الآن الساعة 8 ونصف صباحآ )
وفي البيت )
ديمه :وهيه تفكر ) خلي اشوف بسام أشو تأخر بره وفي الشارع )
بسام :وهوه يخابر بالموبايل )
بالموبايل )
بسام :اسمعني بس خلي أفهمك
الرجل :لا حبيبي اني أريد فلوسي واذا ما جبتهن اشتكي عليك خوش
بسام :اسمع اني هاي الفتره ما جاي اشتغل لئن طردت
أجت ديمه وره بسام وهيه تسمع حجي بسام )
بسام :شوف طردوني من الشغل من فتره و ما أريد زوجتي تعرف ما اكدر ادفعلك
ديمه :شنو تشاقة انته صح
بسام :وهوه يلتفت لي ديمه بوجه حزين وقلق) ديمه
ديمه :سمعت الحجي هسه ليش ما كلتلي ليش
بسام :لئن ما أريدج تحسين وما تشترين الي بي بالج أريدج ما تفكرين بشي الي بي بالج تشتري ما أريدج تعطفين عليه
ديمه :صدك انته تحجي الزواج مبني على الثقة ومشاركة الحزن والفرح والأسرار مو تضم عليه بسام شبيك فهمني شبيك
بسام :شوفي ديمه اني أحبج وما أريدج تفكرين بشي اوكي أو العهود مال الزواج ادري كلها نفذتها بس اني أخاف انو أي بنية مثلا تشوفج غراض وذهب وانتي تفكرين غير شي وتكولين ما اكدر اشتري بسام ما عنده اوكي
ديمه :تعرف اني أفكر بيك أكثر من نفسي
بسام :ديمه أرجوج اهدي آسف
ديمه :اوكي رح أقبل اعتذارك ماشي بس ع فكره لا تعيدها مره ثانية
بسام :اوعدج حياتي صافي ولميس سافرو مو
ديمه :أي سافرو أتمنه تكون بخير
بسام :أجه مصطفى هاي منو وراه
ديمه :ههههههه هاجر
بسام :ههههههههه
..........
بعد أيام بدت علاقة حب بين هاجر ومصطفى لئن ثنينهم كعدو بي بيت بسام وره شهر سافرو ديمه وبسام لفرنسا أو لميس وصافي بي إيران تمت معلاجة لميس من المرض وصارت بخير وبعد أيام لميس جابت بنوتة أو ديمه عرفت انو ابنها مات ضلت مصدومة بس بسام من رجعو من فرنسا كلها وضلت مصدومة لمدة شهر بس بعدين استسلمت على الي صار وره ايام رجعو لميس وصافي من إيران والطفلة وياهم ديمه بدأت تعامل بنت لميس تماما مثل بنتها وبعد أيام بدأت حالة ديمه تدوخ وتلعب روحها أخذها بسام للمستشفى والخبر الي خله بسام وديمه أسعد اثنين بالعالم ديمه حامل بي ولد رجعو للبيت وكالو الخبر والكل فرح وره فتره تفاجئو بأنو مصطفى يريد يتزوج هاجر بعدين وافقو وتم الزواج والاثنين كأنو سعيدين جدا بعد شهور )
في غرفة ديمه ) '
ديمه:ااااخ ااااخ
بسام :يا الله رح اخابر الدكتور تحملي تحملي
ديمه :ما اكدر بسااااام
بسام :لحظة لحظة حياتي (والخوف بوجها )
وبعد كم دقيقة أجه الدكتور وديمه جابت ولد حليوه عيونه سود وعنده غمازات وأبيض وشعره أسود الكل عرف أجو لبيت بسام وديمه وكانو فرحانين على جيبوبت ديمه ديمه كانت سعيده كلش كلش وبسام هم كان يضحك من كل كلبه مرور سنوات )
وفي البيت )
سوه بسام حفلة جبيره كلش لي ابنه طبعا الاسم هوه تامر )
بسام :بصوت عالي ) كل عام وانته بخير يا حبيب أبوك وهوه يشيل ابنه
ديمه :بسام نزله خطية
بسام :هههههههه تذكرين من جنت اشيلج
أجو صافي لميس هاجر مصطفى )
هاجر :أحم كح كح
مصطفى :بويه شوف الحب لهنا وصل هههههه
لميس:هههههه
صافي :مصطفى شوف شوف كلها تعلمت الحب من ابو الحب بيسو ههههه
بسام :لك صافي وبدأ يركض وره صافي ومصطفى
هاجر :هههههههههه
لميس :ههههههه
ديمه :على كيفكم تامر رح يكعد
هاجر :أي صدك شويه شويه اوكي
لميس :صح شويه على كيفكم لئن بنتي نامت هسه ما أريد تكعد ديمه جيبي تماتم خلي احطه بالغرفة واجي
ديمه :اوكي
