MY UGLY FIANCE

My Ugly Fiance - CHAPTER 3

HINDI siya pinatahimik ng alok ng binata sa buong gabi. At kahit ngayon pagising niya'y nasa isipan pa rin niya ang pag-uusap nila. It could have been easier for her if he looked a little pleasant. Kahit konti lang, kahit sapat lang na hindi siya mapangiwi kapag naiisip niyang magiging fiance niya ito. Maybe if he could cut that long hair and shave off that beard, he wouldn't look so disgusting. Sinaway niya kaagad ang sarili sa iniisip. Mabait si Hercules. Hindi niya ito dapat nilalait. Pero talagang hindi niya nakikita ang sariling magugustuhan ito. Paano siya magpapanggap?

Nakikinita na niya ang reaksyon ng mga kaibigan niya kapag nalaman ng mga ito na magpapakasal siya kay Hercules Mondragon. Hindi niya napigilang mag-alala. Mapanlait silang tao. At alam niyang siya ang may pinakamalakas na tawa kapag nagkataon. Kapag tinanggap niya ang alok nito, kailangang magmukhang in love siya rito. She wouldn't want to humiliate him so she should be ready.

Kakayanin kaya niya? What if it gets to the point when they should kiss? Bigla niyang naitikom ang labi. Nanayo ang mga balahibo niya sa naisip at parang babaliktad ang sikmura niya. Hindi pa man, nasusuka na siya. Napabuntong-hininga siya. But two million in a month's time... Baliw lang ang tatanggi sa alok na iyon. Kahit siguro sagarin niya ang katawan na magtrabaho, hindi niya kayang kitain ang dalawang milyon sa loob ng isang buwan. It's a tempting offer. She wants it. Malaki ang maitutulong ng perang iyon sa pamumuhay nilang mag-ina.

Napapikit siya. She recalled how miserable she had been the past month. She prayed so hard to get a new life. Siguro ito na ang sagot sa mga dasal niya. She's still hurting after that unexpected break-up. But she's gonna get a new life. And seeing that look on Hercules face makes her want to help him. She'll help him get a new life too.

Pagtingin niya sa bintana'y maliwanag na. Babangon na sana siya para maligo nang maalalang wala na pala siyang trabaho. Napabunga siya ng hininga at muling nahiga. Nakatulugan na niya ang pag-iisip tungkol sa alok ng binata.

Tanghali na nang magising siya at nakaalis na ang Mama niya para magbenta ng mga alahas. Umaambon sa labas pero ayaw niyang maburo sa bahay. Nag-isip siya ng pwedeng gawin pagkuwa'y napangiti. She'll bake a cake. Baking is also a good cure for boredom. Susubukan niya ang chocolate fudge cake recipe na bigay ni Maricar. Pero kailangan muna niyang mamili ng ingredients na kakailanganin niya. Napatingin siya sa bubong nang may tumulo sa batok. Kaagad siyang kumuha ng balde at itinapat sa parteng tumutulo. Kailangan na niyang ipaayos iyon pero mas gusto niyang mag-bake ngayon.

"YOU'RE COOKING?"

Napalingon siya't napatingala. Masyado siyang abala sa pamimili at hindi niya namalayang lumapit ito sa kanya. It's Hercules. He looked quite fresh. Nakatali ang mahabang buhok nito. Parang may kakaibang glow sa mga mata. Parang ang saya nito. Iba siguro ang aura nito sa umaga. Hindi ito masyadong nakakatakot. But she still wished he's cut that hair and shave off that beard.

"Just baking," sagot niya. "Ano'ng ginagawa mo rito?" Stupid question. Pag-aari nito ang supermarket na iyon.

"I guess I'm here to help you," anito at kinuha ang basket na dala-dala niya. Napalunok siya dahil halos lahat ng mga mata'y nakatutok sa kanila.

"Tinitingnan nila tayo," bulong niya.

"So what? I'm courting you."

"What?!" Laglag ang pangang tanong niya.

"When you say yes to the deal, at least, people would know that I courted you first."

Nanliliit ang mga matang tiningnan niya ito. She should know he had planned this. He knew what to do. And he had a point. Kaya hinayaan niyang bitbitin nito ang mga pinamili niya. Nang magprisinta itong ihatid siya'y hindi na siya tumanggi. Sayang din ang otso pesos pang-traysikel, may kargador pa siya.