انا بنت فيني رقه وجمال ونعومه بس لايغرك اني ضعيفه وما اعرف انتقم

3

روايتي الاولى:أنا بنت فيني رقه وجمال ونعومة بس لايغرك اني ضعيفة وما أعرف أنتقم/كاملةالتكمله

اليوم الثاني

الساعه 7 الصباح
صحت لميس وغسلت وجهها واسنانها وتوضت وصلت ولبست بنطلون احمر وبلوزه مخططه اسود وابيض وحطت كحل وماسكارا وقلوس وفتحت شعرها وسارت تاخذ العقل
طلعت من الغرفه وهي تفكر
(الحين راح ادق على لجين اشوف كيفها ... ايوه صح هي ماجت المطار عشان تودعتني...قالت لي عشان ابوها منعها ....والله احس ان ابوها ذا يكرهني)
ونزلت من الدرج بس ماكملت خطوتين الا وهي تطيح من الدرج
بعد ماوصلت الارض جلست وهي تقول/احححح ياربي حتى هنا اطيح!! يعني ماراح اسلم منك

في ذاك الوقت جت عايله ابو الجوري من السفر
دخلو الجوري وطلال بيت العايله وماشافت حد استقبلهم
الجور/الله مافي حد يستقبلنا .... وانا كنت احسب ان البنات افتقدوني ..هه مالت
طلال/لحظه نسيت جوالي في السياره بروح واجيبه
وراح
الجوري وتصارخ لطلال/ولاتنسى تجيب اغراضييي...
ومشت للداخل
بس شافت بنت جالسه في الارض وتتالم من طيحه الدرج
الجوري(طاحت من الدرج هههههههههههه تذكرني بلموس ...بس لحظه مين هي ...شعرها يغطي وجهها ...ل ل..لحظه ...مو ذي لميس ..هي في لندن كيف جات)
راحت لها وبصدمه/لميس!!!
لميس ناظرت فيها بعدين وقفت وباستغراب/مين انتي ؟؟
الجوري/الله لموس انا الجوري ماتتذكريني...جيت عندكم قبل 7 سنوات في لندن وكنا نلعب ونبسط سوا ..حتى مع لجين ...
لميس(هذي وش تقول...ووش عرفها بلجين/لا ما اعرفك ولا افكر اني شفتك من قبل..وش عرفك بلجين
الجوري/الله اعرفها كنا نلعب معها..لميس من جدك ماتعرفيني
لميس /ايوه ما اعرفك ..ولا اتذكر اني قد قابلتك من قبل ...وعلى سالفه لجين انا راح اكلمها الحين...تبين تكلميها ؟؟
الجوري بفرح/والله ..ايوه ابي اكلمها بلييييز
لميس استغربت من حماسها/ط طيب خلينا نطلع نكلمها
الجوري/اوك يلا
وطلعو من الباب الخلفي وعلى طلعتهم دخل طلال من الباب الامامي
طلال ومالقي الجوري/الجوري ؟؟... الله وين انقلعت؟

عند الجوري ولميس
طلعو من الباب الخلفي وجلسو في المراجيح ودقت على لجين
وحطت سبيكر وردت لجين
لميس/الو لجين
لجين/لمووس كيفك
لميس /انا تمام بس اسمعي في وحده تبي تكلمك
لجين/انا؟
لميس/ايوه هاك
واعطت للجوري الجوال
الجوري بفرح/لجييييين
لجين بفرح اكثر/الجووووووووووووري.....كيفك وحشتيني
لميس(ك كيف ...يعرفون بعض ... معقوله كلام الجوري صحيح وانا جت قبل 7 سنوات ..طيب ليش انا ما اتذكر )
لميس وحست بالعطش /اا بروح اشرب مويه واجي
وقامت وراحت
لجين بجديه/راحت لميس
الجوري وقفلت السبيكر/ايوه راحت ....اشبها ماتتذكرني
لجين/جوري بقولك شي...انتو في اليوم الي روحتون فيه من هنا ....لميس سارلها حادث خلاها تفقد ذاكرها
الجوري وقفت وبصدمه/اااييييييششششش
لجين/والله وهي الحين ماتتذكر شي من طفولتها ولا تتذكر حد بسبب الحادث ...فلا اتلوميها
الجوري بحزن كبير على لميس/ ماراح الومها لانه مو بارداتها. ..بس احنا اخر من يعلم...يارب يرجع لها ذاكرتها

عند لميس
وهي تمشي
لميس(الله كيف تعرفني وتعرف لجين ..معقوله انها جتني قبل 7 سنوات ..بس كيف ما اتذكر ...وهي ليش تتصرف كذا ...في احتمالين يا انه انا فقدت ذاكرتي او انها مجنونه ..بس انا مافقدت ذاكرتي ..يعني هي مجنونه ..ايوه هي كذا )

دخلت المطبخ واخذت كوب مويه وجلست على الطاوله ورشفت من المويه وهي تحس افكارها ملخبطه

