مر شهر واليوم راح اروح تور مع البويز
تقربت منهم حيل وكلهم يعاملوني وكأني اختهم الصغيرة بقولكم شنو عرفت عنهم بهالفترة
نايل " انا وياه نشترك بصفة البلع مهما كلينا ما نشبع وحبووووب وبعيد كل البعد عن التصنع "
لوي " يحب المقالب حيل ودايم تطيح براس زين بس بالفترة الاخيرة تكون براسي وبراس زين "
هاري " هالولد مجنون درجة اووولى واكتشفت فيه صفة انه يتكلم وهو نايم :)) يويله مني بهدده بالي سمعته "
ليام " الشخص الهادي والعاقل مره رحنا البار وكلنا شربنا الا هو سألته ليه ما تشرب قال لازم واحد مننا يكون صاحي عشان ما يصير شي نندم عليه "
زين " احب اشكيله عنده طريقة تخلي هموم الواحد تختفي احس بعيونه لمعة تعطيني امل "
زهبت غراضي ولبست جينز سكيني وبلوزة فلو بيضة مع نكلس طويل لونه تيفاني ورفعت شعري ورحت عالمطار وقابلت البويز هناك وسام وبول وقعدنا بغرفة الانتظار
زين : انا بناااام اذا جا وقت الطيارة قعدوني
انا : لا زين لا تنام
زين : ليه ما انام :/
انا : اذا نمت انا اقعد مع منو هاري مع المعجبات يقول يمكن اشوف وحده تعجبني ونايل يبلع ولوي يكلم الينور وليام يقرا كتاب
زين : طيب خلاص مراح انام
انا : الا متى بشوف حبيبتك لي اكثر من شهر وانا اعرفكم وللحين ما شفتها
زين شق الابتسامه : بتشوفينها راح تجينا بامريكا
انا : واخيييراً متحمسة اعرفها
" جا سام وقعد جمبنا "
سام : انا هاري ذبحني
زين : ههههههههه اكيد ما يبي يجي
سام : اي مو راضي
انا : هههههه وربي مجنوووون
نادوا عالطيارة ورحنا ركبنا ترتيبنا كان
انا ، زين
هاري ، لوي
ليام ، نايل
سام ، وبول
مليت زين من اول ما ركبنا نام قررت اقعده
: زيييين زين يلا قوم " قمت احركه عالخفيف " يلا قوم
زين : بيري خلاص مابي اقوم
" اففف اكره هالاسم ليش حبيبته اسمها بيري تذكرني بوحده اففف "
انا مو بيري قوم مليت من اول ما ركبنا وانت نايم
زين : يوووووه اذا ما سكتي يويلج
يلا زين بليز قوم قووووم " قمت اهزه اقوى وطاح راسه على كتفي "
افففف شلون اقومه الحين اي مافي غير اني اقص عليه
" بديت اهمس باذنه : زين حبيبي انا بيري جيت يلا قوم
زين وهو مغمض عيونه : اووه بيري " وباسني وكمل نومه
حاولت استوعب الي صار بعدين ضحكت وحطيت راسي عليه ونمت
قعدت من النوم على صوت المضيفة : لو سمحتي انسة ممكن تربطي الحزام لان باقي عشر دقايق ونهبط وياليت تصحي حبيبك
انا : اوك
المضيفة : شكراً... بس حبيت اقول ان شكلكم كيوت مع بعض
رديت عليها العفو وابتسمت
توني بقعد زين ولا يفتح عيونه قعد يخزني شوي وبعدين لف وربط حزامه
هبطت الطيارة ونزلوا وتونا بننزل مسك ايدي وقال ليش ما قلتيلها اننا مو حبيبين
انا : لمنو ؟؟
زين : للمضيفة
انا : حسيت ماله داعي ابررلها شنو فيها يعني !؟
زين : اها لا مافيها شي يلا امشي ناخذ جناطنا
اخذنا الجناط ورحنا الفندق سيده دخلت غرفتي ونمتتتت من التعب
