يجردونا من المشاعر ،،، ويعصبون اعيننا ،،، ويرسمون لنا طريقا وهميا من بقايا اطلالهم ،،،
ايعقل ان اعشقك وانت مجرد وهم وخيال ،، رسمتك في مخيلتي فارسا ذو رداء اسود يرتدي قناعا ويمتطي جوادا ،،،
كتلك الحكايات الصغيره التي كنت اقراها في الروايات ،،،
اميرة مقيدة وفارس شجاع ونهاية عشق ممزوجة بالخيال ،،،
ولكن واقعي يختلف عن تلك القصص ،،
قصتي انا لا تحمل الشجاعه وليس لتلك الاميره سوى الموت خلف القضبان المتصدئة ،،،
رانيا
(حبيبتي )؟؟؟؟؟؟؟
كلمة واحدة تقلب الموازين ،، وتجعلنا نتخلى عن تلك الاحلام والمبادئ ،،، فستان ابيض وتاج فضي وباقة ورد كبيره وحبيب ينتظر نهاية الحلم ليمسك تلك الايادي بشغف كبير
مصطفى :وين شردتي
وانا امسح دمعه تساقطت على وجنتي
رانيا : جنت احلم بهاي الكلمة ،، متصورت بيوم واني بهيج موقف راح اسمعها
مصطفى : محبيتي قبل رانيا
جاوبت وانا اضع يدي على قلبي
رانيا : عمري محبيت قبل وانت
مصطفى :مره حبيت بس البنيه الي حييتها خانتني جانت طالبه ويايه ووره سنه ونص علاقه تقدملها استاذ بالجامعه ووافقت بلا حتى متكولي
رانيا : مجانت تحبك لو تحبك مجان اتخلت عنك
مصطفى : اعرف هالشي اني هم طلعتها من قلبي ورفضت للحب يدخل مره ثانيه لحياتي ،، لحد ما سمع صوتج ودخل قلبي بلا حتى ما اعرف منو وره هاي الباب
رانيا : وانا ابتسم بحزززن
ياريت لو جنه ملتقين بغير هاي الظروف مصطفى
مصطفى : يمكن ربج خله سبب لكل شي بالحياة ويمكن هذا الي احنه بي هسه بدايه لعمر كامل حلوو محد يعرف الله شكاتبله ،،، يمكن لو مصاير بينه هالشي مجان التقينه بحياتنا ابد ،،،،
رانيا : مصطفى
مصطفى :عيون مصطفى
رانيا: يعني انت تحبني بلا ملامح بلا وجه متعرف شلوني اني افرض اني مو حلوووه او قبيحة او عرجه او او او او يمكن مو من النوع الي اعجبك شراح تسوي وكتها
مصطفى :رانيا يمكن انتي متعرفيني اني اذا شي دخل قلبي صعب اطلعه بعد وميهمني شكلج شلون ماجنتي اني حييت روحج حبيت هاي البنيه الي تحجي ويايه باسلوبها ورقتها احساسج كافي يوصلني رغم هاي الابواب الي ييناتنه
رانيا : بس خايفه هالحب تكون نهايته هنا
مصطفى : خلي ايمانح قوي لتضعفين لازم نطلع منا
رانيا : اووووف يئست مابقى امل عندي
ونحن نتخذث سمعنا تلك اصوات الشر قادمه وكانها تحمل بيديها جثه اخرى لرميها في هاوية الظلام التي سقطنا بها
مصطفى :اشششش رانيا مثل ماوصيتج سوي نفسج مريضه
رانيا : اي بس الله يسترنا يارب
فتحت الابواب دخلو وكانو يتكلمون مع بعضهم
خليها بالغرفه الثالثه ،،،ولتفتخ عيونها هسه
واخذ كل حاجياتها تلفونها دير بالك تنسى شي
ادخلو الرهينه الاخرى في الغرفة الثالثه التي تقع بالقرب منا
ورحلو واقفلو الابواب خلفهم
مصطفى : راحوو
رانيا : افففف الحمد لله قلبي راد يوكف
مصطفى : اسم الله ع قلبج حبيبتي لتضعفين شاتفقنه
رانيا : اوك يا روحي
مصطفى : الله الله ياروحي تدرين نسيت هسه كل الي اني بي صعدتيني للسما ،،، ان شاء الله ما اخيب ظنج حبيبتي
رانيا : يارب ،، بس لحظة يمكن جابو احد بالغرفه اليمنه
مصطفى :اي اعتقد هسه شويه ويبين
وبعد نصف ساعه تقريبا بدأت الضحية الاخرى تصحوو الى العالم السفلي الذي يحتجزنا
مروه : هاي شنو وين اني
وبدأت تلك الفتاة الاخرى بالصراخ والعويل
رانيا : ضحية ثالثه الله اعلم شكد بعد
مصطفى : مسكينه حالها من حالنه اخذوها من حظن اهلها بهالعذاب والمصير المجهول
رانيا : يابنيه يابنيه
مروه : منووو منو ديصيح عفيه ساعديني اني ماكدر اشوف شي وايدي مربوطه
رانيا :اي كلنا هيج من فتحنه عيونه مثلج سمعيني انتي مخطوفه مثلنه اني اسمي رانيا وبالغرفه الي بصفنه ولد اسمه مصطفى
مصطفى :لتخافين حاولي تكونين قويه بس
بذأت تلك الفتاة بالبكاء
مروه :بس اني اخاف وحدي هنا واهلي ميعرفون اني وين هسه
رانيا : كلنا مثل حالج اهلنه لهسه يعرفون شي علينه
مروه :شيريدون من عدنه فلوس يساومون بينه
مصطفى : لهسه منعرف شي محد ديكوللنه شي
أنت تقرأ
حب من خلف الجدران
Разное(مكتملة ) خطفت احلامي عندما تم اختطافي ،،، ايعقل ان اكون ضحية لتلك الايادي القذرة التي تحاول المس بجسدي ،،، ايمكن لرانيا تلك الفتاة الجميلة ان تهرب من ذلك السجن يوما ام انها ستكون رهينة بقلبها للابد ،،،، تلك الاصوات ،،، الالام ،،، الصرخات ،،، الخوف...
