جلست خلف مالك ..كان يقود بشكل جيد ولكن صادفتنا في الطريق شاحنه كبيره اصبحت اصرخ مالك اوقف الدراجه ..مالك احذر ولكنه لم يسيطر عليها او بمعنى كانت فقط تسير للامام لا يعمل البريك او اي اتجاه وكأن شيء اصاب دراجته اخذت تذهب يسار ويمين حتى انصدمنا بالشاحنه ..لااعرف ماذا جرى كل مااتذكره اني تذكرت امي وابي وتذكرت كيف ودعت عسل وموج وتذكرت ابتسامة مالك وشكله وبعدها اصبحت الرؤيه سوداء تمامآ ....
.
.
.
.
.
جوري ..
استيقضت بكسل نضرت الى الساعه كانت 8 والنصف صباحآ قمت بشكل سريع من السرير بحثت بعيناي عن بدر كان للتو قد خرج من الحمام ..
بدر :صباح النور حبيبتي ..
جوري : بدر اتأخرت عن شغلك عااا واني الجامعه ..
بدر :شفيج اهدي ..انا الحين رايح للشركه لاني اتأخرت عن اجتماع مهم مراح اكدر اوصلج للجامعه اذا تبين اليوم لا تروحين
جوري :الو ..ترن ترن منو ديكول لتروحين ..قبل يومين كتلي جامعتج ودراسه والشهاده وكذا هعهه
بدر :اكول هالحجي لاني اليوم حرجع ساعه 11 ماكدر اكعد في البيت بروحي انتضر للساعه 1 للظهر خلينا نكعد ندردش مع بعض ويمكن نطلع شرايج
جوري :اووووي فديتك حبيبي اوكي مراح اروح تأمر
قمت وتقربت من بدر لكي اغلق له ازرار القميص
احببتك وادمنت على عطرك
احببتك وادمنت عيناي على رؤيتك
احببتك وادمنت مسمعي على صوتك
احببتك وادمنت على وجودك في حياتي
احببتك بجنون ..جنون عشقي الذي يجعل بداخلنا براكين الغيره تنفجر مجرد اني اراك تتكلم مع احد غيري او تنضر او تجلس ....
بعد ان اكمل بدر ارتداء ملابسه ..بقيت انضر له ب اعجاب ...
بدر :شفيج طالعيني جذي
جوري : عاااا ولك شكد احبك صدقه رجلي وسيييييم وسيييم
بدر :هههههههه ومرتي تخبل مثل ما تكولون انتو العراقيين تخبل كمر كمر ..حبيبتي يلا انا رايح تبين شي
جوري :لا حبيبي سلامتك ..
بدر :باي
جوري :بيباي ..
بعد ربع ساعه من خروج بدر اتصلت ب عشق لم تجيب اتصلت واتصلت لم اصبح هاتفها مغلق ثم اتصلت ب موج ..
اجابتني . :الو
جوري :وجع انتو وين
موج :بالبيت
جوري :اكيد عشق نايمه مترد ع فونها وانتو شعدكم بالبيت مرايحين للجامعه ..
موج : عشق راحت للجامعه بس اني وعسل بالبيت ورحمه قبل شويه طلعت
جوري : اها يمكن عشق بالمحاضره اوشي لذلك مردت بس انتو ليش مرايحين
موج :شكد تلحين قصه طويله مالي خلكج
جوري :شبيج مو على بعضج ..
اجابتني عسل
عسل :جوري مرحتي اليوم للجامعه يعني خطيه بس عشق
جوري :ههههه يي
عسل: اذا بدر بالشغل تعالي يمنه ساعه او نص ساعه اكو شي صار البارحه و نريدج شويه تتفلسفين هههه
جوري : خير شكو ..
عسل :اذا تكدرين تجين هلا بيج واذا متكدرين بعد احسن
جوري ؛ولي ولج ليكول كاعده ع قلبج ههههه خلي اكول ل بدر اذا وافق اجي
عسل :ديلا ولي كوليله
بعد ان اغلقت الهاتف من عسل اتصلت ببدر بقيت اتكلم معه اقنعه بأن اذهب للبنات واخييييييراااا
وافق بأن اذهب لمدة ساعه ونصف ..
جوري :اوكي ههههه فديتك زين ليش متصير ساعتين
بدر :لا ساعه ونص حتى ترجعين تتحضرين اليوم نطلع
جوري :اوكييي اوكيي يلا باي
بدر :حدزلج الدريول يوصلج اوكي ..باي
