الجامعه&الاستاد

العين السخنه

صلي علي سيدنا محمد

___________

#عمرو

امبارح انا نمت عند رمضان.. بس قعدت طول الوقت أفكر في رحاب.. بس وصلت لقرار انا هتبارد معاها علشان تعرف أن الله حق..

#رحاب

بعد ما صحينا قعدنا علي السفره علشان نفطر.. رمضان شكله مبسوط اووي.. هو وعمرو.. اه صحيح هي ريم مجتش امبارح ليييه انا هسأل عمرو..

انا:عمرو..

عمرو:ايوه..

انا:هي ريم مجتش امبارح ليييه؟؟!

عمرو:معرفش اسألي رمضان..

انا:نعم.. متعرفش واسأل رمضان....

عمرو:اه اسألي رمضان..

انا :طيب.. رمضان.. هي ريم مجتش امبارح ليه؟؟!

رمضان :عمرو قالي انها تعبانه شويه.. وهتيجلنا علي البيت هنا كمان شويه..

انا:يعني عارف.. اهو يا استاذ عمرو.. اومال مقولتليش ليه..

عمرو:أعتقد ده شئ يخصني.. انا وبس..

انا:طيب.. شكرا اووي..

وقمت دخلت الاوضه..

____

#رمضان

هو ماله ده دا كان ما بيصدقك انها تكلمه.. غريبه اووي.. بس انا عارف انه اكيييد بيفكر في حاجه..

انا:نورهان...

نورهان:نعم..

انا:عايزك.. تعالي أما اقولك حاجه..

نورهان:حاجه ايه.. قولي هنا..

انا:اخلصي يا بت انتي.. وانت يا عمرو اقعد مع ماما لاغيت مانيجي..

نورهان وعمرو:حاضر..

#نورهان

غريبه اووي.. رمضان دا عايزني في ايه.. يلاا اهو يا خبر النهارده بفلوس بكره هيبقي ببلااش.. خرجت مع رمضان قدام باب الشقه.. قالي..

رمضان:تعالي أما ننزل نروح أي كافيه.. علشان نعرف نتكلم..

انا:لا مبخرجش مع ولاد لوحدي..

رمضان:مش هقتلك.. يعني عايز اقولك حاجه بخصوص رحاب..

انا:يلاا.. أما نشوف..

#رمضان

ايه البت العنيده دي.. بس عاجبني رفضها بردو.. انا متأكد انها مكنتش هتقبل غير لما اقولها أن الموضوع يخص رحاب نزلنا رحنا الكافيه هو جمب البيت.. فبدأت اقولها علي الفكره اللي في دماغي..

#نورهان

رمضان قالي علي حتت فكره.. هي جامده زوحليقه بس عايزني انا اللي أقوم بيها..