بعد مرور ستة اشهر
رانيا
مرت الايام والشهور وانا حبيسه لتلك الجدران التي اعتدت رفقتها بغيابك ،،، لم يتبق شي مني سوى صدى لحلم كان يرف فوق مخيلتي ،،، تلك الملامح التي رايتها مره واحده فقط وعشقتها للابد ،،،
يقولون اذا اردت ان تنسى شخصا يجب ان تخرجه من قلبك اولا ،،،،،،
ولكني طبعت صورتك في قلبي ،،ملئت عيناي منك عمرا كاملا يكفيني ان اتذكرك فيه !!!
حبي لك ليس مثل اي قصه كتبها عاشق او خاطره شعريه جسدها محب لحبيبته ،،
حبي لك اعظم مماتصور ،،،
رن هاتفي ليقطع سلسله افكاري
حنان :رنوش وينج مرتين دكيت عليج
رانيا :ماعرف مسمعت
حنان :افففف صافنه كالعاده باحلامج المستحيله
رانيا :اي جنت افكر بي واحجي ويا عبالك كاعد كبالي
حنان : رانيا لشوكت حتبقين هيج صار كم شهر وتعرفين هسه تزوج يمكن لا مو يمكن اكيد وانتي بنفسج سمعتي
شردت بعيدا وانا اتذكر بعد اسبوعين من رؤيتي لك قررت الذهاب لرؤيتك من جديد ولكنك لم تكن موجودا سئلت شابا كلن يقف قرييا من صيدليتك
رانيا : مرخبا اخويه بيش ساعه تفتح الصيدليه
الشاب :ماعتقد راح يفتح صارله اسبوع معزل
رانيا : اشعجب
الشاب :اعتقد اصلا جان حيتزوج ماعرف يمكن تزوج وانتقل اصيدليه ثانيه الله اعلم لان هاي الصيدليه انباعت قبل كم يو
حنان :وين سرحتي
رانيا :ولا شي
حنان :رنوشه حياتي كافي انسي هو تزوج وعاش حياته انتي هم عيشي ،،،تره العمر ديمشي خاف يجي يوم تتندمين على كل شي فاتج بحياتج،،
رانيا : اذا ندمانه على شي فاندمانه على اليوم الي شفته بي وماحاجيته
دخلت والدتي غرفتي وانا اتكلم مع حنان
ام رانيا :ماماتي رانيا
رانيا :نعم ماما
حنان بعدين احجي وياج قلبي
ام رانيا :حبيبتي لشوكت راح تبقين هيج حابسه روحج من يوم الحادثه مال خطفج لهسه انتي تغيرتي بنتي
رانيا :ماما الحياه تجبرنا نتغير ،، واني ماحب اختلط باحد لان كل الناس يهمها تسمع قصه خطفي بس
ام رانيا :حبيبتي الصار صار ولتنسين العصابه الي خطفوج الحمد لله لزموهم وانتي عرفتي اثنين منهم يعني السالفه انسدت وراحت
رانيا :ماما مو كل شي ينسي اكو شغلات تبقه بالبال
ام رانيا :بنتي بصراحه اني خايفه عليج تعرفين عمو مثل ابوج هو هم رباج واخوتج ولده هو هم يسئلني عليج شبيها ليش معزوله
رانيا :ماما مابيه شي صدكيني بس اني صايره احب الوحده
ام رانيا :حبيبتي بس انتي كبرتي وانتي حلووه ويوميه ديجون ناس عليج تريدج وانتي مدتقبلين باي احد
رانيا :ماما انتو ضجتو مني تردوني اتزوج
ام رانيا : لا حبيبتي انتي تبقين معززه هنا ابيتج محد يجيرج
بس عمج وصاني ابلغج اكو ناس جايين باجر يريدون يشوفوج يكول معارفه وابنهم يشتغل بدبي
رانيا : ماما !!!!!!!!!!!
ام رانيا : ماشي بنتي ماضغط عليج
حبيبي الضائع يريدون مني ان ان اغتال احلامي بسكين اعمى يريدون مني انسى ملامحك واستبدلها بملامح اخرى
ويحكم ،!!!! الا تعلمون ان قلبي قد كسر القلم بعد ان رسم صورتك داخله ،،، تلك العينان السوداوان الجميله ذلك الوجه الوسيم ،،، فقط ان من استقريت هناك في الاعماق كيف بي ان استبدلك !!!!
بعد ايام جاءت حنان لزيارتي
حنان :نكدر نفوت يابه شدعوه متجين كلت اني اجيج
رانيا : فوتي حبي انتي الوحيده الي بقيتي ويايه
حنان :هم نفس الموضوع
رانيا :اوووف تعبت حنون تدرين حت دموعي نشفت
حنان : لشوكت حبيبتي كافي الولد تزوج وعاش حياته وانتي مخليتله صوره بقلبج متقبلين تمسحيها
رانيا :ماكدر مو بيدي
عوفينه هسه مني اني موضوعي ميتغير ششريين
حنان :بكيفج حب مي عصير اي شي
رانيا :ثواني
نزلت للاسفل لاحضر العصير لحنان كلنت والدتي تتحدث مع عمي في الغرفه كان صوتهم اشبه بالصراخ الهامس
اقتربت دون ان يشعرو على مسافه من الباب
ام رانيا :بس اني ماكدر اجبرها ابو رامي هيه هم بنتي
زوج والدتي : بس انتي كلش مدللتها يعني من يوم الي صار اصلا زين اكو ناس تخطب من عدنه
ام رانيا :قابل شبيها بنتي مصار بيها شي
زوج والدتي : اي بس تعرفين مجتمعنه ميرحم
ام رانيا : يعني تريدني اجبرها كوه تتزوج وواحد مشايفته عايش بدبي مدري جبير صغير
زوج والدتي : والله ام رانيا بنت مدلله زايد غيرها تبوس ايديها جتي هيج قسمه ع الاقل هم تخفف علينه مصاريف الحياه اني اثنين مكفيني رامي وغنا مملحك عليهم
أنت تقرأ
حب من خلف الجدران
Diversos(مكتملة ) خطفت احلامي عندما تم اختطافي ،،، ايعقل ان اكون ضحية لتلك الايادي القذرة التي تحاول المس بجسدي ،،، ايمكن لرانيا تلك الفتاة الجميلة ان تهرب من ذلك السجن يوما ام انها ستكون رهينة بقلبها للابد ،،،، تلك الاصوات ،،، الالام ،،، الصرخات ،،، الخوف...
