هااي 😘✋🏻 كومنت وفوت 👑💚💚
(محدش فاز)
.........
تتوقعو ايه هيحصل؟؟
جايد: بصي وراكي
بيري بصت وشافت جيجي ماسكة ايد زين وبتضحك وبتبصلو وبيبص لها
جايد: بيري .. بيري انتي كويسة يلا نمشي
بيري راحت لزين وجيجي وقالت: هاي
زين: بيري
جيجي: هااي انا جيجي وانتي
بيري: انا بيري
جيجي: انتو تعرفو بعد صح
زين كان ساكت ومش مصدق انو شايف بيري وبيري بتبص لزين وماسكة الدموع في عيونها عشان متنزلش
جيجي: زين رد عليا
زين: اه .. اه دي بيري
جيجي: اه بيري مين
بيري: انا صديقة قديمة لزين كان معايا في ثانوي
جيجي: بجد فرحانة اوي اني شفتك
بيري: وانا كمان ... ازيك يا زين .. يعني اتشهرت ومبتسألش بقالك كتير
زين: تمام.. الشغل بقى اخد الوقت
بيري: ممكن اكلمك لحظة في حاجة
زين: لا انا مشغول و ...
جيجي: شوف هي عايزة ايه وانا هستنى هنا يا حبيبي
زين: يا جيجي انتي مش فاهمة ...
جايد: اه اه روحوا على ما اتكلم مع جيجي
جايد اتعرفت على جيجي واتكلموا
زين: انتي عايزة مني ايه هاا؟ ليكي عين تسلمي عليا وتوريني وشك
بيري: انت ازاي قدرت تعمل فيا كدا هاا؟ لغيت فرحنا وظلمتني وقلت اني خاينة وضربتني وسبتني وسافرت وحرمتني منك وانا مستنياك كل دا يا زين .. مكلمتش حد .. مش بعمل حاجة غير اني بفكر فيك وبتمنى ترجع وبعيط وببعتلك رسايل عارفة انك مش هتشوفها .. انت جرحتني يا زين والمشكلة انك فاكر انك مجروح واني خاينة في الاخر راجعلي بواحدة في دراعك
زين: انا ميهمنيش الكلام دا ابدا ماشي؟ عيطي ولا اتفقلي مش مشكلتي انا بحبها وعجباني ومش عايز اشوفك تاني
بيري: طب ممكن اقلك حاجة طيب
زين: نعم
بيري: مبروك على الالبوم
زين: الله يبارك فيكي سلام
جيجي: على فكرة انا حبيتك اوي يا بيري وحبيت جايد اووي
جايد: اه وانا كمان
زين: طب يلا نمشي عشان..
جيجي: احنا طالعين رحلة وفي فندق وفي مكان لاتنين كمان ايه رأيكو تيجو معانا بجد هنتسلى بلييز
بيري: لا والله مش هينفع
جايد: ااه هينفع ده بيري بتهزر بس
بيري: ايوا بس
جايد حطت ايدها على بق بيري وداست على رجلها
بيري: اااااه في ايه
جيجي: يعني وافقتو؟
زين: هم اكيد مشغولين
جايد: اه وافقنا
بيري: لا بس ... طيب ماشي
جيجي: واووو هيبقى تحفة بجد انتو كيوت اووي
بيري: طب انا لازم امشي عشان ماما محتاجاني
جيجي: باااي
....................................................................................
*في البيت*
بيري: انااا .. انا يسيبني ويروح لدي دي ..
جايد: اهدي طيب
بيري: شفتي شكلها شفتي منظرها وتقل دمهاااا
جايد: تصدقي ممكن تبقى اغنية
بيري: انتي ايييه؟؟ ايه البرود داا بشكيلك من الصبح ومش بتردي انتي حاسة باللي انا حساه؟؟ انا اتكسرت زين قتلني .. زين فعلا بيكرهني ومبقاش طايقني ولا بيحبني ولا عايز يشوفني سابني انا وساب الذكرايات والايام اللي بيننا وراح يصاحب واحدة اطول منه
جايد: معلش
بيري: يخربييتك ويخربيت اللي يكلمك
جايد: بيري انا فهماكي وحاسة بيكي انتي...
