انا بنت فيني رقه وجمال ونعومه بس لايغرك اني ضعيفه وما اعرف انتقم

4

روايتي الاولى:أنا بنت فيني رقه وجمال ونعومة بس لايغرك اني ضعيفة وما أعرف أنتقم/كاملة - صفحة 2
البارت الثاني

صحو البنات
وفطرو وتكشخو وتجمعو في الحوش

عنود/بنات ابي مغامره
مها/طيب وش نسوي
ساره/ممم بنات انا عندي فكره
الكل بحماس/وشوووو
ساره/بدال مغامره وش رايكم نقول لجدي يودينا المزرعه نبسط هناك
عنيد/جبتيها يلا بنات
وراحو البنات عند الجد
لقوه جالس ويسولف مع الجده ومعاهم ابو فيصل

البنات/سلام
الجد والجده وابو فيصل/وعليكم السلام
عنود /جدي ياحياتي ياقل.....
الجد وعارف عنود/جيبي من الاخر
عنود/فديت الي يفهمني اممممم نبي نروح المزرعه طفشانين بليز
الجد/ممم طيب خلاص بكره نروحه منها نتمشى ونوري لميس مزرعتنا
البنات/حماااااس شكرا جدووو
وراحت كل وحده ترتب ملابسها في الشنطه وكذا
بعد ماخلصو وكان الساعه 4 عصر
كلهم تجمعو في غرفه عنيييد
عنود/بنات واخيرا خلصت
جوجو/طيب يلا نرقص على اغنيه
وشغلو اغنيه
وجلسو يرقصون ويستهبلون
طبعا لميس حفاظا على جبهتها جلست ومارقصت معهم لانها ماتعرف ترقص زي البنات (بس تعرف ترقص هيب هوب )

شجون/لميسووه ليش ماترقصين
لميس/لاا بس لاني ما اعرف ارقص ومالي نفس
شجون سحبتها /اقووول ياشيخه كاننا الحين نعرف نرقص شوفي كل وحده تستهبل برقصها يالله خلينا نستهبل ونرقص
وجلسو البنات يستهبلون ويرقصون ولميس معاهم وكان حماس

اجت الساعه 7
البنات كانت كل وحده سادحه وتعبااانين
ساره وطقت في راسها فكره خبيثه/بنات بنات وش رايكم
وقالت لهم الفكره
والبنات عجبتهم /قداااااااام
وراحو البنات كل وحده تلبس عبايتها
وراحت لميس مع عنود غرفه واحد من اخوان عنيد
ولبست لميس ثوووب وتلثمت بالغتره واخذو مفتاح سياره حمد وانطلقو لتحت

شافو البنات مم بعيد
عنود/بنات يلا
الكل/اوك
ومشو ببطئ وطلعو من البيت وطلعو للشارع وراحو سياره حمد وفتحوها
لميس وهي الي بتسوق السياره لان ولا وحده من البنات تعرف تسوق بس هي تعرف لان ابوها علمها

لميس جلست في مقعد السائق وبجنبها الجوري
وورا من عند الباب عنود وبجنبها ساره وبجنبها ريما وبجنبها مها وشجون جلست فوق الجوري
الجوري/هي هي خير فوقي
شجون بدلع طفولي/لاني البنت الصغيره

البنات طبعا مسوين تمثيل وهم في السياره
لميس الاب
والجوري الام
عنود البنت الكبيره
ساره الوسط
ومها الي بعد ساره
وريما ماقبل الاخير
وشجون الصغيره

