انا بنت فيني رقه وجمال ونعومه بس لايغرك اني ضعيفه وما اعرف انتقم

19

روايتي الاولى:أنا بنت فيني رقه وجمال ونعومة بس لايغرك اني ضعيفة وما أعرف أنتقم/كاملة - صفحة 8التكمله
بعد ماخلصووو طلعو يتمشوون

راحو لمطعم واخذو لهم ايسكريمات وجلسو في المقاعد الي برا المطعم

كانو جالسين قبال بعض وياكلون
طلال يناظر في الاشخاص الي في المطعم من القزاز وياكل ايسكريمه
بس
لميس لاحظت شي وهي تاكل ،،،،ناظرت حولها بعدين ناظرت طلال باستغراب
بعدين رجعت تناظر حولها وبعدين ناظرت في طلال باستغراب اكثرر
طلال لاحظها/وش بك
لميس/طلال ،،،ابي اسالك شي
طلال/قولي
لميس/الحين لو جا فيصل او اي حد من العيال بدالك اتوقع انه بيقزز في البنات الي مارين وجاين من هنااا لانهم حلوين بس ماتسويي كذا،،،ليشش؟؟
طلال ببتسامه/يعني تبيني اسوي كذا
لميس/لااا بس مستغربه منك ...لان لو كان اي حد بدالك اكيد بيناظر في البنات ...بس انت ماتسوي كذا...(وتوه عقلها يشغلل)اااااهاا عرفتت لييششش
طلال ببتسامه/لييش؟؟
لميس ببتسامه عريضه/لانك تحب وحده وماتحب تخوونها...(وبضحكه وهي قاصده لمى) ترا حبيبتك مو هنا يعني عادي ناظر في البنات ..مابعلمها
طلال باستغراب(كيف تقول كذا وهي اصلا حبيبتي..مو قلتها في ذاك اليوم في المطعم اني احبها/وش قصدكك
لميس/قصدي اذا تبي تناظر في البنات الي هناا عاادي خذ راحتك مابعلم لمى عليك
طلال(لمى ؟؟..ووش دخلها/ووش دخلها
لميس ناظرت في وباستغراب/مو هي الي تحبهاااا؟؟
طلال انصدم(كيف كذا...اجل الي قلته في المطعم الحين الكل يحسب اني اقصدها هي ،،يعني الحين الكل يعتقد اني احب لمى مو لميس...لا ياااربييي)/لااا ما احبها
لميس ضحكت وتحسبه مستحي عشان كذا ينكر/خلاااص ترا كلنا ندري ان تحبها مو لازم تنكررر عشاانك تستحي...بس صراحه م توقعت انكم تحبون بعض
طلال بصدمه/هي تحبني؟
لميس/ايوه تحبكك ..الله ماشفتها ذاك اليوم لمن اعترفت لها في المطعم بانك تحبها،،ماشفت شكلها كيف محمر وجهها،،،،بس والله شكلكم مناسبين لبعض مرررررره ...حتى ان صفاتكم متشابهه تقريبا و ،،لانه حلو حب من طرفين وكذا ،،
طلال ماقدر يتحمل انه حبيبته تقول له ولوحده ثانيه بانهم مناسبين لبعض وقام وبصراخ/اناااا م احبهااااااا تفهميين ؟؟
لميس انفجعت من صراخه وناظرت فيه لقت عيونه شرار وباين انه معصب
حست بخووف بس سوت قناع الجموود وقامت من محلها وقالت /طيب ليش تصارخ الحين ...وتراا مو لازم الصراخ والانكار عادي اذا قلت لي انك تحبها ،،،مو لازم تنكرر ،،،، انا ما بسوي لكم شي ترا وبالعكس بفرح لكمم
طلال/بس انااا من جد ما احبهاااا
لميس/بس انت قلت ذاك اليوم انك تحبهااا موو صح ،،،كيف تنكر ذا الكلام الحين ،،،ولا طلعت زي عزام لقيت احلى منها ورحت لها وتركت لمى
طلال بصوت عالي وبقهر/لااااا قالولك خاين انا ،،،صح اني قلت ذاك اليوم اني احب بس ماكنت اقصدها هيي
لميس بقهر/اجل مين كنت تقصد،،مافي الا هي الي تحبك من قلب،،، بس انا الي قاهرني الحين ،،ليش تنكرر ترا الحب شي حلوو ليش تنكر انك م تحب لمى؟؟
طلاال/لاني ما احبهااا من جددد
لميس وحست في مشاعر لمى وبحزن/طلال بس ترا هي تحبك لاتجرحها،،، صدقني باين انها تحبك من قلب ،،،لاتخونها،،جرب تحبها،،،مع اني ماعرف مين الي تحبها الحين بس لاتخون لمى،،سيب الي تحبها وروح للمى