وبعد أن أجت لميس وجلسو كلهم بالحديقة )
مصطفى :والله أيام زمان وين جنت بسام الله ع أيام زمان تذكر من جنت توكف يم بلكونة ديمه هههه
بسام :شلون ما أذكر وجانت تفتح الشباك تشوفني وتشرد ههههه حياتي
لميس :بسام هههههه تذكر من جنت اصيحلك أبو تشيرت المزرف ههههههههه
بسام :ههههه خرب والله جنت اتنفرز من تكليلي هيج هههههه
ديمه :والله أيام وتذكر لمن مره غنيت بشارع وكدام الناس حتى حافضة الغنية افرض اموت وانته بعدك زعلان مني هم تعيش وتكمل هاي الدنيا بدوني هم يدك كلبك حاجيني ههههههه الله ع ايام زمان
هاجر :والله أيام حلوه ههههههه
مصطفى :اكو خبر رح أكول اني هسه هاجر حامل
بسام :الله عالخير الله أحلى خبر
صافي :عالخير خيتي
بدئو يتعانقون ويسولفون عن الذكريات
بسام :ديمه تعالي نصعد بالصطح
ديمه :وين
بسام :تعالي
الجميع :أخذو راحتكم
ديمه :اوكي
وفي الصطح )
بسام :أحبج
ديمه :وإني اموت عليك
بسام :تذكرين من جنتي اتزعلين مني
ديمه :ههههه أذكر
بسام :الله على أيام زمان احنه كبرنه هسه
ديمه :ممم لا انته بعيوني تضل أجمل شاب وحبيبي بسام :وانتي أجمل شابة بالكون
ديمه :ههههههه
بسام :ههههههه
ديمه :أو تذكر من صارت هذيج العركة بالسوك اني وأختي جنا اهناك وانته تعاركت ويه شباب تغزلو بيه بسام :هههههه اي أذكر ملختهم تملخ ***************
ديمه :أي صح بسام انتهت قصتنة صح
بسام :وهوه يباوع ) للنجوم) أي انتهت قصتنة
ديمه :انتهت وانتهى كلشي صح
بسام :صح انتهى كلشي بس اكو بنات معجبات بيه أحب اعرف
ديمه :بساام ما عليه أغار لا ماكو
بسام :أحبج والله أحببج مووت
ديمه :وإني اموت عليك
بسام :انتهت قصتنة ديمه مو
ديمه :أي انتهت بس يا ترى اكو ناس رح يشتاقولنة لو لا
بسام :ما ادري بس قصتنة خلصت وانتهى كلشي ديمه :أي انتهى كلشي (وهيه تبجي )
بسام :ديمه حبيبتي كافي لا تبجين اكيد اكو ناس رح يذكرونة لا تبجين
ديمه :اوكي وهيه (تمسح دموعها )
بسام :أتمنه كل شاب يعرف معنى الحب ويقدر الشخص الي يحبه وما يخون حبيبتة ابدا واذا حبيتو مثلي أحم واذا عنيده ايسو من السالفة هههههه إشاقة بالعكس أتمنه تلكون شريكة حياتكم
ديمه :بنات نصيحة مني اني هواي مريت بمشاكل وصعاب ياله حبيت بسام بس انتو قدرو الشخص الي يحبكم بس اذا كنتو مثلي اوو العناد فوك كلشي ههههههه بس نصيحة أهتمو بالشخص الي يحبكم ولا تخونو أبدا
بسام :ياله ديمه امشي ننزل بردت الدنيا
ديمه :اوكي حبيبي ياله بأي (وهيه تلوح بأيدها )
بسام :بأي بنات بأي شباب نصيحة اعترفو للي تحبو قبل لا يفوت الأوان بأي ) وهوه يلوح يأيده)
ونزلو *********
******************
النهاية
أن شاء عجبتكم النهاية
شكرا لكم من كل قلبي على تشجيعكم الي والتصويت والتعليقات المميزة شكرا الكم لو ما انتو ما كان وصلت لهنا شكرا لمتابعين الرواية بصمت شكرا الكم على كلشي تحياتي ♡
وأسفة اذا بجيتو بسبب البارت شكرا لكم على كل شيء بس صراحة حتى انا آخر كلمات كنت أكتب وابجي بس ما اعرف يمكن لئن تقبصت الشخصيات وحسيت انو همه موجودين بس منو يعرف يمكن اكو قصة نفس بسام وديمه ♡
***************** أسفه حجيت هواي *
أنت تقرأ
زواج مبكر 3
Diversosالجزء الثالث بس هذا الجزء يختلف عن باقي الاجزاء ربما يوجد الكثير من الأحزان لاكن هناك حب بين الطرفين ♡ الكاتبة :لهيب خضير ) الرواية بالهجة العراقية ) تابعو البارتات .........