نرجع
الجوري/بس حتى ولو يلا ارجعي ورا
شجون/ماااما ابغا عندك
الجوري /بليز شجوونتي يلا ياحبي ارجعي ورا
رجعت شجون وهي تتحلطم وتسب
لميس/بنات ما كان شكلي غلط يعني بس انا الي رجال بين 6 بنات
عنود/لا عاادي كانك اخونا
ريما/ايوه صح ابوي سمعت انك بتتزوج وحده ثانيه صحيح؟؟
الجوجو مسويه مصدومه/هاااااا كيف تتزوج وتسيبني انا مرتك الحلوه والاموره والعسوله تجي وتاخذ غيري
لميس وعايشه الدور/يخسى من يخووونك .. وترا ريما اصلنن ومن هي صغيره كانت تبي تفرقنا لاتصدقينها ياحبي
عنود تصفر/ياااااهوووو امووووت على الغزل ترا في عازبات هنا
الجوجو ومسويه تستحي/احممم مشكور ياعمري
لميس /يلا وين تبون تروحون ياحلوات
عنود/خلنا نروح كوفي شوف وش رايكم
لميس/اوك يلا نروح
ومشو
وطبعا الجوري جلست تدلها على المكان
وصلو للكوفي
ودخلو وراحو اخذولهم مكان وجلسو
لميس وتخشن صوتها/وش تبووون
شجون وتصغر صووتها/ابي قهوه فرنسيه
لميس /لالللا عيييب انتي صغيره وبعد تبين قهوه فرنسيه اقول اوص بهبلك عصير برتقال
شجون بحزن/لااااا
المهم كل وحده وصت بالي تبيه وقالوه للنادل وراح يجيبه
كل وحده اخذت شرابها الي حقها موكا وكافيه لاتيه وشجون الوحيده الي اخذت عصير برتقال<<مسكينه خخخخ

ريما بصدمه/بنات شوفو العيال نواف وبسام وطلال داخلين بسسرعه تخبووو
البنات بصدمه /اييييش
والبنات كانو متحجبات ورمو الطرحه بسرعه على وجههم

ريما بخوف /وش نسوي الحين الكيهم قعدوو
لميس /بنات خلوكم عادي وماكانكم تعرفوهم وبسرعه خلونا نطلع
خلصو البنات
وقفو وكانو ماشين وهم خايفين انهم يكشفوهم
لميس وماشيه قدامهم وهي تمشي بثقه وداخلها شوي وبيغما عليها من الخوف

مرو من عند العيال
بس نواف /هيي انتتت
لميس والبنات وقفو وهم خلااص بيموتون من الخوف
لميس وتحاول تخلي صوتها مايرتجف وتحشنه/ن ن نعم
طلال بطفش/ماناداك انت نادا الي وراك(يقصد النادل)ويلا انقلع انت والجيش الي معك
لميس (والله شكله قليل الادب بس يبيله تربيه )/ كل تبن بس
طلال قام /ايييششش
لميس/ومعاه تراب طيب
طلال/لا ياشيخ
لميس بسخريه/شيخ ولا علي
ساره وتحاول تغير صوتها بس مافي فايده/عماد خلنا نمشي خلاص سيبه
لميس/خلاص طيب يلا نمشي
ومشت من عندهم ولحقوها البنات
وركبو السياره
بس ماتابو وراحو باسكن روبنز
نزلو وكلهم هجوم على الباب ودخلو وكل وحده تشوف وش تبي
اختارو البنات
والرجال وهو جالس يسوي لهم دخل حمد وناصر وفيصل
لميس بصوت واطي/ياااليل كملو
فيصل/نصور انا بشتري لخواتي الجوري ومها اسكريم والله نفسهم فيه

هنا الجوري ومهوي ابتسمو من تحت الغطا وهم يقولون الله يخليك لنا يارب
وكمل فيصل/ وش رايك تشتري بعد لاخواتك
ناصر بقرف/وع وع انا ما احسب افتك من الببزارين سويروه وشجون تجي وتقول خلنا نهبلهم اسكريم اقول فارق عن وجههي مابقي الاهم اعطيهم

