ورجع للبيت وخابر على ساره
ياسر:-ساره اني محتاج مساعدتج
ساره:-ايه كول شتريد
ياسر:-اني احب تبارك وصارحتها بس هيه منطتني فرصه ابد
ساره:-اها انزين شنو اكدر اسويلك
ياسر:-اريدج تخابريها بس تنطيني فرصه وحده نضل سواء وبعدين نفكر بلحب
ساره:-ما ادري اخابرها وشوفها
ياسر:-اوكي منتضر ردج
خابرت ساره على تبارك وكلتلها
ساره:-تبارك انتي ياسر مصارحج ابحبه الج
تبارك:-ونتي وين تدرين
ساره:-هوه توهزخابرني وكلي
تبارك:-ايه وشيريد
ساره:-يكول خلي تنطيني فرصه ونضل سوه وهيج حجي
تبارك:-بس انتي تدرين الفرق بينه وبينهم واني جذبت عليه يعني ما اكدر
ساره:-هسه انتي ضلي وياه وبعدين كليله بحقيقتج وذا يحبج يسامحج
تبارك:-اوكي
ساره:-يعني اكله انطتك فرصه
تبارك:-ايه كليله بس بشرط يترك الشرب
ساره:-اوكي
خابرت ساره على ياسر وكلتله انو هيه موافقه بشرط تترك الشرب
ياسر:-لج اترك ابو الشرب المهم هيه
سد التلفون ياسر ومصددك انو هيه انطته فرصه وجوز راح تحبه وثاني يوم كعد وراح للجامعه وشويه وجتي تبارك وهوه اجه عليها
ياسر:-صباح الخير حبيبتي
تبارك:-(حبيبتي)تره انطيتك فرصه مو حبيتك كبل
ياسر:-ايه الحب يجي بعدين
تبارك:-انشوف
ياسر:-ليش ممصدكه
تبارك:-لا مصدكه
ياسر:- انزين وين ساره اشو ماكو
تبارك:-دخلت للمحاضره
ياسر:-احنه محاضرتنه تتئخر ليش منروح لشي كوفي
تبارك:-لا ما اريد
ياسر:-شبيج انتي كله لا خلي نروح نكعد نسولف نتعرف على بعض اكثر
تبارك:-اوكي يله
راحو للكوفي وجلسو هناك وسولفو وتونسو ومرت الايام وصار بيناتهم طلعات وحجي واحد يخابر الاخ لح ما تبارك بدت تحب ياسر وهيه جاي تراسله كلتله
تبارك:-ياسر اريد اكلك شي
ياسر:-كولي حبيبتي
تبارك:-انته الوحيد الي تحسسني انو الي قيمه والوحيد الي كلتلي احبج
ياسر:-اني مو بس احبج اني اموت عليج اعشقج
تبارك:-بس اني اريد اكلك شي اهم من هاذه الكلام
ياسر:-كولي
تبارك:-اني خايفه اذا اجيت تخطبني اهلي مينطوك
ياسر:-ليش
تبارك:-مو انته شيعي واني سنيه
ياسر:-وذا سنيه اني حبيتج انتي ومالي غرض بمذهبج او دينج
تبارك:-بس همه مينطون اني اكثر من مره سمعتهم يكولون هيج
ياسر:-شيكولون
تبارك:-مره سمعتهم يكولون انو احنه منطي بناتنه لي شيعه
ياسر:-صدك تحجين
تبارك:-ايه والله اني اكول اتركني احسن لن احنه مراح نصير لي بعض
ياسر:-اشتحجين انتي شنو اعوفج
تبارك:-والله افضل الي والك خاف تتعلق بيه زايد
ياسر:-لج اشتحجين لج اني ما اكدر اعيش بدونج
تبارك:-لا تكدر مثل مكنت عايش بدوني راح تعيش بعد متنساني
ياسر:-لج انطيني فرصه وحده وذا اي شي يصير بيه ميعجبج تركيني
تبارك:-اوكي بس اذا تغلط كبل اتركك
ياسر:-اوكي
وثاني يوم بلكليه التقو ياسر وتبارك وساره بلكليه وسولفو وضحكو وساره كلتلهم
