نزيف الروح

الحقيقه

ايمن : هلو نور شلونج بعدج ضايجه
ملاك : مازن علاقتنه ماممكن صح اني احبك بس لازم كلشي ينتهي احنه طريقنه مختلف انت بالبيت وتحجي ويايه مخايف زوجتك تسمعك
ايمن : زوجتي مو بالبيت عند اهلها خلينه بموضوعنه ممكن باجر اشوفج
ملاك : اوكي ماشي

طلعت الصبح اروح للدوام انتظرت مازن على الشارع اجه مازن بسيارة جان كاعد هو ورى واحد يسوق واكو واحد جان كاعد بالصدر
مازن : هلو نور تعالي صعدي هذا اخويه راح يوصلنه للكليه

ملاك : صعدت بالسياره ظليت ساكته بس اشو كلبي انقبض هاي شبيه معقوله اني حبيت هذا الشخص مدا احس بشي اتجاهها ياربي معقوله
اوووف همزين طلعت ماااحبه حتى انهي كلشي بسهوله
فتحت موبايلي بالسيارة باوعت على الرقم كلبي كام يدك سريع دمعت عيوني مسحت دموعي وماخليت مازن يشوفني
ااااخ ياربي شسوي عبالك اني احب شخص ثاني مو هو هذا مازن الكدامي شنو هذا التناقض اني يمكن مخبله

مازن : فراس اكلك مفاتيحي ماشفتها
فراس : لا اخاف نسيتها بالبيت
مازن لزم تلفونه وخابر
مازن : الو هلو منال شوفي مفاتيح الوكار يمج يمكن وكعن بالغرفه

ملاك : هاي شنو منال زوجته هو مو كالي عند اهلها البارحه اشو هي بالبيت نزلنه من السيارة طبعا الولد الي كاعد بالصدر ولاحجه ولا كلمه
مازن : نور اريد اكلج شي وخايف
ملاك : مازن شنو هذا الشي يعني ماكو داعي تخاف احجي
مازن : متاكده شويه صعب وحاب ماتستعجلين بالرد
ملاك : قابل شنو تريد تكلي مو انت الجنت تخابرني ههههه
مازن : اااي مو اني بس انتي شلون عرفتي
ملاك : هااااا شنوو مو انت صدك تحجي لو دا تتشاقه لعد منو جان يحجي ويايه طول هاي الفترة
مازن : صديقي اسمه ايمن الي جان كاعد بالصدر
ملاك : صدك مو انت وبديت اضحك الحمد لله مدا اصدك اووووف ياربي
مازن : يعني افهم انتي سامحتي
ملاك : هههههه لا طبعا ليش كذب عليه خل يخابرني واتفاهم ويا اريد اعرف ليش سوه هشكل
جنت كلش فرحانه حسيت نفسي انقذت من الاعدام جنت دا اموت لان راح اعوفه لان اني ماحبيت مازن حبيت الشخص الي جان يحجي ويايه بالتلفون

مازن : نور ايمن راح يخابرج وانتي احجي ويااا
ملاك : اوكي
رحت للكليه اول ماوصلت خابر ايمن
ايمن : الووو نور شلونج
ملاك : الووو نعم ياانور ماعدنه احد بهذا الاسم
ملاك قفلت الخط بوجهه وهي تضحك
ايمن : هاي شنو هاي يمكن اسمها مو نور هههههه هي هم كذبت مو بس اني

خل اراسلها بدء ايمن وملاك يتراسلون
ايمن : تعادلنه
ملاك : شلون بالله تعادلنه
ايمن : اني كذبت وانتي كذبتي
ملاك : بس اني كذبتي سهله مو مثلك
ايمن : يعني مراح تسامحيني اني عن نفسي مسامج
ملاك : لا والله انوب هو يسامحني لا لا اترجاك مو بس تسامحني وتغفرلي هم
اكلك اريد اشوفك
ايمن : هاا يعني سامحتيني
ملاك : لا طبعا اشوفك بالاول اذا مو حلو اعوفك واذا حلو اسامحك ههههه
ايمن : لاوالله يعني راح تعوفيني لان اني مو حلو
ملاك : اي اكيد اعوفك اذا مو حلو بس هذا الشي اني اقرره من اشوفك
ايمن : ماتكدرين تعوفيني لان انتي تحبيني
ملاك : هاااا منين احبك اصلا ماعرفك
ايمن : انجبي انتي تحبيني ومازن كالي من عرفتي مو هو مازن الي تحجين وياا من الفرحه حلكج صار بكد حلك الجريه
ملاك: جذاب مازن يقشمر عليك اولا لان اني مافرحت وثاني شي حلكي صغيروني شجابه لحلك الجريه
ايمن : شوكت ترديني تشوفيني
ملاك : اسبوع الجاي لان هذا الاسبوع كله امتحانات
ايمن: اسبوع الجاي ارجع للشغل
ملاك : اوك لعد اي يوم
ايمن : باجر
ملاك : اي باجر راح ادخل للمحاضرة باي
ايمن : اوكفي انتي شنو اسمج الحقيقي
ملاك : بعد وكت هسه يله سئلت
ايمن : مايهمني الاسم لان اني سميتج ملاكي روحي لاتتاخين ع المحاضرة