بيري: اسكتي .. اسكتي خالص انتي ولا فاهمة ولا هتحسي باللي انا حساه انا بس اللي حاسة بنفسي ومحدش بيحس بيا ولا بيفهمني
جايد: ما انتي لو اتكتمتي شويه وسمعتيني هتفهمي
بيري: ها
جايد: انا وافقت نروح معاهم عشان تقدري تقربي من زين وتفهميه الحقيقة
بيري: لا والله ده مش طايقني
جايد: زين لسا بيحبك على فكرة ودا واضح.. بس هو فاهم غلط احنا هنفهمه وهتشوفي
بيري: ماشي
....................................................................................
* في البيت*
جيجي: مالك يا زين من ساعة ما روحنا وانت متغير
زين: مفيش
جيجي: بس انت ..
زين: قلت مفيش يا جيجي سيبيني لوحدي لو ممكن
جيجي: حاضر
زين قعد يفكر كتير .. متوقعش انو يشوف بيري ولا كان في باله انه يقابلها .. بس زين دلوقت متأكد من حاجة .. هو بيحب بيري وعمره ما هينساها .. بس السؤال.. هو بيحب بيري؟ ولا جيجي؟ ولا الاتنين.. وازاي هيقعد مع بيري اسبوع في نفس الفندق
....................................................................................
* بعد اسبوع*
جايد: يلا يا بيري الباص برا
بيري: جاية اهو
ركبو الباص اللي بيودي للرحلة
جيجي: هااااي ازيكو
بيري: هاي
جايد: ازيك عاملة ايه
جيجي: تمااام
جايد: ازيك يا زين
زين: اه كويس
وقعدوا يتكلمو لغاية ما وصلوا
جيجي: وصلنااا.. يلا انزلو
*طلعو الفندق*
جيجي: بيري وجايد انتو اوضتكو قدامنا واحنا هنا تمام؟
جايد: اه تمام
جيجي: هنستريح شوية انا وزين وبالليل تعالو اقعدوا معانا في الاوضة ونشغل اغاني وكدا
بيري: هتستريحوا ازاي يعني؟
جيجي: عادي يعني
جايد: بيري يلا يا حبيبتي نخش يلا .. بااي يا جيجي
جيجي: باي.. هم طيبين اوي يا زين
زين: انتي اللي طيبة .. انا عايز افهمك
جيجي: اسكت ويلا نخش بقى
...................................................................................
*بالليل*
جيجي: واوو الجو تحفة
بيري: اه
*زين بيشرب سجاير*
جيجي: لااا يا زين خش البلكونة لو هتشرب
زين: ماشي هخش
جيجي: البلكونة اللي في الاوضة اللي جوا مش دي عشان تبقى بعيد باللي في ايدك دي
جايد: طب ممكن اروح الحمام
جيجي: اه طبعا
بيري*بصوت واطي*:هتسيبيني معاها .. هضربها وربنا
جايد: شششششششش اسكتي
جيجي: يارب تكوني مبسوطة
بيري: اه طبعا
جايد مراحتش الحمام راحت البلكونة لزين
زين: انتي بتعملي ايه هنا
جايد رمت السيجارة اللي معاه
زين: ليه يعني
جايد: ممكن تخرس وتسمعني
زين: ايه تخرس دي .. افرضي جيجي دخلت هتفتكر ايه .. انا مش معجب بيكي ماشي مش مشكلتي لو بتحبيني
جايد: احبك ايه يا حمار البقر .. انا احب كلب بس محبكش دماغك زفت زي بيري يخربيتكو.. اسمع بقى
زين: عايزة ايه
جايد: كنت عايزة اقلك ان بيري مظلومة
زين: ااه هي بعتتك عشان تخليني ارجعلها
جايد: لا والله انا اللي جيت .. الراجل ده كان بيصلح التكييف وبيري اتكعبلت ووقع بالغلط عليها
زين: ..... يمكن بتكذبي
جايد: والله ده اللي حصل واللي بيري كان نفسها تقولو ارجوك تصدقني .. يعني هي لو خانتك هتبص في وشك ازاي وياسيدي لما تخونك هتخونك مع واحد بيصلح تكييف
زين: يعني كل ده انا كنت ظالمها ...
تتوقعوا ايه هيحصل؟
اللي تفوز هحط اسمها في اول الشابتر الجاي
أنت تقرأ
أنا أم هي ( me or her)
Novela Juvenilزين مالك بيحب بنت اسمها بيري ادواردز ومبسوطين اوووي وحددوا معاد الفرح...... لكن حاجات هتحصل هتخليه يسيب بيري وتدخل حياته جيجي حديد .... ( القصة محترمة ومفيش اي حاجة خارجة) من تأليفي