ساره:-ها شكلكم گبلتو
ياسر:-تكدرين تكولين هيج
ساره:-تبارك ونتي شنو شعورج
تبارك:-يعني
ساره:-شنو يعني لا تستحين
تبارك:-يعني شويه احبه
ساره:-ههههه مدام شويه يعني اكو حب
ياسر:-هههه عوفيها لا تحرجيها خليها على راحتها
ساره:-يله بمناسبه حبكم اني عازمتكم اليله على عشاء ولحد يتحجج
ياسر&تبارك:-اوكي ماشي
رجعو للبيت وبليل اجهزو ومرت ساره على تبارك وخذتها وبلطريق كلتلها
ساره:-تبارك ياسر يدري بيج لو لا
تبارك:-بشنو يدري
ساره:-انو اهلج مينطون الغير مذهب
تبارك:-ايه كلتله
ساره:-وهوه يدري بيج حالج فقير لو لا
تبارك:-لا ما كلتله
ساره:-جا ما تكليله خاف يدري ابحده ويزعل
تبارك:-اني اكله بعدين
ساره:-براحتج
وصلن للمطعم ولكن ياسر منتضرهن اتعشو وتونسو وسولفو ومشت الايام وصار حب ياسر لي تبارك يزيد ويزيد وحته تبارك بدت تحبه وعبرت ايام وايام وذاك اليوم خابرت تبارك على ياسر وكلتله
تبارك:-مرحبا حبيبي
ياسر:-هلو عمري
تبارك:-اشبيك اشو صوتك مختلف
ياسر:-لا ماكو شي
تباوك:-انته رجعت تشرب مو
ياسر:-لا لا مو هيج
تبارك:-مبين عليك من حجيك سكران احنه مو اتفقنه انو ماكو شرب واني كتلك اذا تشرب اتركك
ياسر:-اووه وذا شربنه
تبارك:-اوكي ياسر(وسدت الخط)
وصارت تبجي ونامت وثاني يوم راحت للكليه ولكت ياسر واكف على صفحها صاحلها بس هيه مهتمت وكملت طريقها اجه وراها وسحبها من ايدها وكلها
ياسر:-شبيج انتي مو اصيح عليج
تبارك:-هد ايدي ولا تحجي وياي بعد
ياسر:-شنو صاير شبيج
تبارك:-انته مو كتلي بعد ما اشرب ليش تشرب البارحه
ياسر:-اني اسف بس كانت عندي مشاكل ويه اهلي
تبارك:-بس احنه اتفقنه انو اذا تشرب اتركك وهسه عوفني يله
ياسر:-لج شنو اتركيني اني احبج اموت عليج
تبارك:-لو تحبني ما تشرب ونته وعدتني تبطل مشروب
ياسر:-والله اخر مره بس انطيني فرصه
تبارك:-اني انطيتك فرصه وانته خذلتني يله باي
راحت تبارك وعافت ياسر ضايج كلش من الي سمعه وضل شويه كاعد وجتي ساره اله
ساره:-مرحبا ياسر
ياسر:-اهلن ساره
ساره:-اشبيك شكلك زعلان
ياسر:-تبارك
ساره:-اشبيها
ياسر:-اني البارحه شربت واني وعدتها ما اشرب وهيه زعلت وكلتلي بعد لتحاجيني
ساره:-ياا وانته ليش شربت ما تبطل من هاذه المرض
ياسر:-اني كنت ضايج البارحه ومدريت بحالي اله شارب
ساره:-اوكي اني احاجيها
ياسر:-صدك ساره راح تكليلها
ساره:- رايحه احاجيها
راحت ساره حته تحاجي تبارك ولكتها وكلمتها
ساره:-تبارك اشبيج ويه ياسر
تبارك:-سدي الموضوع ما اريد اتكلم بيه
ساره:-يعني متردين تنطيه فرصه
تبارك:-ايه وكليله الي بينه انتها وبعد لا يكلمني