البنات شوي بيضحكون وساره وشجوون مقهورين وودهم يروحون فيه ضرب
فيصل/اقول حمود
حمد/هلا
فيصل بدهشه/ماكان ذي سيارتك
البنات هنا بغو يموتون من الخوف
حمد بدهشه /ايوه والله سيارتي حتى نفس رقم اللوحه بس كيف جت
وناظر للميس والي معها
لميس وتخشن صوتها/خير مضيع شي ياولد
حمد(مستحيل يكونون عنود وشلتها لان البنات ما يعرفون يسوقون بس يمكن البنت الجديده تعرف تسوق بس لالا ما عتقد مستحيل البنات ياثرون بعقلها بذي السرعه عادها امس جت وكمان لمن سلمت علينا كانت هاديه وكذا طيب يمكن كانت مستحيه اقول لالا مستحيل يكونون الي سرقو سيارتي)/لا لا ولاشي
وجا لحمد شكوك بان الولد الي عندهم يمكن دخل البيت بالسر وراح غرفته وسرق مفتاح سسيارته وراح بها
لميس جلست تعجل البايع والبنات خايفين
حمد بشك/هي انت
لميس التفتت وقالت ذي نهايتها /ن نعم
حمد/ باي سياره جيت ؟؟
لميس بصوت خشن/جيت مشي
حمد/انت والي معاك(يقصد الجيش الي ورا لميس)
لميس/ياربي وش دخلك يعني الحين لو ماكانو معاي بتجلس تغازل فيهم
حمد/لا لا اقصد ...
لميس تقاطعه وبصراخ /وكمان تبي تتهمنا باننا سارقين سيارتك اش ذا الظلم
عنود وتمثل البكاء /اخوي خلاص خليهم ظلمونا بحقنا وقالو اننا سارقين سيارتهم بس الله يجازيهم
حمد/بس ....
ماكمل كلامه الا هم طالعين من الباسكن وقد دفعو واخذو ايسكريماتهم
بس ماركبو السياره لان حمد والعيال كانو يناظرون فيهم
عنود وهي تمشي جالسه تسب وتشتم في حمد
جوجو/لميس الحين نروح للسياره ؟؟
لميس/بنات اسمعو الحين اول مانقرب من السياره بسسرعه اركبو وبمشي فيها طيب ونحاول نبعد عنهم
الكل/اوكيه
مشو ولمن قربو من السياره
لميس بصراخ/يلااااااا
وكلهم ركبو السياره بسرعه ومشو
حمد/طلعو الي سرقو سيارتي يلا نلحقهم والله ما اخليه يفلت مني
وراحو حمد وناصر وفيصل وركبو سياره فيصل ولحقوهم
وسار فيه سباق سيارات

عند لميس
ريما/لميس لحقونا
لميس ببتسامه/توقعت هذا

وزادت السرعه وسار ل110 وجلست تلف وتدور وتفحط لمن ضاعو منها
لميس/واخيرا ضاعونا
وراحو للبحر <<<اقولكم مايتوبون
نزلو
لميس/طيب الحين وش نسوي لو رحنا البيت ورجعنا المفتاح بيشك فينا
عنود بتفكير/مافي الا حل واحد
الكل ناظروها/وشو
عنود ابتسمت بخبث/الحب هو الحل
لميس بغباء/هاااااا؟؟؟؟
عنود /ريما دقي على اخوي بسام وقوليله يجي هنا لان الشي خطير
وحده من البنات صار وجهها احمر ونزلت راسها وهي من الاساس تحب بسام من قلب<<تتوقعون منو

ريما ودقت على بسام
ريما بخوف/الو بسام
بسام /هلا ريما
ريما بخوف /بسام الحق علي
بسام بخوف/وش فيك
ريما/بسام بسرعه تعال البحر الحقني والحق حبيبتك
بسام وخلاص قلبه بيطيح في رجوله/وش بها وش بكم وش فيي
ريما سكرت الخط وهي كاتمه الضحه وجلست تضحك
لميس/مين هي حبيبته؟؟
ريما/وحده ودحين بتعرفين مين هيا
شوي كذا اجا بسام وطلال ونواف وهم مفزوعين
وقفو ولقيو ريما واقفه وتناظر فيه ببتسامه ووراها البنات
بسام/وش فيكم
ريما/نحتاج لمساعدتكم
بسام/يعني الي قلتيه في الجوال كذب
ريما/لالا والله لا ترا من جد نحتاج انك تساعدونا من حمد والي معاه لانه بيكفخنا
نواف/طيب ليش
ريما/لان نحنا .....
وقالت السالفه من ططق طق للسلام عليكم
نواف/اهاااا طيب والمطلوب منا
ريما والبنات جلسو يشرحو لطلال ونواف الخطه

