Aishteru!

Chapter 4

Bakit kaya di ko na siya napag kikita? Baka busy…o iniiwasan ako? Kung iiwasan niya ako, para saan?

“di naman siguro” at agad na binawi  ni Rey ang naisip.

Lumipas ang ilang dalawang lingo at din a napagkikita si Olivia. Doon lang niya nalaman na meron na pala itong boyfriend. Parang sasabog ang puso niya sa nalaman. Di niya matanggap na di pa niya naaamin ang kanyang nararamdaman ay naputol na lamang sa di maipaliwanag na dahilan.

“Rey ano pang aasahan mo sa babaeng yun? Huwag ka ngang mangarap ng gising!” kutya niya sa kanyang sarili “mali ang akala mong mahal ka rin niya..” di mangyayari ang iniisip mo…

Sinikap niyang alisin sa kanyang sistema ang noon palang na namumuong pag ibig nila ni Olivia. Hanggang sa dumating sa puntong gumamit at manligaw ng iba para lang makalimot.

Nagka girlfriend si Rey…Si Zeny. Mabait, may kagandahan at higit sa lahat ka estado niya sa buhay. Masaya sila tuwing magkasama, ang di alam ni Zeny, sa loob ng masayang pagtawa ni Rey, ay ang malawak na kalungkutang pilit pinag kakaila at tinatabunan ng pagngiti nito.