رجعت ساره لي ياسر وكلتله بلي كالته تبارك وياسر ما صدك الي كالته انو تبارك سوت هيج ومتقبل تنطيه فرصه كض ورجع للبيت وضل مدت اسبوع كل ميجي للكليه يباوع على تبارك وبده يحجي معاها بس هيه متقبل لحد ما اجته ساره وكلتله
ساره:-ها ياسر بعدهي متحجي وياك تبارك
ياسر:-اي بعدها
ساره:-اني اكدر اساعدك بس بشرط
ياسر:-كولي واني تحت امرج بس كولي
ساره:-تترك الشرب نهائيآ واني راح اساعدك وخليها ترجع الك
ياسر:-اصلن اني تركته من يوم تركتني تبارك
ساره:-اوكي مدام هيج
ياسر:-دكليلي شلون راح تساعديني
ساره:-اني وياك نصير واحد يحب الثاني كدام تبارك ونضل نضحك ونمشي سوا ونطلع لحد ما نخليها تغار
ياسر:- خوش فكره
ساره:-ديله كوم خلي نطبقها
ياسر:-بس شسوي هسه
ساره:-نروح نمشي يمها
راحو ثنينهم وعبرو من يم تبارك وساره كضت ايد ياسر وضلو يباوعون على تبارك ومسلمو عليها تبارك ضاجت كلش وكالت هاي شعدها وياه وضلت تباوع عليهم وهمه يتمشون وضلت شويه وطلعت من الكليه وذا تشوف هم ياسر وساره صاعدين بلسياره ويضحكون ويسولفون وشويه وساره وصاحت على تبارك وكلتلها تعاي اوصلج اجتي تبارك وصعدت وره وكانت طول الطريق تسمع حجيهم وهيه ضايجه
ساره:-حبيبي
ياسر:-ها حبيبتي
ساره:-ليش منطلع اليوم بليل
ياسر:-براحتج حبي اختاري اي مكان واني بخدمتج
تبارك ضاجت كلش وكامت تكح حته تخليهم ينتبهون
ساره:-اسفه تبارك نسينه وجودج
تبارك:-لا عادي
وصلت تبارك للبيت وكلت الساره بليل كلميني عندي حجي كلش مهم ساره كلتلها اوكي وكملو طريقهم وبلطريق ياسر كل الساره
ياسر:-ها شكلها مشت خطتنا
ساره:-ههه اكيد مشت مشفتها ابدها تاكلني
ياسر:-ههههه بس خطيه لا نزعلها زايد
ساره:-خليها شوي لح ما تجي هيه وتكول اريد ارجعله
وصلو للبيت وبليل اتصلت تبارك على ساره وكلتلها
تبارك:-انتي ليش تسوين هيج اني مو صديقتج ما تستحين
ساره:-اشبيج شنو سويت
تبارك:-شنو شغلج ويه ياسر وتمشين معاه وصاير بينكم حبيات
ساره:-ونتي ليش ضايجه انتي مو تركتيه
تبارك:-بس هوه يحبني اواني احبه
ساره:-اذا تحبيه ليش تركتيه يله باي حبيبي يتصل بيه
تبارك:-لج هيه شنو حبيبج هوه حبيبي بس اني
ساره:-هههه يله باي باي
سدت التلفون وتبارك اتصلت على ياسر وكلتله
تبارك:-ليش هيج انته مو تكلي اني احبج واحبج وين راح حبك هاي تاليتها تحب ساره
ياسر:-انتي منطيتيني فرصه وهيه تحبني فكلت ساره احسن الي
تبارك:-ها مدام احسن الك ضل معاها (وسدت التلفون)
تبارك سدت التلفون وصارت تبجي وتحسفت على الي صار وثاني يوم راح للكليه وضلت كاعده ابحدهي وياسر وساره اجوي وسلمو عليها
ساره:-اشلونج تبارك
تبارك:-هلو ساره
ساره:-هاذه ياسر اجه يعتذر منج ويوعدج انو بعد ما يشرب بعد ابد
تبارك:-شنو بس انتو مو واحد يحب الاخ
ياسر:-هههههه ليش انتي صدكتي
تبارك:-ليش جا شنو صار