طلال ومشاعره ماتنوصف..حزن..انكسار..قهر..مجروح ...وقام وهو خلاص معد يقدر يتحمل كلام لميس الي زي الطعنات في قلبه
وناظر في لميس بنظره الم ومشىىى وهو يبي يكون لوحده شوي ..
لميس مافهمت نظراته بس ايقنت ان نظراته فيها حزننن كبير مادريت وش سببه
لميس وتوها تستوعب انه راح/ ااا لحظه طلااال

وجات بتلحقه بس وقفت ونزلت راسها وهي تفكر،،، بعدين قالت بتتركه شوي لان شكله يبي يكون لوحده ..

جلست على الطاوله وهي تراجع وش قالت
لميس(انا قلت شي غلط؟؟...ماكان قصدي اني اجرحه بس لمى متعلقه فيه مره واذا سابها بتكون.....)
بس قاطع تفكيرها اتصال من لجين
ردت لميس /الو
لجين لاحظت صوتها/اهلين..لميس وش بك
لميس بحزن/لجين ...(وقالت لها السالفه).. وذا الي صار .،.الحين وش اسوي
لجين وحتى هي ماتدري ان طلال يحب لميس/مممم روحي اعتذري له مع انك ماسويتين شي بس يمكن قلتين شي وجرحتينه بغير قصدد
لميس/بس انا ماقلت شي غلطط هي من جد لمى تحبه وراح تزعل اذا طلال طلع مايحبها
لجين/مممم بس الحين روحي دوري عليه لانه بيضيع بعدين
لميس قامت وتوها تتذكر/ايوه صح هو مايعرف المكان ...ياااربي لايكون صارله شيي،،،، لجين بقفل بااي
وسكرت الخط وفززت وهي تدور علييه
بعد ساعه
لقته في مكان ماكان في حد والطبيعه والخضره فيه والجو كان جنان
كان فيه زي الجسرر في ذا المكان
كان طلال فيه و معطيها ظهره ومتكئ ع الجدار
لميس ظلت واقفه محلها وتناظر فيه
جا زي النسيم بس شوي قوي وطلال لف وجهه للجهه الثانيه من قوه النسيم
ومن لفته لميس شافت نص وجهه بس انصدمت لمن لمحت دمعه على خده
لميس حطت يدها على فهمها(اناا جرحته اكييد ،،، ولا ليش يبكي،،اكيد قلت شي جارح ،،،بس وش قلت ،،يارب ساعدني)
وقررت انها بتروح تكلمه
وراحت له ووقفت بجنبه بس مومره وناظرت فيه بس لقت دموعه تنزل وهو مو حاس فيها او مو منتبه ومسررح في تفكيره ولا حس بوجود لميس بجانبه
لميس وطلعت من جيبها منديل وترددت تعطيه
بعدين رجعت المنديل في جيبها ولفت للجهه الثانيه عشان ماتشوف دموعه ....ولانها فكرت في مشاعر طلال اذا شافها وهي تناظر فيه وفي دموعه الي حاول يخبيها عنها من اول.. وش بيكون شعوره ...

