نزيف الروح

واخيرا قالها

ملاك كاعده بغرفتها دا تقره
دك تلفونها المتصل مازن ( ايمن)
ملاك: الو هلو مازن هااا شنو الموضوع يله احجيلي
ايمن : هاي شبيج خبال خل اسلم بالاول شكو مستعجله تردين تعرفين
ملاك : يله سلم وسولف بسرعه ههههههه
ايمن: نور صار فترة احنه نعرف بعضنه
ملاك: اي
ايمن : اريدج تعرفين انو اني من يوم العرفتج لهسه تعلقت بيج وكل يوم وكل دقيقه افكر بيج
ملاك : اوووف مازن صدكني اني هم بس المشكله انت مزوج واني ماكدر
ايمن : نور علاقتي بزوجتي مو زينه ويوميه زعلانه وعايفه البيت مامتفقين احنه ابد ...نور اسمعي اعرف انتي تحبيني مثل ماني احبج
ملاك : ااااخ المشكله اي اني احبك وتعلقت بيك
ايمن : خلاص نوارتي انسي كلشي معلينه باحد خل نعيش حبنا بعيد عن المشاكل
ملاك : اي .... كلبها راح يوكف من الفرحه
سدت التلفون وظلت تركص تركص مامصدكه
خابرت ملاك لعلياء
ملاك : الو علياء هاي وينج
علياء: هاي شبيج على كيفج شكو شصاير
ملاك : لج علوش مازن كالي هو يحبني واخيرااا
علياء : ياااا صدك اي وكتيله اسمي ملاك مو نور
ملاك : لا ماكتله بالوقت المناسب اكله
علياء : وزوجته شنو موضوعها مافكرتي بيها راح تهجمين بيتها
ملاك: ترى حرام عليج اطيرين الفرحه مني صوجي خابرتج
علياء: اني علمود مصلحتج ياغبيه
ملاك : اني اعرف مصلحتي لاتخافين وثاني شي لج اني احبه ومالي علاقه بالدنيا كلها
بدت علاقه ايمن وملاك
ايمن : هلو حبيبتي مشتاااقلج كوووومه
ملاك: هلو حياتي نور عيني اني اكثر
ايمن : يمه فديته ها الصوت الحلو منو يسمعه ومايعشقه بس اني ماريد احد يعشقه بس اني
ملاك : ههههههه ياعمري انت لا تخاف
ايمن : راح اشتاقلج شلون
ملاك : امممم ليش مانتشاوف مو طكت روحي
ايمن : حبيبتي نور مو وكتها عندي محاضرات هوايه ومالحك عليهن تعرفين طب الاسنان صعب
ملاك : اي اوكي ...يله راح اروح انام باي

بالكليه
ملاك : لج علياء كل ما اكول خل نتشاوف مايقبل
علياء : يخاف لامرته تشوفه ههههههه
ملاك : اهووو هاي ليش ذكرتيني بيها جنت ناسيتها ومامخليتها بالي
علياء : لعد شعبالج لاتضحكين على روحج مازن مو لج وانتي تعرفين هذا الشي لان حتى اسمج الحقيقي مايعرفه

ملاك: من رجعت للبيت وكلام علياء لحد هسه افكر بي اوووف ياربي من حبيت احب واحد مزوج
دك تلفون ملاك المتصل مازن( ايمن)
ايمن : الووو حبي حياتي شلونج
ملاك: هلو
ايمن : حبيبتي شتاقيتلج ماصدكت خلصت شغل واجيت للتلفون ركض حتى اخابرج
ملاك : هاي شنو
ايمن: هاي شبيج شو تحجين بالكوة
ملاك : باوع مازن لو نلتقي اني وياك لو كل واحد يروح بطريقه ترى انت مصختها فد مرة ترى اني كلش ضايجه
ايمن : هااا حبيبتي اني هم اريد اشوفج بس ظروفي
ملاك : مازن اعرف ظروفك لذلك ماكدر استمر وياك اني تعبت دا احس نفسي لعبه بيدك
ايمن : لا تحجين هشكل نور اني احبج وماكدر بدونج
ملاك : لك اني هم دا اتعذب بس انت ماتحس بيه
ايمن: راح اعوفج هسه انتي مضايقه ومعصبه مني

ايمن
شسوي هسه هاي عبالها اني مازن ومزوج وتريد تعوفني شنو الحل
سلار: لك هااا ايمن لازم نور خلتك تحجي ويه روحك
ايمن : سلار نور تريد تعوفني تكلي انت مزوج وماتقبل اشوفك اني ماريد هشكل علاقه
سلار : صارحها بالحقيقه وخلي يريد يصير خل يصير
ايمن : انت هيج رائيك
سلار : اي
ايمن : اوك خلص راح احجي وياها
راح اخابر مازن واتفق ويا

ايمن اتصل بمازن
ايمن : الو مازن شلونك
مازن : هلا بالضلع شخبارك
ايمن : اريدك بشغله
مازن : اي كول شنو بالخدمه
ايمن : اريدك تحجي ويه نور وتكللها الحقيقه لان مليت ولازم الحقيقه تنعرف
مازن : اااي هذا عين العقل اوكي من باجر اذا تحب
ايمن : لا اني بعد يومين نازل اجازة حتى اكون موجود

بالكليه
علياء : هاي شبيج جايه من صبح عيونج وارمه
ملاك : من ورى كلامج كتله لمازن خل تنتهي علاقتنه بس هو ماقبل كالي اهدي وبعدين نحجي
علياء : تعرفين واخيرا رجع عقلج الج هذا الصحيح لاتورطين نفسج بعلاقه معروف اخرها

ملاك : علياء ياعقل اني احبه تعرفين شنو احبه كلبي يطير ويطلع منةمكانه من احجي وياا لج هذا مو حب هذا عشق ااوووف تعبت احسه تؤم روحي احس احنه نخلقنه لبعض تصدكين قبل لايدك التلفون ويخابرني اعرف راح يخابر بهذا الوقت
علياء : يعني شراح تسوين تبنين سعادتج على تعاسه غيرج
ملاك : طبعا لا اخذت قراري راح ينتهي كلشي