عِناق

البارت ( ٣ )

- كالسُكر إدمانك حتى الإغماء ~

ــ

سادن وهو يطالع في شاهر : عندنا المنيو متى م قررنا راح نناديك ..

جاد م أعجبه كلام سادن : لو سمحت بوش تنصحنا هنا ؟

شاهر أبتسم لجاد : عندنا عرض اليوم أفخاذ الدجاج مع الخلطة السرية

بالإضافة للبطاطس المهروسة و مشروب على ذوقك ب 30 ريال ..

جاد : واه كل ذا بهالسعر ؟

شاهر : يب تبغاه ؟

جاد : ايه و خل الشراب يصير أمممم عصير ليمون ..

شاهر سجل الطلب و ألتفت لسادن : تبغى نفسه ؟

سادن : عندكم قهوة أمريكية ؟

شاهر استغرب : ايوه ..

سادن : عطني أفخاذ الدجاج مع القهوة ..

شاهر رفع حاجب : من جدك ؟ شرايك بعرضنا ت

سادن قاطعه بحدة : أخذت الطلبات وش عندك واقف للحين ؟

شاهر حك شعره من ورى : طيب آسف ..

مشى شاهر و همس جاد : شفيك عليه ..

سادن : مررة شيب وش تحس فيه لما أخذت عرضهم باين أنهم

مبتلشين فيه ..

جاد : أنا م أشوفه غلط يعني ع شان تتنرفز ..

سادن : كل ثقل الدم و ما غلط مدري وش كنت تبي ..

ضلوا دقايق وجاهم شاهر بأكلهم كان صحن جاد مليان و الأشياء

كثيرة أما سادن بس صحن فيه كم قطعة من كوب القهوة ..

جاد بحماس : شكله لذييذ مرة ..

شاهر تحمس مع جاد و شكله : يييب م راح تندم عليه يلا بسم الله و

قل لي رأيك ..

جاد أخذ قطعة بيده و أكل شوي : وااه والله طعمه يهبل ..

شاهر : عوافي ..

جاد بيكمل وشاف سادن : شفيك ؟

سادن لشاهر : لو سمحت م جبت شوكة و سكين لي ..

شاهر : خير ؟

سادن لف لشاهر : شوكة وسكين م سمعت ؟