WHITE ROSES FOR SUMMER
“Ayyyyyyyyiiiiiiiiiiiiiiiiiiiiieeeeeeeeeeeeeh! Andyan na naman si Crush!!” kinikilig na sabi ni Emma sa akin.
Napatingin ako sa paligid ko at halos lahat ng girls na naroroon kung saan kami ni Emma nakatambay ay nakatingin din sa gawing iyon. Halata rin sa kilos nila na kinikilig sila.
Napatingin ako sa gawi ng tinitingnan nila at nakita ko siya.
Si Yash Yael Perez.
Fourth year high school tulad namin ni Emma. Hindi kami magkaklase kasi nasa section 2 kami ni Emma samantalang nasa section 1 naman si Yash. Dapat magkaklase kami hanggang ngayon niyan kundi lang naging sakitin ako last school year at bumaba ang grades ko dahil sa palagi akong absent, siguro nasa section 1 pa rin ako at classmate ko pa rin siya.
Si Yash ang tinuturing na school heartthrob. Matalino din siya at running for valedictorian. He is also a member of different clubs at ilang beses na siyang nanalo sa iba’t ibang school competition mapa-regional or national man yan. Vocalist din siya ng official school band namin. Marami din siyang sports na alam pero mas nakilala siyang lalo sa larong basketball.
Yash is my ultimate crush since I entered this school.Scratch that. He’s my one and only love. Pero ako lang ang nakakaalam nun. Kahit si Emma ay walang kaalam alam doon. Magaling kasi akong magtago at hindi rin kasi ako yung tipo ng tao ni binobroadcast kapag merong nagugustuhan.
Tahimik lang kasi ako sa klase. Hindi naman ako matalinong matalino. Sapat lang para mapasali dati sa Section 1.
“Gaaaaaaaaaaaaaaaaaahd! Ang gwapo niya talaga!” Kinikilig na sabi ng isang babae.
Haaaaaayy..Ang gwapo niya nga. Lalo na ngayon na nakangiti siya habang kausap niya yung ibang member ng basketball team.
Kahit na pawisan siya (dahil halatang kagagaling lang nila sa practice), parang ang bango bango niya pa rin at mukha pa rin masarap yakapin. Pero siyempre imposible ko naman magawa yun sa kanya diba? Pakiramdam ko nga, hindi niya na ako kilala kahit ilang beses na kaming naging magkaklase, feeling ko hindi ako nag-eexist sa mundo niya.
Isa pang ‘Haaaaaaaaaaaaaayy..’
“Para saan naman yang buntong hininga mo? Lalim ng pinaghugutan mo Summer ha?” Di ko napansin na sa akin na pala nakatingin si Emma.
“W-wala to. May naisip lang.” Iwas kong sagot sa kanya. Syempre di ko naman pwedeng sabihin na dahil yun kay Yash.
“Weeh? Di nga?” Sabi ni Emma at mataman pa akong tiningnan na parang ayaw pang maniwala sa sinabi ko.
“Oo nga. Kulit mo! Lika na nga. Balik na tayo sa room. Malapit naman na rin matapos yung break.” Sabi ko na lang sabay iwas tingin.
Nakita ko pang tumaas yung isa niyang kilay pero di na siya umimik.
BINABASA MO ANG
White Roses for Summer (One Shot)
Romance“I’ve been watching you from afar. Madalas, hanggang tingin na lang ako sa’yo at sa tuwing nararamdaman kong titingin ka sa akin, saka ako iiwas ng tingin para hindi mo mapansin. Hindi ko alam kung bakit pagdating sa’yo, natotorpe talaga ako. Pero n...
