Palabas sa sinehan:
Kapag bago pa lang, pinipilahan
Tipong isang linggo hanggang isang buwan
Kilala ka ng lahat
Ngunit dahil hindi ka makamtan,
Dinadaan sa mga pirata
Masilayan ka lamang.Karayom:
Maliit, matalim at 'di madaling malikom
Sa panahian o ospital, talas ng turok mo'y kailangan
Upang mabuo ang obra na kahahangaan
At mga sakit ay malulunasan.Talulot ng bulaklak:
Sa aking isipan ay tumatatak
Umuusbong, kasing kinang ng pilak
Liwanag sa daang aking tinatahak.Aklat:
Diwa ay laging isinisiwalat
Mga kaisipang tapat
Ipinangangalandakan
Karunungang hatid sa lahat.Baterya:
Napapagod din sa kalaunan
Kinawiwilihan ang kapakinabangan
Gagamitin hangga't kinakaya
At kapag upos na ang kakayahan
Sa kangkungan ang kapupulutan.Kandila:
Payat at maputla, hindi nagtatagal
Pinapawi ang kadiliman
Ng gabing malamlam
Na tila'y walang katapusan.Dagat:
Malawak, malalim, minsa'y walang imik
Nakikiramdam sa daloy ng tubig
Sa iyo pa din ang katapusan
Ng pagsubok na daraan.***A/N***
Umasa kang maganda?
Sabi ko'y huwag di ba?
Latak sa utak ko'y nilabas ko lang
Wala na kasing mapaglagyan. XD