ساره:-حبيبتي احنه سوينه هيج حته نخليج تغارين ونشوفج تحبيه لو لا وانتي تحبيه فبعد لا تطلعين حجه ورجعو البعض
تبارك:-ها ما ادري شكول
ساره:-لا تكولين شي انتو رجعو البعض وهاي هيه
تبارك:-اوكي اوكي
ساره:-يله باي اني رايحه للمحاضره
ياسر:-الله معج
رجع ياسر وتبارك سوه ومشت الايام وصارت علاقتهم اقوه وجه اليوم الي اعترفت بيه تبارك لي ياسر عن حالهم وهوه كلها عادي وتقبل وضعها بس هيه كانت كل فتره تفتح وياه موضوع انو اهلها ما ينطون لي غير مذهبهم وكل مره تفتح الموضوع ياسر يسد الموضوع ويكلها اني احبج انتي وما احب مذهبج وحته لو كنتي اي دين اني راضي بيج وراح اخطبج بي نهايه السنه ومشت الايام وصار بينهم طلعات وروحات وحجي وتعرف واحد على الثاني اكثر واكثر وجتي نهايه السنه ومتحنو ونجحو لي مرحه ثانيه وساره هم نجحت وجتي العطله وياسر كل التبارك
ياسر:-حبيبتي
تبارك:-ها حبيبي
ياسر:-مدام راح تجي عطله اني راح اجي اخطبج
تبارك:-صدك حبيبي
ياسر:-ايه صدك
تبارك:-بس خاف يردوك
ياسر:-حته لو يردوني ارجع مره ثانيه
تبارك:-ما ادري
ياسر:-يله باي حياتي
تبارك:-باي عمري
راح ياسر وثاني يوم كعد ويه ابوه وامه واخوانه حته يكلهم وكلهم انو اني اريد اخطب
ابو ياسر:-ايه خوش عندك وحده ابالك
ياسر:-ايه بابا وحده ويايه بلكليه
ابو ياسر:-اوكي باجر اخلي امك وخواتك يرحون ويشوفوها ويتفقون
ياسر:-بس اكو شي لازم اكوله قبل ميصير شي
ابو ياسر:-ايه كول
ياسر:-بابا هيه مو من مذهبنا هيه سنيه
ابو ياسر:-شنو انته شتكول
ياسر:-ايه بابا واني احبها واريدها وحته لو مو من مذهبنا
ابو ياسر:-هسه خوش كول احنه وافقنه انزين همه يوافقون
ياسر:-ما ادري والله بس حته لو ردونه انروح مره ومرتين
ابو ياسر:-هسه انته ماكو بنات اله هيه
ياسر:-ايه اله هيه
ابو ياسر:-اوكي خلي باجر تروح امك وخواتك ونشوف شنو يصير
ياسر:-اوكي شكرا بابا
راح ياسر لي غرفته وتصل بي تبارك وكلها
ياسر:-حبيبتي اهلي وافقو وباجر راح تجيكم امي تشوفج
تبارك:-صدك حبيبي
ياسر:-ايه والله
تبارك:-وكلتلهم عني كلشي
ياسر:-ايه كلتلهم وعادي كلش
تبارك:-بس اني خايفه من اهلي
ياسر:-لا تخافين يصير خير
تبارك:-اني يصيحولي بعدين احاجيك باي
ياسر:-باي
تبارك فرحت كلش بلي سمعته ونتضرت اليوم الي يجون بيه اهله وثاني يوم اجوي اهله وشافو تبارك وحاجو امها وكلتلهم لازم نسئل والدها ونطو اسم ياسر وعنوانهم حته يسئلون عليه وراحت ام ياسر وخواته ورجعو للبيت وام تبارك كلت لبو تبارك عنهم ونطته عنوانه وسمه وراح ثاني يوم سئل عنهم وعرف انو همه مو من مذهبهم ورجع للبيت وكلهم هوه ما يصلح النه ومو مذهبنه وما يصلح وضل يباوع على تبارك بس هيه غلست وراحت لي غرفتها تبجي وخابر ابو تبارك عليهم وكلهم انو مصار قسمه بلزواج وياسر سمع بحجيه ومصدك شنو يسوي كان هاذه الي خايف منه من قبل وشوي اتصلت عليه تبارك وكلتله
