Frontier Horizon

Special Chapter: Lora and Yzra

AGAD NA napatayo si Yzra mula sa kaniyang kama nang marinig niya ang tatlong katok sa pinto ng kaniyang kuwarto. Kasabay ng kaniyang mga hakbang ang pag-usbong ng takot sa kaniyang dibdib. Maingat niyang pinagbuksan ang taong nasa kabila.

"Hi!" Bumungad kay Yzra ang isang batang babaeng katulad niya. Mayroon itong maalong kulay olandes na buhok at kulay lila na mga mata. Kung hindi siya nagkakamali, isa ito sa mga tao na dumating kani-kanina lamang sa kanilang mansyon.

Nakahinga siya nang maluwag. Akala niya'y muli na naman siyang isasalang ng kaniyang ama sa isang puspusang pag-eensayo. Kung tutuusin, ang kaniyang katawan ay wala pa sa kondisyon upang sumabak muli sa pagsasanay sapagkat nananakit pa rin ito dahil sa naging resulta ng kanilang huling sesyon.

Gayunpaman, hindi niya maiwasang magtaka. Ang ikalawang palapag ay eksklusibo lamang sa mga miyembro ng pamilya kaya anong ginagawa rito ng isang bisita?

"Can I help you? Are you lost?" tanong ni Yzra sa batang babae habang nakasilip sa likod ng pinto.

"I'm bored. Can you play with me?" tanong naman sa kaniya pabalik ng batang babae. Pinaningkitan niya ito ng mata.

"This area is off limits to every visitor. You must go now or I'll have to tell the higher ups," pagbabanta ni Yzra na ikinabigla ng batang babae.

"Please don't. I'm a relative."

"And who are you if I may ask?"

"I'm Lora. Lora Alvarez Bourbon."

Lalong nangunot ang noo ni Yzra sa kaniyang narinig. Alvarez? Hindi niya sukat akalaing may iba pa palang Alvarez bukod sa kanilang apat ng kaniyang mga magulang at nakakatandang kapatid.

"She's your cousin, your highness."

Bahagyang napatalon ang dalawang bata nang marinig nila ang boses ng isang lalaki. Bigla-bigla na lamang itong sumulpot sa likuran ni Lora.

"Eden, how many times do I have to tell you to never sneak up on someone?" sita ni Yzra sa nakakatandang lalaki habang nakahalukipkip ang dalawang braso. Puno naman ng pagtataka ang mukha ni Lora habang pinapabalik-balik ang tingin sa dalawa.

"My apologies."

"Why are you talking to him like that? He's obviously older than us," pangaral naman ni Lora sa kaniyang pinsan. Ilang beses na napakurap naman si Yzra.

"I-I didn't mean to. I'm just surprised," pagdedepensa ni Yzra sa kaniyang sarili at napanguso. Napatawa na lang nang mahina si Eden dahil sa inaasta ng dalawang prinsesa.

"Hmm... Is that reasonable enough? I should probably ask dad," bulong ni Lora sa kaniyang sarili at walang pasabing umalis upang puntuhan ang kaniyang ama. Napailing naman si Yzra at isinarado ang pinto.

- X -

"Hi!" Kasalukuyang kumukuha ng kaniyang makakain sa kusina si Yzra nang may bigla bumati sa kaniya. Panandalian niya naman itong tinapunan ng tingin bago ibinalik ang atensyon sa pagpapalaman ng tinapay.

"Why are you still here?" tanong ni Yzra habang ipinapahid niya ang tsokolate sa isang pirasong pandesal.

"Mom told me we're gonna stay here for a week. Isn't it great to hear? Now, we have a lot of time to play!"

"How I wish, but I can't play with you. Father told me so."

"Really? But uncle just said I can play with you."