لميس وجات في بالها فكره حلووه
ابتسمت لها ورجعت على ورا ببطئ عشان مايحس فيها
ولمن ابتعدت عنه سوت انها توها تشوفه وقالت تنادي بصوت عالي/طلووووولل ...طلال
طلال توه ينتبه لصوتها وبسرعه مسح دموعه ومالف لها قال بنفسه بيطنشها
لميس جت لعنده ووببتسامه وهي عازمه انها تحاول تنسيه حزنه واذا ماقدرت بتعتذر له/ووين كنت ..جلست ادوور عليييك
طلاال/لارد...
لميس ببتسامه(مطنشني هاه/وشش رايك الحين نروح مدينه الالعاب ..فيها العاب خطييره متحمسسسه لها ..خلينا نروح ونركبها
طلال/لارد...
لميس تسوي نفسها ماهي فاهمه/طلووول وش بك ما ترد
طلال/لارد...
لميس/طلوووول؟؟
طلال/لارد..
لميس تنهدت /طيب خلاااص مو لازم ..بس الحين انت ليش زعلان؟؟ انا قلت لك شي يجرح
طلال(واكثر/لا رد....
لميس طفشت/طلال بتقول وش بك ولالا،،،،،ليش زعلان الحين ،،،قلت لك شي غلط
طلال /لارد
لميس مسكت ذراعه وهزته بخفه تبيه يجاوب/طلاااااال قوول وش بك ترا والله ما ادري وش الشي الغلط الي قلته ،،،طلااااال
طلال ببرود وسار شخص ثاني/نعممم
لميس ولسى ماسكه ذراعه /وش بك ؟؟
طلال/ولاااشيي بس احس بالازعاج بسبه بعض الناااس
لميس وفكت ذراعه(ليش طلال كذا/طلال انا قلت لك شي غلط؟؟
طلال/لااا ماقلتي شي غلط ..كلامك كان صحيح ..انا احب لمى واعشقها وامووت فيها
لميس/طييب وليش انت الحين زعلان
طلال ببرود/ومين قال كذا ...بس طفشاان وكنت افكر
ومشى عنها/برووح اتمشى الحين ..اقابلك في المطار
لميس(مابنروح سوا للمطار..بيسيبني لوحدي؟!)
لميس/لحظه طلال...
بس طلال طنشها ومشى
لميس ناظرت فيه وهو يروح
لمييس انقهرت من طلال/اوووووووف
وشدت قبضه يدها وضربته في الجدار بكل مافيها من قهررر وغضب خلت الجدار يترك اثر من ضربتها وسار فيه زي الحفره في الجدار وشقوق بجانبها
لميس وتحاول تهدئ من عمرها/اصلااا عاااادي مين يبغاه ،،،وانا الحمد لله متعلمه وما احتاجه ،،الحين بروح البيت واجهز اشيائي واستنى موعد الرحله بعدين بروح المطار واركب الطياره وبسافر ومابهتم اذا سافر ولا جلسس هناااا
ومشت وهي عااادها مقهووره

اما عند طلال

وهو يمشي
طلال(انا الحين ليش سويت كذا...يمكن لاني مقهوور من الي قالته..ماكان الي سويته غلط...صح انه غلط ....(ويكابر)بس تستاهل هي الي بدت وجرحتني وانا بس بردها )
وجلس يمشي وماعطى للبنات الي حاولو يتقربو منه وجهه وهو يفكرر

مرت الساعات
وكان باقي نص ساعه على الرحله
راحت لميس للمطار بعد ماشالت شنطتها وحاجاتها