تبارك:-حبيبي خابركم بابا
ياسر:-ايه خابرنه
تبارك:-وشراح تسوي
ياسر:-راح ارجع اخطبج مره ثانيه وهاي المره اجيب ناس هواي
تبارك:-بس وذا موافق
ياسر:-انتي لازم تحجين وياه وتصارحيه
تبارك:-لا ما اكدر اخاف
ياسر:-اذا متحجين وياه مراح يصير شي انتي لازم تصارحيه وتكلين بلي بينه
تبارك:-اوكي بس انته متا تجي تخطب
ياسر:-اني بعد اشوي اخلي بابا يخابر لبوج وياخذ موعد
تبارك:-اوكي باي واني بليل اكلمه
ياسر:-اوكي باي
راح ياسر لي والده وكله لازم نروح مره لخ وناخذ هاي المره ناس هوايه واني حاجيت البنت وكلتلها تصارح ابوها بحبنه وتكله انو ماكو فرق
ابو ياسر:-اوكي اني اخابرله واكله
خابر ابو ياسر وكله احنه باجر نجيكم واخذ منه موعد وبليل اجتي تبارك لي ابوها وكلتله
تبارك:-ممكن اكلمك شوي
ابو تبارك:-ايه تعاي بنتي
تبارك:-بابا اني اريد اصارحك وكلك بكلشي
ابو تبارك:-كولي بنتي
تبارك:-بابا اني احب ياسر وعندي علاقه وياه واني ما اتزوج غيره وحته لو مو من مذهبنه وهوه كلي انتي براحتج اختاري الي ترديه ومراح يضايقني
ابو تبارك:-انتي شتكولين
تبارك:-ايه بابا هوه هاذه الي لازم اكوله من قبل
ابو تبارك:-زين انتي مستعده تتزوجيه حته لو من مذهبنه
تبارك:-ايه مستعده
ابو تبارك:-مدام انتي ترديه ما اوكف بوجه سعادتج وراح اوافق
تبارك:-صدك بابا
ابو تبارك:-ايه صدك
تبارك فرحت هواي وشبكت ابوها وباسته وشكرته وراحت تخابر لي ياسر وتبشر
تبارك:-ياسر لك صارت صارت
ياسر:-شنو شبيج
تبارك:-لك حاجيت بابا رفهمته كلشي ووافق
ياسر:-صدك تحجين انتي
تبارك:-ايه والله
ياسر:-لج طمنتيني واخيرآ راح نصير سواء
تبارك:-ههههه ايه واخيرا
ياسر:-يله باي خلي اروح ابشر اهلي
تبارك:-اوكي باي
راح ياسر وبشر اهله وفرحوله وثاني يوم راحو يخطبون وابو تبارك ووافق على الخطبه وبعد اسبوع تمت الخطبه ووره شهرين صار العرس وتزوج ياسر من تبارك وساره تزوجت من حبيبها الي تعرفت عليها بلكليه وبعد سنتين اتخرجو ثنينهم من الكليه وتبارك صارت اعلاميه ناجحه وياسر اتعين ايضآ بي شركه وبعد سنه من تعيينهم جابو ثنين ولد واحد سموه شعيب والثاني كرم وعاشو عيشه سعيده وهنيه...

"النهاية"
___________________________________
"العبرة من القصة"
المغزه:--انو الي يحب انسان لازم يتمسك بحبه اله ويضل معاه وذا خطاء الي تحبه لازم تسامح الي تحبه وتضل معاه رغم كل شي يصير معك من مشاكل ومعوقات يوكفآ بطريق الحب من الحاله الماديه والمذهب والتفكير... انتهى

{اذا عجبتك القصه انشرها بس لتنسه الحقوق والتاك}