توهم

#موافقه

عندما تكون كلمه نعم بدايه لتفتح وردة املك

عندما تكون بدايه لكتابه كلمه امل بسجل حاضرك

عندما"تعتقد"انهابدايه جديده لك ولغيرك

عندما "تعتقد"انها ستفتح ورقه ناصعة البياض معك ومع شريك حياتك

ولكن الاعتقاد يظل احتمالا وليس تاكدا

فستجدها تفتح سجل ماضيك

لاستكمال تدوين كلمات عذابك اللعينه

تستعين بذكرياتك المؤلمه لتستلذ بالامك

فاستعد الان

لقد جاء ماضيك متقمص دور حاضرك

فاستعد الان لوقت فنائك

لقد جاء وقت النتيجه للسنه القبل الاخيره لهم بالكليه وادم وليلي ينتظرونها على احر من الجمر فادم ينتظرها لان بها سيخطوا اولى خطواته نحو امله الجديد

ولكن بجانب فرحه وتلهفه فهناك به دائما جانب للشك فهو لاردت فعلها الى الان بعد تاكده من حبها له ولكن ان وجد ادم فيكون ظله الشك فالشك من طباعه فهو لا يقدر الاستغناء عنه

_هاه عملتى اييه؟

سالها ادم بلهفه لكى يحدثها على قراره الذى اتخذه

-انا الحمد لله جبت جيد....وانت عملت اييه طمنى

_انا الحمد لله جبت جيد جدا

_طب الف مبروك يا حبيبي

مرت سنه كامله منذ ان اعترف ادم بحبه لليلي وليلي ايضا بادرته الاعتراف

ليلي وجدت فارس احلامها الذى احبته من سنين وانتظرته بفارغ الصبر

وادم وجد اميرته التى ستسلبه من ارض ذكريات ماضيه الى ارض حاضره الذى دب به الروح والامل بعد طول انتظار

_تعالى على الكفاتريا علشان عايز اتكلم معاكى فى موضوع مهم

امتعض وجه ليلي فهى ترى ادم متوتر فاتذهب معه لترى ماذا يريد

_طيب ماشى

ذهب كلاهما للكفاتريا بالجامعه وجلسا بمكانهم المفضل

_هااه يا ادم عايز تقولى اييه؟

_وش كده مش بالهداوه حتى

_ولا هداوه ولا حاجه انتى عارفنى انى فضوليه وبحبش استنى على المواضيع كتيير

_انتى حتقوليلي

ضحك كلا منهما واردفت ليلي مكمله

_بلاش هزار بقى وقولى اييه الموضوع الكبير الى انتى عايز تقوله انا شيفاك كده متوتر من الصبح

_بصى يا ستى انا لقيت شغلانه كويسه فى صيدليه كويسه ومعروفه

_بجد ولله الف مبروك يا روحى

_الله يبارك فيكى ياستى....بس حلوه كلمه روحى ديه منك

ابتسمت ليلي له بخجل وتوردت وجنتاها.....فهو يعشق خجلها

_المهم انا عايز تحددى ميعاد مناسب مع الحج علشان عايز اتقدملك

ادم من الان يستطيع ان يرى نظرات ليلي المليئه بالفرحه والسعاده فهو يجزم انها تريد ان تهب الان لتعانقه وتقبله...ولكنه تنهد بارتياح عندما راى تلك النظرات فلقد هدات اخيرا نيران شكه

_بجد يا ادم انت يعنى حتيجى وتتقدملى

ضحك ادم واماء لها بالايجاب واردف قالا بضحك

_بس لازم تحددى ميعاد مناسب علشان انا خلاص بقيت رجل مشغول فى مشاغلى الا ارجع فى رايي

قهقه كلا من ادم وليلي فقد تحقق حلم ليلي الان ان يكون ادم لها

_خلاص يا سيدى انا مصدقت انشاء الله حكلم بابا واكلمك واقولك على الميعاد

***********************************

رن جرس باب الشقه وليلي متلهفه لترى فارس احلامها الجميل ادم كم عشقت ادم وعشقت ابتسامته الجميله كم عشقت كلامه معها وكم غارت ايضا عندما تراه يتكلم مع فتاه اخرى وان كان لتبادل السكاشن لا اكتر تنهدت ليلي بفرحه وهى ترى ادم بوجهه البشوش يلقى السلام على والدها وقالت لنفسها

_كم احبك يا ادم

_ليلي يا ابنى حكتلى عنك كتير وحكتلي عن ادبك واخلاقك وتفوقك

_شكرا يا عمى وولله انا مزدش حاجه عن ليلي

_ليلي قالتلي انك جاي علشان تتقدملها ...وانا الوحيد البقيان من عليتها بعد موت والدتها وملهاش خلان وعمامها مش ف مصر وهى الى مليا حياتى ودنيتى ولازم افرح بيها وانى اديها لانسان يعيشها ويهنيها احسن عيشه وافرح بيها اقبل مموت

_بعدعمرا طويل يا عمى.....وانا انشاء الله يا عمى مش ححرمها من حاجه وحعمل الى اقدر اعمله واكتر علشان اسعدها

_انشاء الله يابنى وانا ظانن فيك خير

_طيب يا بنى انا مش شايف حد من اهلك جه معاك

_ياعمى انا مليش حد اهلى كلهم ماتوا فى حادثه عربيه وانا قاعد لوحدى فى الشقه ....و مليش عمام ولا خلان

_البقاء لله يا بنى ....طب ايه ايمكانياتك

_انا شغال فى بنك وباخد مرتب كويس منهم بصرف بيه على دراستى وانا لسه واخد شغل جديد فى صيدليه علشان انشاء الله حشتغل فترتين فى الاجازه

_وانا حاسسس يا بنى انك حتكون عند حسن ظنى....نقره الفاتحه

ابتسم ادم ابتسامه لا يعرفها احد سوى من عاش مثله ..ابتسامه ممزوجه بالفرح والخوف والامل فهاهو يرى فوهة امله امامه تزداد اتساعا وتضيء بنورها حياته

_نقره الفاتحه

_بسم الله الرحمن الرحيم.........

******************************************************************************************

يا رب يكون عجبكوا بارت النهارده