دخل طلال المطبخ وهو هلكان من شيل اغراض الجوري الكثيره والثقيله بس وقف لمن شاف لميس
طلال بذهول(م ملاك وقسممم ....بس احس اني قد شفتها من قبل ..بس مدري ويننن)
لميس ناظرت فيه
وهو يناظر فيها
لميس تفكر(لمن تجي ذي الصدف عند البنات هنا وش يسون؟ ...يصارخون له ببرا ولا يسلمون عليه ولا يطنشون ولا وش ....اا لحظه عرفتها )
ورفعت يدها وحركت باصابعها بانتظام كانها تقول هاي
طلال يناظرها باستغراب
لميس تحركها وتنتظر منه جواب
طلال/ لاردد
لميس طفشت/هاي ياخي هاي افهمها ...ما علينا بس بسالك سؤال
طلال ومستغرب منها/تفضلي
لميس/لمن تجي ذي الصدف عند البنات هنا وش يسون
طلال(سؤال غريب/اتوقع يصارخون ببرا ويطلعون من الباب الخلفي
لميس/اهاااااا طيب شكرا (ونزلت راسها ل3 ثواني ورفعته وصارخت)ااااااا بررااا ااااااه برا يااااوررع
وطلعت من الباب الخلفي
ولميس ورا الباب تحس انها انجزت عمل بطولي
لميس وكانها تحي جمهورها /شكرا..شكرا لاداعي
جت الجوري/تتكلمين مع مين
لميس تفشلت/ااا كنت اكلم نفسي
الجوري/هههههه
لميس/ممم ابي اسالك ...كيف تعرفين لجين
الجوري/اااا ..تعرفت علينا لمن رحنا لندن قبل فتره وبس وبالصدفه طلعت صديقه بنت عمي
لميس باقناع (اهااااا/اهاا
الجوري/ ااا نسيت اشيائي مع طلول خليني الحق عليها ..لميس ممكن تساعديني نطلعها فوق
لميس ببتسامه/شور
وراحو الصاله
لقو طلال جالس على الكنبه وراااايق واشياء جوري في الارض
الجوري بعصبيه/طلاااال
طلال بروقان/نعم
الجوري/ليش اشيائي مرميه في الارض
طلال/انا سويتت الي عليه ودخلته الصاله ..الباقي عليك ..ودي اشياءك لغرفتك...
الجوري /ووين الخدامات ذول وجودهم زي عدمهم
طلال بكذب /تلاقينهم نايمين الحين ...مين بيصحى الساعه 8
لميس باستغراب/بس انا قبل شوي شفتهم ينظفون
الجوري ببتسامه انتصار/هه الحق جبهتك بسسس ...بروح اناديهم
وراحت
طلال /ليش قلتيلها ...كنت ابيها تشيل اشياءها بنفسها عشان تحس فيني وتقلل من اشياءها
لميس/اهااا طيب كان قلت لي عشان اسكت
طلال/كيف اقولك وانتي خرجتين من المطبخ تصارخين ببرا
لميس /ايوه صح ...
طلال/طيب اقدر اسالك سؤال
لميس وتربعت على الارض /تفضل عشان نكون متعادلين
طلال/لمتى بتظلين كذا قدامي...اقصد بلا عبايه
لميس/يعني تبغاني اروح البس عبايه
طلال بغير اهتمام /لا بس ابي اعرف اذا اغض نظري عنك او لا
لميس/اها لاني لمن كنت في لندن ماكنت البس عبايه
طلال/في لندن!!...معقوله ...انتي ..انتي لميس!؟
لميس باستغراب منه/ايوه
طلال/لميس ..ما تتذكريني
لميس/ل لا
طلال/الله انا طلال ....جيت مع ابوي والجوري عندكم في لندن قبل 7 سنوات حتى اننا قعدنا عندكم ل3 اسابيع ..الله لميس ما تتذكريني
لميس(جانا المجنون الثالث)/لا سوري ماتذكرك ولا اذكر ان لك دور في حياتي الا الحين
طلال بحزن/الله لميس ..لهدرجه نسيتيني
لميس بحده/انا اصلا ما اتذكرك عشان انساك ...اشبك انت والجوري تقولون نفس الكلام حسستوني اني صار لي شي ولا فقدت الذاكره...قلت لكم توني اتعرف عليكم..ما اعرفكم من قبل ولا افكركم

جات الجوري ومعاها خدامتين ومن شكل لميس عرفت السالفه وقالت ترقع /ااا طلال احنا لخبطنا بينها وبين ريماس....كنا نحسب ان لميس هي ريماس الي قابلناها في رحلتنا
طلال(ريماس مين؟ ..هذي وش تقول/هاااه؟
الجوري/لميس اعذرينا لخبطنا بينك وبين وحده ثانيه تشبهك ..سوري
لميس/لا عادي بس استغربت منكم ....اااا بروح اشوف البنات اذا قامو ولالا
وراحت
طلال/الجوري انتي وش تقولين
الجوري/طلال...لميس صارلها حادث في اليوم الي روحنا فيه من عندهم وفقدت ذاكرتها
طلال بصدمه/اييييششش
الجوري/ايوه والله...فعشان كذا هي ماتتذكر احد ولا تتذكرنا ..بس تتذكر ابوها ولجين والمربيه حقتها.....وحاول تنسى اننا رحنا لهم وتصرف انك الحين تعرفها مو من قبل ..حتى لو انك تحبها
طلال/طيب بس تراني ما احبها
وقام وراح
الجوري/ابي اعرف بينكر الحب لمتى؟؟