وقفت عند الكوفي واخذت لها عصيرر وجلست تشرب منه وهي لسى تحس بضيق وقهر من طلال

شوي كذا وجا عندها ولد
الولد بالانجليزي/مرحبا
اما لميس فعطته طاف وجالسه تشرب
الولد بصوت اعلى/مرحبااا
لميس قامت وهي مطنشه الولد وراحت بس الولد مسك يدها يبي يوقفها
لميس وانتظرت ذي الفرصه من زمان ..وبدون كلام حطت حرتها وقهرها من طلال على ذا الولد واول شي عطته كوع في بطنه بقووه بعدين سوت في يده حركه خلته يسوي شقلبه هوايه مؤلمه بعدين فكت يده وخلته يطير لمده خمس ثواني وبعدها طاح في الارض بقوه وصقع وجهه بالزاويه حقت الكرسي بقووه مؤلمهه

لميس وناظرت فيه وخلاص تحس قهرهااا ذا كله راح/اخييرا ارتحت ...(وناظرت الولد الي كفخته وبالانجليزي وبفرح)شكرااا لك

ومشت وهي تدنن الحان اغنيه ورايقه

قابلت طلال جاي لها
لميس وخلاص نست السالفه/طلووول اهلييين
طلال وحتى هو ناسي السالفه ورايق مثلها /اهلليييين لموس
لميس/كيفككك
طلال/انا تمامم ورايقققق وانتي
لميس/انا بخييير ومروقه على الاخر ...

بس فجاه الاثنين تذكرو الي صار قبل
بعدين ناظرو في بعض

لميس تنهدت/احسلنا ننسى السالفه ولاكانها صارت
طلال هز كتفه/وانتي الصادقه
لميس/هيا الحين خلينا ناخذ لنا ايسكريم لان نفسي فييه
طلال/يلا حتى انااا
راحو الاثنين واخذولهم ايسكرييم
اعلنو رحلتهم ورامو وركبوو الطيااره

