موج ...
ها نحن نجهز لخطوبة عشق ومالك ..نعم فغدآ حفل خطوبتهم ..وافق والديها بعد ان سألو عليه ودققو جيدآ وهي ايضا وافقت ..اما انا فاشعر بأن الحياة بدأت تبتسم من جديد لان انا ويحيى عدنا لبعض وكل واحد تفهم الاخر وانا سامحت يحيى لاني تفهمت وضعه جيدآ ..
عسل : هسه شنو قررتي
عشق: اممممممم زي كردي ..
جوري :عاااااا تصير غير شكل وربي
موج ؛ هذا الي اشرتي عليه عشق كولش حلو ..👍👍
عشق :اوكي
اخذنا الفساتين وخرجنا توجهنا للمنزل في الطريق
جوري :بناتتتت
موج :شكو..
جوري : اني شلون اكعد بالحفله ومااركص
عسل :يلا غيرها بغيرها بعرس موج ركصي
موج :شمعنه مو عرسج عسل
عسل :😒😞 يمكن تكون حامل بالعاشر او مااتزوج اصلا
جوري : عاشر شنو اسم الله ..بعدين ماااكدر جنت منتضره ازوجكم واركص ب اعراسكم ..مامااا
عشق :هسه الي يسمعج يكول تهز هز مصاير اشو بالحقيقه بس اتكمزين جنج غساله مالات قبل من تجفف..
عسل :طننننننننن التشبيه القاتلللللل هههههههه
جوري :عاااا لج انجبي ..
موج ؛ جوري شوكت تروحين تشوفين ولد لو بنيه ..
عشق :اممممم توقعاتي توم لان بطنج ماشالله كبرت وانتي بعدج بشهر 3 ..
جوري :مااعرف... الله كريم ..
عدنا لمنزل جوري ..
جوري ..
عندما عدنا لمنزلي لم اجد احد فسألت الخدم عن بدر وقالو لي بأنه في المكتب فتوجهت للمكتب قبل ان اطرق الباب سمعت صوته ..
كان يتكلم مع مشاعل وهي تضحك باعلى صوتها ..
اعتقد بأنهم قد يتكلمون عن عمل وقد اخذهم الحديث الى ضحك ..ثقتي فيه كبيرع ولكن غيرتي عليه اكبر من كل شيء..
لم اطرق الباب ودخلت لمكتب وتفاجئة بهم ..
او تفاجئة ب نضراتها لي و ابتسامتها لماذا تنضر لي هكذا
كان بدر يجلس خلف المكتب و مشاعل تقف خلفه وتضع يديها على كتفيه كانو يضحكون ..اشعر بنيران الغيره بداخلي وما جعلني اغضب اكثر كلامهم ..
مشاعل :ها بدوري والحين كيف ..
بدر :لا ..راسي صار احسن ..
مشاعل :اعتقد من الاداب طرق الباب اولآ..
بدر : هلا جوري ..شلونج
جوري :هه والله حبيبتي عبالي بس رجلي بوحده ماعبالي يمه احد ..
بدر :مشاعل ..جوري ..شنو هذا الحجي بعدين جوري لايروح بالج بعيد مشاعل مثل اختي وبس .
جوري :خلص بدر كل مره نفس الحجي بس اريد افهم هذا شغل لو شقه لو شنو.
بدر : بس رأسي كان يعورني ومشاعل قالت انو تعرف طريقه يريح النفسيه ويهدي كل الالم بس هذا طلع كأنو طريقه هنديه ههههههههههههه
مشاعل :بدرر..ماكو داعي تقوللها وهي شنو ماعندها ثقه فيك ..
جوري: لا عندي ثقه بيه ..وبعدين لاتدخلين روحج بيني وبين زوجي مشاعل ..
خرجت وتركتهم توجهت لعند البنات كانو يجلسون في غرفتهم ..
دخلت الغرفه كانت عشق تغني ..
عشق :مابيه عوف هلي ..ولا بيه اعوف هواي ..قلبي نسيته هناك هناك .... ياهو الي دوره ويااي وياااي .
موج : اسكتييي ولج ...
عسل :بنات الفساتين اتخبلللل ..
عشق: يي وهسه خابرني مالك قال انو القاعه صارت جاهزه ..
موج : الحمدلله يعني تمام بقه بس الصالون باجر
عسل : جوري شبيج مبوزمه ..
تكلمت لهم عن ماجرى ..
