نزيف الروح

تعرفت على شاب

ابطال هذه القصه هي ملاك طالبه جامعيه تدرس تربيه ابن الرشد
ايمن متخرج من الجامعه كليه الزراعه ويعمل في مترجم في الجيش الامريكي
مازن طالب في كليه طب الاسنان

في احد الايام كنت عائده من الجامعه وكنت اشعر بمغص قوي في كليتي صعدت السيارة الكيه فصعد بجانبي شاب
ملاك. ياربي راح اموت من الوجع شوكت تقبط الكيه اوووف راح اصرخ والم العالم من الوجع
مازن : هذا المكان اليمج محجوز
ملاك: لامامحجوز
كعد مازن بصف ملاك
مازن :هاي شبيها اشو وجهه اصفر مبينه دا تتوجع
ملاك :خل اتحمل عيب من الناس من اوصل للبيت اخذ علاج
مازن :اكول محتاجه شي
ملاك: اهووو بدت الواكه مالت الولد لااخي تسلم مامحتاجه شي
مازن : اكلج ترى مبين عليج كلش دا تتوجعين
ملاك: التفتت عليه شفت بيدة صدريه بيضه اكلك شنو راح تصير دكتور براسي
مازن : ليش ششوفين انتي ... وهو يضحك
ملاك: انت جبيرك مضمد
مازن : لا والله يمعوده مضمد شنو اني طالب كليه طب الاسنان
ملاك: اشو نسيت الوجع الظاهر من حجيت ويه هذا الغبي نسيت خل اكمل حجي ويا لحد ماوصل ... وهي تحجي ويه روحها
اكلك لاتبيعهن عليه طب اسنان شنو كول معهد طبي اصدكك عادي ترى
مازن : هاي هويتي اذا ماتصدكين ... وشوفها هويته
ملاك : هاي شنو طلعت صدك طالب طب اسنان بس اكلك اني اكره اطباء الاسنان
مازن: ليش تكرهينه اصلا احنه كلش حبابين
صدك اني ماعرفت اسمج
ملاك : هاا
مازن : شنو شبيج انتي شنو اسمج
ملاك: هاي شنو هذا يريد اسمي خل انطي غير اسم احسن
اسمي نور
مازن : تشرفت بمعرفتج نور صدك انتي ليش تصعدين نفرات ماعندج خط
ملاك: لا والله ماعندي
مازن : تجين بالخط مالتنه
ملاك : انت عندك خط لعد ليش مارايح وياهم
مازن : مو اني تاخرت عندي محاضرة متاخرة وكتلهم روحو
ملاك : هاااا اي والله ياريت انشلع كلبي من ورى الكيات
مازن : انطيني رقمج وراح اخابرج علمود الخط
ملاك : اوكي اكتبه يمك

نزل مازن وملاك وكل واحد راح لبيتهم
ملاك : هلو ماما شلونج
ام ملاك: هاا هلو شو هم تاخرتي
ملاك : ياامي غير ماعندي خط
ملاك : اووووف امي لو بس تبطل تعاملني على انو اني مراهقه مليت والله مليت

مازن دخل للبيت تغده ونام والعصر طلع يم اصدقاءه بالمنطقه طبعا مازن مزوج وعنده بنيه
مازن : هلو ايمن شلونك
ايمن : والله الحمد لله بس طافره روح وتعبان من الشغل
مازن : ليش مبين الشركه التشتغل بيها هاده حيلك
ايمن : اي والله خويه وفوك الظيم حديقه لاحبيبه لاصديقه لاطركاعه
مازن : ذكرتني بالطركاعه غير اليوم بنيه صعدت ويايه بالكيه غير طركاعه تخبل اخذت رقمها هاك الرقم كبل وياها
ايمن : لك شلون شكللها اخاف ماتقبل
مازن : مالي علاقه انت وشطارتك
ايمن : زين البنيه شنو اسمها
مازن: البنيه اسمها نور

ملاك: هذا الغبي صار اسبوع ولاحس ولاخبر وين الخط المسخم مالته لو بس راد ياخذ الرقم امداه

