عِناق

البارت ( ٥ )

صباح الخير + المطر : )
قراءة ممتعة ..

ـ

جاد ابتسم : م.. توقعتك .. بتجي هنا .

منذر وهو يدخل : مالي خلق الجمعات الكبيرة و المجاملات و الناس ،

هنا المكان أهدى و بنبسط فيه ..

جاد سكر الباب و دخل منذر يسلم عليهم ..

منذر : حددت زواجك ؟

محسن : للحين م حددنا ..

منذر : الله يتمم لك على خير ..

محسن : آمين عقبالك ..

جاد أنتفض و لا إرادي ألتفت له منذر ضلوا فترة يطالعون في بعض لين

نزل جاد عيونه و بعدها عنه..

جلسوا بعد الغداء يتقهون ووصلت رسالة لجاد قرأها ونط يصارخ ..

الشايب : شفيك؟

جاد بحماس قرب من منذر : قصصتي الأولى راح تنزل في المجلة

قبلووها ..

منذر أخذ جوال جاد و قرأ الرسالة : مبرووك قلت لك راح تطلع بشي

جميل ..

جاد : قالوا لي إذا لاقت قصتي إعجابات كثيرة راح يحطون لي زاوية

أسبوعية في المجلة ..

الشايب : ما شاء الله ربي يوفقك ي ولدي ..

طلع منذر طول وقت العصرو رجع بالليل و شاف جاد جالس

يطقطق بجواله برى ..

منذر جلس جنبه : شتسوي ؟

جاد : أكلم وسام وسادن ..

منذر : عن ايش كانت قصتك؟

جاد طفى جواله و ألتفت لمنذر : كانت عن واحد يبي يستقل في حياته ..

منذر : حلو .. و نهايتها ؟ أستقل ؟

جاد : ايه و عاش حياة سعيدة بدون قيود ..

منذر قرب أكثر من جاد : و أنت ؟

جاد أنحرج : أنا ووش ؟

منذر : تبي تستقل في حياتك ؟

جاد هز رأسه : أيييه أحس بقيود أبي أعتمد على نفسي أكثر ..

منذر : متضايق منه ؟