عشق ..
اليوم استيقظنا مبكرآ ...بعد ان اكملنا روتيننا اليومي ...اوصلنا بدر الى الجامعه من ثم ذهب هو الى العمل ..
اول شيء توجهنا للكافتريا وجلسنا في مكاننا
عسل : مااكعد هنا
موج :ليش ..
عسل :من اليوم ورايح منكعد بنفس المكان كافي نفس الروتين ..لا الحلو كل منجي نلكاها فارغه عبالك محجوزه النه
موج : دكعدي اذا ع الذكريات وقلبج يأذيج اني بكل الجامعه اكو ذكرى ..
عسل :لا اسفه مو قصدي ..
عشق : اتسكتوووووون لو شنووووو
جوري :انجبو اصلا هذا احلا حلم اتحقق وصلنه لهذه المرحله رجاء خلو الجامعه بس ذكرياتنه ..
عسل :بالنسبه الي مو هواي ذكريات بالجامعه بس بالاماكن الي يصير بيعا سباق هواي التقينه وكعدنه وسولفنه الله يرحم ايامهم .
عشق:هسه اكوعدي عسل ..
عسل :وهاي كعدنه ..يلا طلبولي شي اني الصغيرونه ..
جوري :شتحبون تشربون ..
عشق ؛ قهويشن ..
عسل :عجبتني .اني اريد مائيشن هههه
موج :انتو ليش ماتنجبويشن ..
جوري :وهسه شنووووو
موج ؛ محاضرتي بعد خمس دقايق و اني حروح هسسسسسه باااي ..
عشق :الله وياج ..
جوري :عشق عندج بروفا بعد عشر دقايق .
عشق : يي صح ..
بعد ان جلسنا قليلآ توجهنا للبروفا
عندما دخلت للقاعه رأيت مالك ..كان بكامل اناقته
كالعاده يبتسم لي فبادلته الابتسامه ..
فتوجه مالك لي ..
مالك : نورتي القاعه ..
عشق :شي اكيد كالعاده تنور بوجودي ..
مالك :لك شنو هالثقه ..شلونج اليوم قلبي ..
عشق :اني زينه بس ممكن طلب
مالك :كولي ..
عشق :الله يخليك لا كدام الطلاب ..خلينه داخل الجامعه استاذ وطالبته ..
مالك : امممممم مااكدر ههههههه يعني شلون ..
عشق :عيني خف علينه ولا تحمه ....
مالك : اوكي مراح احمه ..
.
.
لم يحدث شيء مهم ..انهينا جميع المحاضرات وبعدها عدنا للمنزل
عسل : عشقو اتصلي ع اهلج ...اذا من البارحه كانت طيارتهم فأكيد هسه حيوصلون ...
موج : خلي نكعد ننتضرهم ..اكيدهسه همه حيتصلون ..
جوري: جوعانه كولللششششش
موج :يلا بدلو ع سريع لان مامه خابرتني وقالت منتضرتكم ع اطيب دولمه ..
عشق :امممم دوولمه ..يلااا الموضوع ميحتاجله تاخير ..
بعد ان غيرنا ثيابنا ..توجهنا لمنزل اهل موج ...
استقبلتنا والدتها
والدة موج : يلا وينكم صارلي ساعه انتضركم ..
موج ؛ هاي شنو يعني اتأخرنه ..مع انو اجينه ع سريع ..
عشق :لج ياسريع الي تحجين عليه ..اذا بس عسل تبديلتها ساعه وجوري اكولها كومي تكلي حامل مبيه حيل اتحرك وانتي ساعه بس تعدلين بالايلاينر..
جوري :خاله محضره كولشي ..وكاعده تنتضر اسفين يعني اذا اتأخرنه بس سؤال شلون تحملتي تكعدين كدام الاكل ومتاكلين اني لو بدالج اذا مااكول ما اكول تلكون ماعون الزلاطه مخلص ..يعني لازم واحد يسوي احماء ميكدر يلزم نفسه ع هيج ارياح طيبه ..
والدة موج :يلا كعدوا وانطوني رأيكم ..
عسل :اكيد طيب ..
عشق :بعد مااكدر لازم اطلع جبوري الي بداخلي يعني لازم شويه اخبث واكول واضحك عليكم بنفس الوقت والي تحجي تعرف شنو اسويلها اوك ..
جوري :شو باعيلي ..الحمدلله اللهم ثبت علينه العقل والدين ..
عشق : الحمدلله ..تعرفين لو ما حامل شسويت بيج ..
جوري :حامل لا تضوجوني ..
عشق : تعرفين شسوي بيج ..اسحبج من ايدج ونكتل موج وعسل ..
موج : نيها نيهاهاااهااا حجاوزكم بسكوتي ..ماما وين بابه ..
والدة موج :ابوج بالشغل...جوري مكلتيلي شنو بيج بنيه لو ولد ..
جوري :بعدني مراي...
موج :اح اح احوو ..مامه شنو اخبار خواني بالدراسه..
والدة موج : تمام الحمدلله ...بس ليش هذا السؤال يعني شعجب ..
موج : هاا مامه هااا اكو اخت متسأل ع اخوانها الصغار بعدين شكو بيها ..
والدة موج :لا مبيها شي ... يي جوري نرجع ل سالفتنه ..
موج :لحضه لحضه ..مامه شلونهم جيرانه .. ..
والدة موج :يا جيران شنو سالفتج موج ..
موج : اسكت ..اسكتتت احسلي ..
جوري :ههههه خاله بعده ممبين اذا ولد لو بنيه ..
عشق بهمس :هي كوه متعرفين تلوفيها للسالفه ..لاتورطين نفسج ..😆😆
انهينا الغداء وجلسنا معآ قليلآ ثم عدنا لمنزلنا
كانت الساعه الرابعه والنصف .. كانت جوري تتكلم مع بدر بالهاتف اما موج فذهب لكي تستحم ..اما انا وعسل كنا معآ في الغرفة الجلوس ..