ولميس كانت شوي بعيد عنهم وتناظر في المحبين بسام والجوري جالسين قريب ممن البحر ويسولفون
جت لها ساره/لموس فيك شي
لميس/لا بس الجوري هي الي يحبها بسام
ساره/ايوه..ترا حتى هي تحبه..من وهم صغار يحبون بعض مرررره ..حتى بسام مايقدر يعيش بدونها وهي تموت عليه مرره لدرجه انها تدافع عنه قدام العايله ..ترا تسويها..
لميس بذهول/اهااااا
عنود جات/بنات يلا بنروح اسمعي لميس اول مانروح راح نروح انا وانتي غرفه حمد ونرجع ثوبه والغتره حقته ونروح بسرعه طيب
لميس ببتسامه/اوك

وراحو السياره ودخلو البيت
اول ماوصلو طبعا تاكدو ان مافي احد
نزلو وبسرعه كل وحده على بيتها
وعنود ولميس راحو غرفه حمد
لميس ورجعت الثوب ونزلو
والبنات بس فسخو عباياتهم وطلعو
تجمعو البنات في الحوش وجلسو يلعبون بالمراجيح ولا كان شي صار
اما بسام والي معاه دقو على حمد
حمد رد/نعم
نواف/وش فيك زعلان
حمد/في ناس كلاب سرقو سيارتي
نواف وكاتم الضحكه/طيب تعرف مين هم
حمد/واحد ومعاه جيش بنات
نواف ماقدر يتحمل علطول عطا بسام الجوال وراح بعيد وجلس يفقع ضحك
بسام /حمود معانا خبر لك
حمد/وش
بسام/معانا سيارتك
حمد /والله!!؟
بسام/ايوه لاننا شفناه وهو يفحط بسيارتك وشفنا رقم اللوحه وعرفنا انها سيارتك وانها مسروقه ومسكناه ووديناه للشرطه ورجعنا سيارتك
حمد بشك /ووين شفتوهم
بسام بثقه/قريب من البحر
حمد/طيب بس والله لو طلعتو انتو الي سرقتو السياره لانعل خيركم
بسام/ترا والله مو نحنا
حمد/طيب خلاص صدقتك بس مشكور
بسام/العفو
وسكر الخط


عند البنات
عنود /بنات بكره اصحو بدري عشان المزرعه طيييب
البنات/طيبب

كل واحد راح بيته ونام
طبعا لميس حطو لها غرفه خاصه لها وكبيره وواسعه في بيت الجد وتجنن والوانها حلوه ورتبو الخدامات اشياءها وخلاص استقرت في غرفتها

اليوم التالي

الصباح 10:00
كلهم تجمعو في بيت الجد
الجد/يلا على السياره
راحو وركبو السيارات

طبعا سياره ابو فيصل فيه ابو فيصل وام فيصل وعلي وياسر والاغراض
السياره الثانيه سياره الجد فيه الجد والجده وحمد وفيصل وناصر والاغراض
السياره الثالثه سياره بسام فيها بسام وطلال ونواف والبنات كلهم وللاغراض البسيطه

ومشو

في سياره بسام
انواع الحماس والاستهبال فيه
طبعا الي يسوق بسام وبجنبه طلال ونواف ورا مع البنات
اقولكم الترتيب عند البنات
طبعا متحاشرين في السياره لانها شوي صغيره
عند الباب لميس الي جالسه ورا بسام الي يسوق
وبجنبها ساره
وبجنب ساره الجوري وجنب الجوري شجون وجنب شجون ريما وجنب ريما مها وجنب مها عنود وجنب عنود نواف

انتهى البارت