سر القلاده

المجهول

اقولكم القصه هذي وانا فيني خوف وحزن واكتئاب .. انا وحده عمري 16 سنه ولدت في قريه وتربيت بين اللي احبهم الين جا يوم وغير حياتي ودمرها .. ماكنت مستعده لهذي الخطوه ، كنت عاقله وهاديه والكل يحبني وفي يوم من الايام رجعت من المدرسه ولقيت الاسعاف عند بيتنا ..طلعت بيتي وهنا كانت الصدمه لقيت عند باب بيتنا رجال وسألته وانا مستغربه ليش انت هنا قال : فيه حرمه اغمى عليها و.. قاطعته ودخلت البيت مسرعه وفجأه الا اشوف امي وكانوا كلهم يناظرونها وخايفين .. سألت ابويه وقلت وش صار والدمعه في عيني .. قال : امك شافت شي وسمعنا صراخها وجينا مسرعين لقيناها على الارض ، قلت في نفسي وش اللي صاير هنا !!! ..تنومت امي في المستشفى وكانت في غيبوبه مؤقته جا عندي ابويه وقال: انتبهي على اخواتك بروح اجلس مع امك انتبهي تغفلين انتي الحين كبيره خذي فلوس واطلبوا عشا من المطعم ما برجع الليله .. طلع ابويه وانا ما تكلمت من الصدمه .. رحت عند اخواتي الثنتين وقلت لا تخافون مافي شي امي بخير وانا عارفه انها مو بخير وانه صاير فيها شي .. اعطيت الايباد اخواتي عشان يلهيهم ورحت اذاكر ..جا الليل واحنا خايفين وحدنا في البيت فقررت اغير الاجواء رحت المطبخ وناديت اخواتي يساعدوني .. طبخنا واكلنا ونظفنا ورانا ولا سمعنا خبر عن امي فقررت اتصل على ابويه📞 ..ما رد ابويه وهنا انا خفت عليهم ..نومت اخواتي ورحت غرفتي عشان انام فجأه اسمع صوت في المطبخ ...