أنا أم هي ( me or her)

Chapter4

يارب تعجبكو 🌹🌹 بليز فوت وكومنت عشان اكمل ..

ملاحظة : زين وبيري مش مشاهير في القصة هم ناس عادية

*بعد ست شهور*
زين سافر من لندن وراح نيويورك وعايش في شقة لوحدو وبيري طبعا لغت الفرح وفهمت كل الناس انهم انفصلوا عشان هو كان عايز يسافر يشتغل وهي موافقتش فسابها وسافر بس قالت لجايد صحبتها على الحقيقة ومامتها مش مصدقة سبب الانفصال دا خالص ومش مقتنعة بيه وبيري كانت كل يوم بتحاول تكلم زين لمدة شهر لغاية ما رد واحد وقال ان الرقم اتباع وفقدت الامل انها تشوفه تاني او حتى تفهمه الحقيقة وهو مش طايقها وغير كل حاجة حتى حساباتو ع السوشيال ميديا مسحها وعمل حسابات تانية وقطع علاقتو بماضي بيري وبيحاول ينساها وينسى انها خاينة ..
*عند زين*
زين كان راكب العربية وماشي بيها والدنيا بتشتي شاف بنت ماشية في المطر عمالة تتكعبل وهدومها متبهدلة ومفيش تاكسي بيقف لها .. راح عندها وقالها : اركبي
- نعم اركب فين
زين: اركبي معايا هوصلك المكان اللي عيزاه
- لا يا بابا انا مش شمال ماشي .. روح اشقط واحدة تانية
زين: اشقط ايه انتي فاهمة غلط انا هساعدك والله
- ابعد قبل ما اصوت في وسط الشارع وافضحك
زين: انتي حرة مفيش ولا تاكسي هيعبرك في الجو دا باي
- خلاص استني هركب
زين: ما كان من الاول
ركبت العربية وقالت: شكرا يا ...
زين: اسمي زين
- وانا جيجي
....................................................................................
في الوقت دا بيري كانت قاعدة تشوف صورهم القديمة وتعيط وباب الاوضه خبط
بيري * بتمسح دموعها* : ادخلي يا ماما
ام بيري: بتعملي ايه يا بيري
بيري: ولا حاجة بكلم جايد
ام بيري: طب يلا عشان الغدا .. بيري انتي بتعيطي؟
بيري: اعيط ايه بس .. جاية اهو
* قاعدين ياكلو*
ام بيري: انا عارفة انك لسا بتحبي زين وانك كدابة
بيري: ماما انا مش قلت ننسى الموضوع دا
ام بيري: ما انا لازم افهم .. بتقولي نسيته وصورته تحت مخدتك
بيري: انتي بتفتشي الاوضه ؟
ام بيري: انا مش بفتش يا بيري انا كنت بنضف وشفتها بالسطفة .. وبعدين ايه اللي سافر يشتغل
بيري: ايوا يا ماما جاله شغل هناك وسافر
ام بيري: دا حتى مسلمش عليا قبل ما يسافر
بيري: الحجز كان بدري وبعدين الموضوع خلص يا ماما انتي ليه بتحبي تنكدي عليا
ام بيري : ما تكملي اكلك
بيري: خلاص شبعت
....................................................................................
جيجي: ايواا البيت هنا
زين: ايه دا احنا طلعنا جيران
جيجي: بجد
زين: اه بيتي بعدك بعمارتين اهو اللي هناك دا الازرق انا الدور التاني الشقة اللي على يمين الاصانصير
جيجي: طيب شكرا جدا بجد
زين: على ايه بس ...
جيجي: واسفة عشان فهمتك غلط وافتكرتك سافل
زين: لا عادي مفيش مشكلة ... طب ممكن رقمك او حاجة
جيجي: لا دا انت فعلا سافل
زين: ليه كدا بس .. انا بهزر وربنا
جيجي: ع العموم شكرا يلا بااي
جيجي طلعت بيتها وزين قعد يبص عليها لغاية ما طلعت
زين بيبص مكانها شاف الموبايل بتاعها واقع .. ضحك وقال: يبقى هشوفك تاني

تتوقعو زين هيعمل ايه ؟؟