زواج مبكر 3

البارت 13

الآن الساعة 6 ونصف صباحآ )
وفي غرفة التي فيها لميس )
صافي :صار الريوك ياله حياتي
لميس :صافي (وهيه حزينة ) اذا متت أريدك تتزوج البنت الي كنت تحبها
صافي :شنو
لميس :اني اعرف رح اموت (وهيه تبجي )
صافي :لا تفكرين هيج والله ما رح يصير شي شيلي هاي الأفكار
لميس :صافي تعرف أخاف اودعك وبعد ما اشوفك خايفة نفترك فجأة
صافي :لا ما رح يصير شي خلي ايمانج قوي لميس لا تفكرين هيج
لميس :اوكي بس أخاف من المرض والموت
صافي :كافي خلي الأفكار بعيده عقلج الأكل صار تعالي نتريك ونروح ياله
لميس :بس ليش اني اجاني المرض هذا مسويه شي بحياتي أو جارحة انسان بس لو اعرف (وهيه تبجي )
صافي :خله صينية الأكل على الماصة وراح لي لميس ) لميس
لميس :هاا
صافي :وهوه يمسح دموعها ويشبكها ) كوني واثقة ما رح يصيرلج شي اوكي
لميس :اوكي (وهيه تسيطر على دموعها )
وفي المستشفى غرفة ديمه )
بسام :شبعتي
ديمه :أي الأكل طيب شكرا
بسام :تدللين
ديمه :أضن ياله خلي نرجع للبيت
بسام :اوكي بدلي وإني اروح اسوي الإجرأت اوكي ديمه :اوكي
بعد نصف ساعة الآن الساعة 7 صباحآ )
بسام :اجيت آسف طولت عليج
ديمه :لا عادي حبيبي
بسام :تجننين ديمه
ديمه : شكرا (بخجل ونضره إلى الأرض )
بسام :فديت الخجولة ياله خلي نطلع
ديمه :ياله امشي
ملابس ديمه )
تنوره ماروني اللون مع قميص ابيض وحجاب ماروني وحذاء بكعب اسود متوسط الكعب ) ***
وفي البيت ) وبعد أن لبسو الملابس وجهزو روحهم للسفر لميس و صافي )
ملابس صافي ****
قميص أزرق مع بنطرون جينز وحذاء رياضي أزرق *****
ملابس لميس )
جبه  (عباية مع حذاء تركوازي بي فيونكة كيوت مع حجاب تركوازي فيه فيونكة جميلة وراقية ****
********
صافي :ياله حبيبتي
لميس :خلي اشيل الجنط
صافي :لالا اني اشيلهن انتي طلعي بساحة البيت وإني اجي
لميس :اوكي
وبعد أن خرجت لميس )
صافي :وهوه يكتب رسالة )
بالرسالة ) كافي عاد كلت روحي لا تلزكين اوكي
وفي الساحة )
لميس :اف أشو اتأخر صافي شكو شنو السالفة خلي اروح اشوفه
وفي الغرفة )
صافي :خرب هم رجعت اتصلت )
بالموبايل )
صاحبة الصوت :صافي ليش هيج تسوي هاا مو حرام عليك ليش هيج ليش
صافي :شوفي انسي كلشي صار اوكي لا اعرفج ولا تعرفيني اوكي
لميس :وهيه تصعد الدرج ) !
صاحبة الصوت :زين اني شنو ذنبي هاا
صافي :سمعتي لو لا كلت ما اعرفج ولا تعرفيني اوكي
لميس :وصلت يم الغرفة )!
صاحبة الصوت :اني من يوم ما اجيت وشفتك وثقت بيك بس وسفه عليك وسفه
صافي :كافي لغوه زايده ياله امشي ولي ما أريد اشوف جهرتج مره ثانية اوكي
لميس :وهيه تسمع الحجي بهدوء وره الباب ودموعها تنزل )
لميس :بصوت ناصي وحزن ) اعرف انته ما تحبني وتريد حبيبتك أن شاء الله اموت يا رب كون اموت حتى يرجع لحبيبتة يمكن اني فرقتهم عن بعض )ومسحت دموعها ونزلت )
صاحبة الصوت :شنو ذنبي وذنب الط....
