مغامرات مسلمه :-|

الفصل السادس عشر ( الاخير )

#جنى
.... عيني بدأت تدمع من الفرحه والناس كلها مستنيه ردي او بعنى اصح موافقتي

فجأه جه ف خيالي بابا و ماما
ورديت وقولت : انا آسفه

وسبتهم وطلعت ع الطيارة وانا دموعي ع خدي ... وبأقنع نفسي ان ده الصح

# الراويه
الناس كلها واقفه مصدومه من اللي حصل كانو متوقعين ردة فعل غير كده خالص

ليام اتصدم هو والشباب الكل واقف مكانه كأنها لسه واقفه

ليام بيحاول يكدب نفسه ويكدب اللي حصل بس مفيش هروب من الواقع

الكل ف فدماغهم سؤال واحد بس ..هي ليه عملت كده ؟!......

# جنى
نمت من كتر العياط وفوقت ع صوت المضيفه وهي بتقولي ان الطيارة وصلت مطار القاهرة

نزلت من الطيارة وانا بغير نفسي 360 درجه من جنى اللي عاشت ف امريكا و نسيت ربها واهلها وبلدها

ل جنى اللي هتقرب من ربها اكتر وتهتم ب اهلها واصحابها ......

بعد مرور 3 سنوات ........

جنى اتغيرت فعلا ملتزمه بحجابها وختمت القرآن اكتر من مرة .... اخوها احمد اتجوز واخيرا .... رفضت كل العرسان اللي اتقدمولها بحجه انها مش مستعده لمسؤوليه كبيره زي دي ... بس هي لسه فقلبها ليام ❤

# جنى
هدى : يابنتي اعقلي طب قابليه بس يمكن ربنا يهديكي بقا وتتخطبي

ايمان : يعني انتي عاجبك ان انا وهدى اتجوزنا وانت حضرتك لسه مانتخه ف البيت

انا : وانا مالي بيكو انا مش عايزه اتجوز دلوقتي

هدى بصوت عالى : اومال امته ؟!!!

ايمان : انتي لسه بتحبيه.صح؟

انا : لا الموضوع ده من 3 سنين وبعدين حتا لو بحبه هيفرق بحاجه هو مسيحي انا مسلمه

الموضوع اتقفل ع كده بس جه عريس تاني لجنى وابوها حالف انها لازم تقابله والا هتتجوزه بالعافيه

طبعا بعد اقناع الست هانم جنى قالت انها هتقابله بس مش اكتر
لبست حجابها و فستان رقيق باللون الكحلي والطرحه كانت بيضه

ولما شافته صعقت بجد كان اخر حد تتوقع انه يكون هنا

ليااااااام

هي واقفه مصدومه ومحدش فاهم حاجه

بابا : ايه مش ناويين تقعدوا ؟
انا : اتفضل يا ليام
بابا : ايه ده انتي تعرفيه ؟!!!
انا: كان معايا ف امريكا

انا هطير من السعاده ليام هنا وبنفسه انا مش مصدقه

ليام : انا فضلت سنه بعد سفر جنى بفكر ف اني ادخل ف الاسلام وفعلا قابلت شيخ من الشيوخ القليلين الموجودين ف امريكا وعلمني الاسلام و حبيت الاسلام وعرفت انه دين هدايه ورحمه ولما اتأكدت اني قد المسؤوليه ...قررت اني اطلب ايد بنتك ☺

بابا : مشاء الله ... ويهدي من يشاء ... انا مش معترض بس القرار ف الأول والآخر ل جنى

بصيت ف الارض وهزيت رأسي بمعنى اني موافقه ... وسمعت زغاريط الست الوالده وهدى وايمان كانو زي اللي جايين من الصومال لسه بيستوعبوا الموقف

#الراويه

عاشت جنى و ليام مع بعض ف مصر وكان الشباب بيزروهم كل فتره وخلفو بنت وولد توأم محمد و رقيه ..... ومقلكوش كل خمس دقايق شكل مع بعض
...................... النهايه ...................

كانت معكم هناء علاء من العربيه 😂
اتمنى تكون القصه عجبتكو وانا حاليا بجهز لواحده جديده بس لسه مجمعتش افكارها
شكرا ❤