ايمن: اووووف اخابرها لو لا خل ادك عليها واسمع صوتها

دك تلفون ملاك رقم غريب
ملاك : الووو الووو شبيكم احجو عمى بعينك اي والله
ايمن: اوويلي هاي شكد عصبيه بس بتل اوادم شنو هذا الصوت كله حنان يخبل عبالك عصفور يغرد
ورى اسبوع تشجع ايمن حتى يتصل ب نور (ملاك)

دك تلفون ملاك
ملاك : هاي شنو نفس الرقم مال ذاك اليوم....الو منو ؟
ايمن : مرحبا ..حضرتج نور مو
ملاك: هااا نورر لا .....هااا دقيقه انت مازن
ايمن : هاا.....ااي اني مازن
ملاك : يمعود وين صرت شنو السالفه اني معتمده عليك
ايمن : هااا شنو ليش على شنو معتمده
ملاك : لك شبيك مصخن علمود الخط نسيت مو لا هاي هي خوش طبيب اسنان لو اموت مااجي اشلع سني يمك
ايمن : ليش ... وهو يضحك
ملاك : حجي بيناتنه وبدون زعل مبين عليك مطفي
ايمن : هههههههههههههههه لا بربج
هو اليسمع هذا الصوت يطفي ونص
ملاك: هااااا اشتغلت رحمه الله ترى مو منهن اني ...اكلك الظاهر ماكو خط مو
ايمن : لا ماكو
ملاك : يله دروح لعد وبعد لاتخابرني خوش
سديت التلفون بوجهه
شوف هذا المليق شكد دمه ثكيل هو صح حلو شكله بس ماينحب اغص بي
بقه ايمن يحاول يراسل ملاك وحاول يخابرها عده مرات لان كلش عجبته

ملاك : هاي شنو يوميه رسائل مايمل هذا صار شهر على هاي الحاله مدا اجاوبه بس والله حلوات هههه
مرات ثلاث ايام ولم يرسل ولا رساله
ملاك: هذا شبي ليش مد يدزلي رسائل اخاف مل مني وبعد مايدز اوووف شسوي اني هسه

كل شويه ملاك تباوع ع تلفون تقره وعينها ع التلفون جان يدك تلفونها ركضت عليه
ملاك: اوووف هذا مازن كلبي كام يدك سريع وجسمي يرجف خل اجاوبه...

ايمن يشتغل مترجم بالجيش الامريكي ومحد يعرف بي ابد بس اخو الجبير عبد الرزاق
طلع ايمن واجب لمده ثلاث ايام ولازم يترك تلفونه بالمعسكر من رجع جان مشتاق يحجي ويه ملاك
ايمن : شلون ادزلها رساله اوووف دكافي رسائل خل اخابرها مو طكت روحي النوب شبيه خفت اكللها اني اسمي ايمن مو مازن وليش انتحلت شخصيه مازن خل اخابرها

ملاك : الو هلو هاا شتريد
ايمن : هاي شبيج سلمي بالاول كبل هااا شتريد انتي ليش هشكل متعصبه ترى عادي نصير اصدقاء مشايفه صداقه بين ولد وبنيه
ملاك : شبيه ماشايفه عيني شايفه
ايمن : تعرفين اسلوب كلامج ملايك ويه صوتج
ملاك: شبي اسلوبي عيني؟
ايمن : اسلوب مال وحده مخبله وهستوها طالعه من مستشفى المجانين
ملاك : ههههه ماضحك
ايمن : هسه شكلتي نصير اصدقاء
ملاك : خل افكر وفد يومين اردلك الجواب
بالكليه
ملاك: هلو علياء شلونج
علياء : هلو ملاك شكو ماكو
ملاك : ولج هذا الاثول خابرني البارحه يكلي خل نصير اصدقاء
علياء: اي وشكلتيله
ملاك : كتله خل افكر انطيني مجال يومين
علياء: اي اكيد ماتقبلين
ملاك : هااا وليش مااقبل
علياء : هااا ملاك الظاهر عاجبج هذا مازن يله خل يشلعلج سنونج بلاش
ملاك : اووووي عابت ركضتي على سنوني

ايمن: ادري اليومين ماخلصو اشو صارو سنتين خل اخابرها مانتظر

دك تلفون ملاك
ملاك: هلو مازن شخبارك.... بدء كلبي يدك سريع احسه راح يوكف
ايمن : الحمد لله مشتاقلج