بعد ما اقلعت الطايره واستقرت في الجو
لميس طفشت/طلال وش رايك نسولف
طلال/طيب عادي
لميس/ممم انا صراحه فيني لقافه بشانك ممكن اسالك بعض الاسئله
طلال/ايوه قولي
لميس/ليش انت تهتم في شعرك
طلال/كذا احبه
لميس/ااهااا ممم طيب انت ليش تكره عنود؟
طلال/ما اكرهها
لميس وحطت يدها في فمها/واه اجل تحبها!!
طلال ضحك/عادي كبنت عميي
لميس تنهدت/الحمد لله علبالي بتحاول تاخذها من نواف وكذ
طلال/وعع اصلاا مين يبغااها ،،،والله اخذ صوماليه احسن من اني اخذ وحده تقص شعري الجميل لمن اكون نايم
لميس ضحكت/يعني قد قصته
طلال/ايوهه...السنه الي فاتت خاصمت عنود لانها كسرت جوالي ...وهي شكلها انقهرت مني وفي الليل لمن كنت نايم دخلت علي الغرفه وبيدها المقص وهي تبتسم بشررر وقصت شعري وخربته ليه،،، اليوم الثاني انفجعت من شكلي وانا اغسلل وجهي ودريت انها هي الي سوته
لميسس بضحكه/ايه كمل ..ووش سويت لها
طلال/رديته لهااا،،، انا كل شي اعديه الا شعري محد يمسه ،،،،في الليل لمن كانت نايمه دخلت غرفتها وكانت ريما فيه وشافتني وكانت ببتتكلم بس اشرت لها انها تسكت ووريتها المقص الي في يدي وفهمت وش اقصد وسكتت وانا رحت عند عنود واخذت شعرها وجلستت اقص فيه وطلع شكل شعرها مرره يخرع...مو بس ذا حشرت شعرها زييييت مررره وصار يلمع لمعاااان ورجعت اقصه وطالع شعرها نصه طويل ونصه قصيير ومكدش ويلمع لمعاان ،،وبعدين قلت باختمه بالدقيق بكبه في شعرها عشان لمن تشوف نفسها تقول انها ساحره عجوز وحطيت في شعرها دقيقه وخلصته في شعرها ،،، وتقول ريما لمن قامت اليوم الثاني راحت تغسل وجهها وانفجعت من شكلها وجلست تصارخ وتقول في جني في المرايه
لميس/ههههههههههههههههههه والله انك داهييه
طلال ضحك/والله وش اسوي لها هي الي بدات وانا بس بارد لها
لميسس/بس والله شكلك خطيير
اجت لهم مضيفه تتميلع عند طلال
المضيفه بالانجليزي/هل تريدون بعضا من القهوه
لميس ردت بالانجليزي/لاا شكرا ،،هل يمكنك الرحيل الان؟
المضيفه لقت جبهتها وراحت متفشله
لميس/اففف طلال شكل عندك معجبين،،،
طلال/وش اسوي اذا انا مزز
لميس كشرت/بس ياشين الغرور
طلال/طيب دحين انا اقدر اسالك سؤال
لميس/ايوه شوور
طلال/ماتذكرتين شي من طفولتك ..اقصد الاشخاص الي كانو معك في طفولتك
لميس وتحاول تتذكر/مممممم
بس فجاه ظهر في بالها ظل شخص يقولها "انا اكرهك يالميس..اكرهك تفهمييين "
لميس بشويه خوف(مين ذا ....مين الي قالي كذا ...ياربي ابي اتذكررر )
لميس /ماتذكر شيي
طلال /اهااا
لميس بتخمين/طلال انت كنت موجود في طفولتي صح
طلال/هااه..
لميس بترجي/اذ كنت موجود بلييز قولي ،،، ابي اعرف كيف كنت ،،وحده طيبه او العكسس
طلال/ليش تقولين كذا
لميس/بس قولليي انا كنت كيفف..
طلال ناظر قدامه وبدون شعور/زي الحين ..ماتغيرتين ..كنتين دايما وحده طيبه وتحب الخير ..ماتحب المشاكل وتحاول تصلحها دايما ..ماتسكت للغلط ..تحبين الكل مانتي حاقده على حد ...بس فيك عناد مدري من وين جا واذا قررتي بشي لازم تنفذيه ...ماتخلفين الوعد ودايما توفينه...حساسه شوي بس قويه في نفس الوقت... ماعندك شي اسمه استسلام ..مميزه كعادتك ...تحبين انه تكون لك اكثر من ميزه ...وبسس
وناظر لميس لقيها تناظر فيه بذهوول
لميس/ماشاء الله تعرف كللل شي عنييي...شكل لمن كنا صغار كنا مقربين من بعض فعشان كذا تعرف شخصيتي ...بس حسافه انا ما اتذكرك...(ووبتسامه)ماعليك اوعدك اني راح اتذكرك واتذكر كللللللللل شي عنك
طلاال ببتسامه/وانا بنتظرك لمن تتذكريني
لميس/طيب دام انك كنت معي لمن كنت صغيره ...انا مين كنت احب ؟!
طلال/ليش تتوقعين كذا
لميس/كذا احس اني كنت احب احد لمن كنت صغيره لكن لمن احاول اتذكر مين هو ما اقدر ،،تعرف مين هو
طلال انقهرر من تذكر ان لميس كانت تحب وليد ....وبكذب/وانا وش دراني ..
لميس /اهااا (وبفرح)بس شوف المفاجاه
وطلعت من شنطتها دفتر مذكراتها لمن كانت تكتبه من ثالث وتحت
لميس/شوف وش جبت معي ...دفتر مذكراتي ..لقيته وانا انظف غرفه ابوي الله يرحمه ..لقيته في الدولاب....ممم مكتوب فيه لمن كنت في صف ثالث ابتدائي
طلال انصدم(نفسسه ...نفس الي شفته قبل سبع سنوات...هو)
لميس وفتحت اول صفحه وجلست تقراه بعدين فتحت باقي الصفحات وجلست تشوفها بعدين انصدمت وهي تقرا وحده من الصفحات
لميس ولفت وناظرت طلال بصدمههه
لمييس/....