في بلكونة المطعم )
بسام :حبيبتي شبيج
ديمه :نعسانة كلش
بسام :نرجع
ديمه :أي فدوه
بسام :اوكي ياله امشي
ديمه :ياله
وفي السيارة )
بسام :حبيبتي نعسانة أويلي
ديمه :ههههه
بسام :اذا تردين تنامين بالسيارة نامي
ديمه :لا بالبيت احسن
بسام :اوكي
ديمه :بس بسام انته ليش ما تحجيلي شبيك هاي الأيام
بسام :كلشي ما بيه ليش شبيج
ديمه :أحس اكو شي انته ضامة عليه
بسام :لا حبيبتي شنو اكيد لا اصلا ليش أضم على حبيبتي أو روحي هااا
ديمه : ما اعرف أحس
بسام : ههه هسه عيفي إحساسج على جهه وكولي شلون الطلعة
ديمه :روعه أحلى طلعة بس تعرف أحيانا أتذكر أيام قبل وأشتاق للماضي لمن جنت تجي يم البلكونة مال غرفتي توكف تنتظر أكعد من النوم حتى افتح الشباك وتشوفني بس والله أيام
بسام :ههههه الله على أيام قبل بس تدرين اني كلش محظوظ لئن تعرفت عليج يا روحي
ديمه :أو اني هم يا عمري
بسام :فديتج
بعد ساعة )
بسام :وصلنا
ديمه :أي ياله خلي أنزل
بسام :لالا لا خليج مكانج اني رح افتحلج الباب لا تتحركين أبد اوكي
ديمه :اوكي
وبعد أن فتح الباب ونزلو)
بسام :ايدج حبيبتي
ديمه :اوكي ياله امشي
بسام :خلي ادك الباب احسن
ديمه :أي احسن
بسام :وهوه يدك الباب )
في الحديقة )
ليلى :اكيد أجه بسام
لميس :شوفي تسكتين احسلج
ليلى :ههههه والله امشي فتحي الباب لو أني افتح
لميس :كافي سكتي انتي تردين ترخبين بين اثنين من كوه ديمه حبت بسام انوب جايه تخربين علاقتهم شبيج انتي ما لكيتي شخص غير بسام
ليلى :شوفي حبيبتي بسام حبيبي من أول يوم أجه بي للجامعة وإني أحبه خوش
لميس :بس هوه لااا اوكي (وراحت تفتح الباب )
وفي غرفة صافي )
صافي :الو منو وياي
صاحبة الصوت :الو حبيبي مبروك عليك الزواج مبروك
صافي :منو انتي
صاحبة الصوت :أي بسرعة نسيتني لئن لميس صارت حبك الأول والأخير وإني شنو هااا عفتني أتعذب ما فكرت بيه ابدا ليش هااا
صافي : شوفي اني كنت بالماضي أحبج بس عرفت انتي وحده حقيره وما تستاهلين حبي الج ابدا آلاف المرات جنتي تخططين وتسوين مشاكل أنتي وليلى علمود تفرقون ديمه وبسام بس محد يكدر
صاحبة الصوت : ههههه ضحكتني اصلا ديمه ما تحب بسام شلون بالله فرقتهم
صافي :لا غلطانة
وفي ساحة البيت )
بسام :شلونكم
لميس :الحمد لله تمام
ديمه :لميس اكو شي ضامتة و ما تحجين اذا اكو كولي حبيبتي ترى شغلتي بالي
أجت ليلى )
ليلى :هلاو ديمه هلاو بسام
ديمه :ليلى هاي انتي
ليلى :شكو تفاجئتي لازم
ديمه :أي
لميس :أوف
ليلى :بسام نسيت ساعتك عندي
ديمه :بأستغراب ) شنو
ليلى :أي ديمه مثل ما سمعتي
ديمه :بسام احجي شبيك ساكت
بسام :ديمه ماكو شي من هذا ديمه هاي تحاول تخرب بيناتنة
ديمه :أو الساعة مالتك ليش يمها و من شوكت تدري أجت
بسام :ديمه اهدي كافي حبيبتي
ديمه :بغضب ) لا أهدى ولا شي شنو السالفة الشخص اليحبك هيج مجازتة عندك
بسام :ديمه اسمعي هاي وحده حقيره ديمه بس سمعي
ديمه :وهيه تبجي ) والله غلطت لمن وثقت بيك (وراحت تركض لغرفتها تأخذ ملابسها )
بسام :وهوه يلحكها ) ديمه اوكفي خلي اشرحلج
ليلى :ههههههه الله من اشوفكم تتعاركون شكد ارتاح
لميس :صدك انتي وحده حقيره وما تستحين ليش هيج عذبتيهم ليش
ليلى :هاي بس البداية
لميس :شنو انتي ما عندج كلب هاااا لو تحول حجر
ليلى :حبيبتي اني عقلي يتحكم مالي علاقة بكلبي الي يمشي وره كلبه شحصل بس وجع وجروح
لميس :بره بره ( وهيه تأشر بأيدها )
أجه بسام )