بعد المحاضرة
علياء : هلو ملاك تعالي ترى تعبت من المحاضرة شكد حجه هذا الاستاذ
ملاك : اكلج اني ميته من الجوع
علياء : اني هم بس اليوم نسيت فلوسي ماكدر اشتري
ملاك : اني جنت شايله واشتريت بيهم ملازم تعالي خل نشتري لفه همبركر وحده وقوطيه ببسي ونقسمه بالنص
علياء : ههههههه اي يله اوكي بس اشو ماسولفتيلي على مازن
ملاك: بعدين هسه خل ناكل ........ خفت احجيله خفت من رده فعلها

من رجعت للبيت بس افكر بي ياترى شلون شكله
بقيت للصبح كاعده ومتوترة
رحت اتتظرته مكان اتفقنه عليه
ملاك : اوووف كلبي يدك سريع احس العالم كلها تسمع دكات كلبي اباوع بلكي اشوفه

ايمن : بقيت للصبح كاعد اتكلب بفراشي ياترى شنو الي في بالها شنو ردت فعلها من تشوفني
ملاك: شفت شاب وسيم ابيض طويل وجسمه رشيق وانيق اجه من بعيد يمشي ظليت اباوع عليه ومن اقترب انتبه اني دا اباوعله ابتسملي
ايمن : صباح الخير ياااميرتي
ملاك : صباح النور ولاتكول اميرتي
ايمن : وين نروح تردين
ملاك : بكيفك
ايمن : خل نروح للكليه خلصي محاضرتج الاولى وبعدين اخذج اطلعج
ملاك : اوكي ..... اخذنه تكسي ورحنه للكليه فتت للكليه
اوووووف نسيت اني ماحجيت لعلياء شي هسه شكللها ياربي راح اتبهذل
ايمن : راح انتظرح بالنادي ماشي
ملاك : اوكي
خلصت المحاضرة
علياء : ملاك هاي وين موليه اشو عفتيني ورايحه للنادي
ملاك : علوش حبيبتي عندي شغله بعدين احجيلج راح اروح ماشي
علياء : ااي ماشي .... خل اروح وراهامامطمنه للسالفه من شوكت تضم عليه
ملاك : يالله همزين خلصت من لكفه علياء خل اروح اخذه واطلع قبل لاتشوفنه علياء
فتت للنادي شفته كاعد يشرب كهوة
ايمن : هاا حبيبتي خلصتي محاضراتج
ملاك : اي
ايمن: خل نشرب كهوة وبعدين نطلع
علياء : هلو ملاك هذا منو الكاعده ويا
ملاك : علوش مو وكتها هسه
علياء : شنو مو وكتها عرفيني عليه خل اعرف العفتيني علمودة
ايمن : خررررب ياهي شنو بس لا بينكم علاقه تحب هههههههه واني خربتها
علياء : ههه ماتضحك اسكت انت ولاتحجي
ملاك : ههههههههه علياء اسكتي هسه راح احجيلج كلشي
اعرفج على ايمن جان مسوي روحه مازن
يله ايمن كوم باااااي علوش
علياء : هاااااااااا ..........هاي شكالت وراحت
ايمن : راح اخذج اغديج بمطعم بلو سكاي
ملاك : يله ترى جوعانه ميته جوع
ايمن : اسمج ملاك طلع ههههههه
هسه ماكلتيلي شنو رئيج بيه
ملاك : فاهي وماتلكفها وهي طايرة
ايمن : هههههههههه لسانج اشطوله
بس احبج واحب سوالفج واحب ضحكتج
مراح اخليج تندمين انتي حبيتيني