صافي :قطع الخط بسرعة ونزل للساحة علمود لميس )
وفي الساحة )
صافي :وهوه ينزل ركض )آسف طولت عليج
لميس :بحزن وهيه تنزل رأسها ) لا عادي بس ياله خلي نروح
صافي :وهوه يقترب منها ) حبيبتي
لميس :بحزن ) رجااء صافي خلي نروح تأخرنه
صافي :اوكي ياله (بتفكير ) شكو شبيها لميس أحسها حزينة بس قبل شويه جانت فرحانة شنو السبب الي خله لميس حزينة ؟ }
لميس :وهيه تطلع من البيت ) اني رح اصعد السيارة (بحزن) اذا تريد مساعده كلي
صافي :لا حبيبتي ما أريد كملت (وهوه يحط الجنط بي جنطة السيارة )
وفي السيارة )
صافي :لميس اكو شي
لميس :لا ماكو شي سلامتك (وهيه تباوع على الشارع من الشباك )
صافي :بس متأكده
لميس :ما بيه شي اوكي
صافي :ماشي حبيبتي بس اهدي
لميس :بحزن ) وهيه تخلي السماعات بأذنها وتسمع اغنية (نور الزين ) واذا ما نسوني )
صافي :اوكي لا تردين على راحتج
وفي سيارة التي فيها بسام أو ديمه في طريقهم للبيت )
بسام :شلونج هسه حبيبتي
ديمه :تمام التمام يا روحي بس هاجر رح تجي
بسام :أي والله كالت 8 تجي واحنه هسه كم الساعة
ديمه :الساعة 7 ونص ) بس ما أضن تجي من وكت تتأخر لئن هيه بأمريكا
بسام :اهاا اوكي زين لعد اوكي
ديمه :اوكي بس خلي عيونك على الطريق
بسام :اوكي حياتي
وبعد أن وصلو للبيت )
وفي السيارة بقرب باب البيت )
بسام :ياله نزلي حياتي
ديمه :اوكي حبيبي
بسام :لحظة هسه اجي هذا اتصال من مصطفى
ديمه :اوكي لعد رح أدخل للبيت أو انته تعال بعدين بسام :اوكي كلبي
بالموبايل )
مصطفى :هلو حبيبي الغالي اعذرني هاي الفتره ما جاي ارد عليك آسف بس اني صار عندي شغل ودائما اشتغل اشتغل بالعقارات ودوخه وتعرف بعد وبيتي بعيد عنك بس هسه اني بالموطور رح اجي اوكي
بسام :اوكي حبيبي منتضرك
وفي الطيارة وهيه تنزل منها هاجر )
تعريف شخصية هاجر )
عيون زرقاء بشرتها بيضاء مع شعر اصفر ليست طويلة كثيرا لاكن طولها جميل غمزات لها لا تردي حجاب ترتدي بنطال وتشيرت وردي وحقيبة نازوكية وجميلة مع ابتسامة تنبع بالفرح والسعادة وحذائها وردي رياضي بنطال جينز هيه سافرت إلى أمريكا من أجل العيش هناك وأيضا من أجل الدراسة لذالك تحولت كل تصرفاتها إلى تصرفات امريكه لاكن ما زالت تعشق أرض العراق بجنون )
***********
هاجر :وهيه تنزل من الطيارة ) اوو وأخيرا وصلت للعراق وأخيرا رجعت يا الله
الطفلة:بدت تبجي )
هاجر :وهيه تحط الطفلة بين أيدها ) اششش اششش سكتي حياتي أريد أتأمل العراق بعد أن رجعت بس سكتي
الطفلة :لم تسكت ابدا )
هاجر :اش شوفي اذا سكتي أطيج عشرة آلاف هااا الطفلة :لم تسكت )
هاجر :مين الحلوه اغ اغ غووو حياتو فد فديتو أغا أغا (وهيه تقلد بوجها حركات مجنونة )