بسام :وين هاي وينج هاااا ترديني موو خربتي حياتي كله بسببج شوفي شرح اسوي بنفسي
وفي الغرفة )
ديمه :وهيه تمسح دموعها ) بساام ( وراحت تركض بسام كامش المسدس بي أيده ويريد يضرب نفسة
ديمه :بصراخ ) بسااام اذا تحبني لا تسوي شي لنفسك بسام
بسام :لا ديمه اني اذيتج هواي خلي اكتل نفسي واخلص
ديمه :وهيه تبجي ) أو كيان لمن يجي للدنيا شنو اكله أبوك تعب من الدنيا وقتل روحه
بسام :حبيبتي بس اني هواي اذيتج
ديمه :وهيه تركض لي بسام وتعانق بسام ) حبيبي لا تعيفني وحدي بالدنيا ما أتحمل فراكك
بسام :وهوه يحضنها )يا عمري بس ما أريدج تبجين امسحي دموعج ياله
ديمه :اوكي حبيبي (وهيه تمسح دموعها )
ليلى :يعني ما تصدكين
ديمه :وهيه تتوجه لي ليلى ) شوفي حبيبتي هاذا عقلج شكد ما تكبرين يضل صغير روحي شوفي وحده غيري لعبي وياها اوكي عمري ياله بره
ليلى :آها بره مو
ديمه :أي بره ياله ولي
لميس :بره ياله
بسام :شوفي اذا ادخلتي مره ثانية تشوفين شي ما يعحبج اوكي ياله بره روحي شوفي غيري تلعبين عليهم اوكي بس اني مستحيل
ديمه :بره بره
ليلى :اوكي بأي
لميس :اروح اشوف صافي واجي
ديمه :اوكي روحي حبيبتي بس تعاي بسرعة
لميس :اوكي شوية واجي
وفي غرفة صافي و لميس )
أجت لميس بس سمعت الحجي ضلت واكفة وره الباب تسمع شنو يحجي ويامن)
بالموبايل )
صافي :شوفي اني كتلج من زمان انتهت علاقتنة كل واحد بطريق ليش هيج لزكتي
صاحبة الصوت :لئن أحبك لزكت اني أحبك ومستحيل أفكر أعيش ويه غيرك يعني هذا الكلام ما يكفي
صافي :بس اني تزوجة وانتهى كلشي من ذاك اليوم الي طردتج من حياتي
صاحبة الصوت :بس اني أحبك لهسه شنو ذنبي ها
صافي :أفهمي اني ما أريدج يعني ليش تلحين
صاحبة الصوت :أي مو أجت لميس خاتون
صافي :اش لميس تسواج اوكي ما اسمحلج تحجين عليها
صاحبة الصوت :ياله بأي يا روميو
صافي :روحه بلا رجعة
دخلت لميس )
لميس :صافي سمعت كلشي
صافي :لميس والله ما أحبها
لميس :صافي اذا تريد تنهي هذا الزواج وتزوج حييبتك عادي روح اصلا اني مريظة على ساعة اموت همزين عندك صديقة أو حبيبة
صافي :شنو شبيج جاي أكلج ما أحبها لميس كافي
لميس :لا اذا تريد تروح روح ما عندي مانع
صافي :لميس (بغضب وصوت عالي )
أجه بسام أو أجت ديمه )
ديمه :شكو شبيكم
صافي :يا الله ديمه احجي ويه اختج
بسام :شكو صافي شصاير
صافي :تعال خلي نسوالف اهناك بالصالة
لميس :اذا تريد تحجي وياها روح اصلا بعد ما عندي أحد بالدنيا أثق بي (بصوت عالي )
ديمه :كافي لميس تعاي كعدي وسولفي شبيج
لميس :حجت كلشي عن الي صار وسمعته )
ديمه :لميس هوه ما يحبها ليش هيج تعذبين نفسج
لميس :ديمه هوه يحجي وياها وكلها كلشي انتهى بيناتنة زين قبل ليش ما كلي عنده حبيبة ولهسة تحبة هاااا لو بس يريد يخلص مني
ديمه :هوه ما كلج خاف تصير مشكلة أكبر فكري
لميس :حتى لو يعني لازم يكلي كلشي عن حياتة الماضية أعرف عنده هواي حبيبات قبل بس ما ادري لهسة اكو منهن يحبنة
ديمه :كافي اهدي حبيبتي هوه لو ما يحبج جان ما كلج واعترف ويه منو يحجي جان طلعلة سالفة فكري
لميس :بدون وعي ) صح بس اني تعبت بسبب مرض السرطان !!!
ديمه :بخوف واستغراب ) شنو سرطان !!
******************
انتهى البارت أن شاء الله عجبكم
أنت تقرأ
زواج مبكر 3
Randomالجزء الثالث بس هذا الجزء يختلف عن باقي الاجزاء ربما يوجد الكثير من الأحزان لاكن هناك حب بين الطرفين ♡ الكاتبة :لهيب خضير ) الرواية بالهجة العراقية ) تابعو البارتات .........
