BOOK 5: The Him who loves Her...endlessly

--

Book 5: Chapter 4 part 2/2

Obligations

( H A N I )

Dalawa'ng araw mula nun, habang nasa biyahe na kami'ng dalawa ni Via galing sa skwela niya ay bigla'ng nag-ring ang cellphone ko.

     “Hello, Bree.”

     “Hani, um, busy ka?”

     “Hindi naman, bakit?”

     “Can you come over here sa house?”

     “Bakit?”

     “Wala lang, naisipan ko kasi'ng mag-get together naman tayo'ng tatlo ni Lea. Matagal-tagal na rin kasi nang huli tayo'ng magsama'ng tatlo mula nang naging busy na tayo sa pagiging Mommies. I kinda miss our samahan kasi kaya if you’re free, pumunta ka naman rito sa bahay. Isama mo nalang si Olivia.”

   Tiningnan ko si Via na kumakain ng candies, napasarap ata ang kain nang anak ko kaya napakuha ako ng isa'ng wet tissue sa bag ko habang sinasagot si Bree.

     “Okay, Bree, magpapaalam muna ako kay Kevin ha? Ite-text nalang kita kung on the way na kami.” at pinunasan ko 'yun'g gilid ng labi ni Via.

     “Sige, Hani, I’ll just call Lea rin para naman magkita-kita ang mga anak natin.”

   Ngumiti ako.

     “Oo nga, may mga kanya-kanya'ng anak na nga pala tayo'ng tatlo.”

     “Tama. I still couldn’t believe it pa nga eh.”

   Nangiti ako.

     “O sige, Bree, magtetext nalang ako ha? Bye na, pupunasan ko muna ‘to si Via, ang dungis na kasi dahil sa kinakain'g candies.”

     “Okay, Hani, see ya.”

     “Sige sige."

   Matapos namin'g mag-usap ni Bree ay agad ko na rin'g binalik sa loob ng bag ang mobile phone ko. Pinunasan ko nang maayos ang pisngi ni Via at ang mga kamay niya na nagiging malagkit na dahil sa candies.

     "Ibyang, ha?"

   Napahagikgik siya.

     "Sorry, Mommy. I love you."

   Natunaw ang puso ko.

     "I love you too, anak."

—

Pagdating namin'g mag-ina ng bahay ay binuksan ko ulit ang bag ko, si Via naman agad na lumapit kay Manang Loida.

     “Hello, Nana Loida.”

     “Hello rin, Princess Via.” nakangiti'ng sagot ni Manang.

     “Via, you go to your room na and change your clothes.” utos ko sa anak ko habang hinahanap ko sa contacts ang pangalan ng asawa ko.

     “Why po Mommy?”

     “We’ll go to your Ninang Bree’s house.”

     “Okay po.” at umakyat na nga siya sa hagdan habang nakatapat na sa tenga ko ang cellphone, “Be careful sa pag-akyat ng hagdan, baby. Humawak ka sa hawakan.” paalala ko pa sa kanya habang nagri-ring ang kabila'ng linya.

     “Hello, Tart.” narinig ko'ng boses ni Kevin habang nakatingin ako sa anak ko na umaakyat ng hagdan.

     “Ah, Tart, naistorbo ba kita?”