سر القلاده

العَقد

التفت يمين ويسار ولقيت درج .. حاولت افتحه بس كان مقفل وهنا عرفت ان اللي في الدرج شي له علاقه باللي شفته .. كنت الف وادور زي المجنونه وانا خايفه على امي .. فجأه تذكرت شي .. تذكرت ان ابويه معه مفاتيح دايم يخبيها عنا .. حاولت اعرف مكانها فتحت كل الادراج ولا لقيتها .. فكرت وقلت بشوف تحت السرير وهنا كان ظني في محله لقيت المفتاح وبسرعه فتحت الدرج .. شفت شي ما توقعته لقيت ورقه وكان فوقها جزء من القلاده ومكتوب فيه حرف (ع) .. قريت الورقه وكان فيها عقد بين ابويه ومجهول .. قريت العقد وكان مكتوب فيه عن القلاده اللي لابستها .. بس لحظه الحين وش بيصير لو جمعت القطع .. كملت القراءه وهنا كانت المفاجأه كان مكتوب ان القلاده لها علاقه بملك الجن .. انا خفت هنا وتركت العَقد بسرعه وجريت للغرفه ويدي على قلبي وكنت اقول يعني اللي كنت اكلمه ملك الجن!!! .. طيب وش يبغا مني الحين .. فجأه سمعته يهمس ويقول العَقد .. لفيت وحاولت اشوف مصدر الصوت ولا لقيته رحت غرفة ابويه واخذت العَقد معي ورحت الصاله وحطيت العَقد وفوقه الجزء اللي من القلاده ورحت الغرفه وفجأه حسيت في شي ناقص !!! وين اهلي .. وين راحوا ؟.. رحت لغرفهم ولا لقيتهم حاولت اتصل على ابويه ولا رد .. كنت اقول في نفسي هذي هي نهايتي .. اخذت الكتاب وكملت اقرا ووصلت الفصل الخامس قريت وفجأه وقفت من الصدمه .. اكتشفت ان القلاده اذا تجمعت مع بعض تقدر تتحكم بملك الجن .. تركت الكتاب ورحت اركض للصاله ولقيت العَقد بس القطعه مختفيه!!!