الطفلة :بدأت تصرخ من شدت البكاء )
هاجر :حياتو حياتو أحبج اششش سكتي هسه اوديج يم ديمه ديمه بنية حبابه وتحب الجهال كلش هسه هيه تعتني بيج خوش حياتو اششش دم دم ديمه هييي أحبج
الطفلة :هدأت لﻷنها تعبانة ونعسانة ونامت )
هاجر :وهيه تحط أيدها على خصرها ) سبحان الله الجهال يحبوج دمادم هسه خلي اروح أجر سيارة لئن رح اتأخر عليهم (وراحت لموقف سيارات )
هاجر :تاكسي تاكسي
أبو التكسي :أهلا تفضلي
هاجر :شكرا هاك هاي الفلوس
أبو التكسي :ولو خيتي
هاجر :صعدت التكسي )
وفي السيارة )
أبو التكسي : هاي بنتج
هاجر :ههههه ابيش طالبني لا هاي اختي
أبو التكسي :شنو يعني ما تكيفين تزوجين
هاجر :لا لا أريد زواج ولا شي
أبو التكسي :والله بنات آخر زمن
هاجر :عفوا
أبو التكسي :لا ماكو شي
هاجر :اوكي ياله كمل طريقك بسرعة
أبو التكسي :بس انتي شنو مسيحية
هاجر :لا وانته شعليك ياله كمل طريقك ممكن
أبو التكسي :ضاهر انتي مو خوش بنية ياله طلعي من السيارة
هاجر :بغضب ) شنو احترم نفسك صح اني عشت بأمريكا بس لحد هسه جذوري عراقيه خوش بس عادي أنزل عبالك ماكو سيارات بس انته بأي (وهيه تنزل )
أبو التكسي : الله وياج
وفي الشارع وهيه على الرصيف والهوى عالي )
هاجر :أوف هسه منو يوصلني
شباب بالسيارة : هلاو يا حلو شنو حبيبك عايفك
هاجر :وهيه تنزل رأسها ) وتلم شعرها )
شباب بالسيارة :ههههههه يمكن هاي خرسة هههههههههه
هاجر :خرسة بعينك كون اختك خرسة ياله ولي (بغضب )
شباب بالسيارة :هههههه باي يا حلو
هاجر :تاكسي تاكسي (وهيه تأشر)
التكسي : راح
هاجر:أوف أوف
الطفلة :بدت تبجي )
هاجر :اششش اششش سكتي (وهيه تتلفت بلكن اكو تكسي أجت دراجة نارية بسرعة قويه )
هاجر :أوف منو يوصلني ماكو أحد تاكسي تاكسي
صاحب الدراجة :وهوه يشخط بالدرجة ويوكف يم هاجر )
هاجر :كح كح كح كح
صاحب الدراجة :خيتي تردين اوصلج
هاجر :شنو هاي انوب من توكف أوكف بأدب اوكي
صاحب الدراجة :اوكي آسف خيتي صعدي
هاجر :بس توصلني للمكان الي أريده
صاحب الدراجة :اوكي
هاجر :شكرا (وهيه تصعد وراه بالدراجة وتخلي الطفل بي جنطة وتلبسها على ضهرها جنطة مال الأطفال )
صاحب الدراجة :وين رايحة وحدج  
هاجر :لبيت بنت خالتي بس استعجل
صاحب الدراجة :تدللين خيتي بس دليني على المكان هاجر :اوكي امشي أو بالطريق إدليك أسفه يمكن عطلتك
صاحب الدراجة :لا عادي بس لبسي خوذه الدراجة اوكي
هاجر :اوكي ياله استعجل
صاحب الدراجة :ماشي

******************
اذا عجبتكم الأحداث ادعموني
متابعة + تعليق + تصويت ♡ = شكرا جزيلا لكم
تحياتي لمتابعين الرواية بصمت شكرا للقراة