شلة بنات

•مدرسه ولد•

طيبه : جااااووبببب
تبارك : شكاال
طيبه : كال هلوات
مريم : عله هاي فرحانه
دانيه : تقدم واضح
ايه : صيري ثكيله ولتجاوبيه هسه
تبارك : يي ثكلي شويه
طيبه : اوكي .. حروح ادور اكل بثلاجتكم دانيه
دانيه : ميانه زفره 😂😂 جيبيلنه وياج
طيبه : اوكي 😂
تبارك : اكلج ايه ..
ايه : ....
تبارك : اييه 😒
ايه : ها .. شكو
دانيه : منو ماخذ عقلج 😒
ايه : محد 😂
مريم : انجبي منو
ايه : هففف .. يمعودات دمرني
طيبه : لكيت 3 لفات همبركر ودولمه ..
دانيه : وجبتيهم كلهم بشرفج 😂
تبارك : انجبي جوعانين
مريم : منو مسح الجدريه هسه
تبارك : 😂😂
دانيه : المهم ايه شبيج
ايه : اكو واحد
طيبه : عاااا..
تبارك : وجع .. اختنكت من الهبطه خليني اكل 😒
طيبه : يي منو وين شوكت شسمه شكد عمره صاك لو اجكم 😒
ايه : تريدين رقمه بعد 😒
طيبه : لا حمودي مكفيني 😂
مريم : يي كوليي
ايه : اسمه عبدالله .. وعمره 17
تبارك : اصغر منج
ايه : يي 😢😢
طيبه : عادي 😒
ايه : بس اريد منكم خدمه
مريم : يي ؟
ايه : نلبس هدوم ولد ونطب للمدرسه ونصاحبه ونحجي وياه
الكل : شنووو !!!
ايه : الله يخلييييكممم
طيبه : يابه دطيري
ايه : لككمممم بليييز
دانيه : وشلون نطب للمدرسه واحنه مو مسجلين بيهه
ايه : كرايبنه مدرسه هناك ودبرتهه
طيبه : منسقه الاخت 😂
تبارك : باجر نروح
مريم : شنووو !!
تبارك : يي باجر نروح .. خطيه ايه -_-
دانيه : تره شكلنه مو شكل ولد 😒
طيبه : وصوتنه شلون 👌
تبارك : نلبس باروكات ونثخن صوتنه شويه
مريم : زين لحضه هوه يحبج
ايه : ميعرف اني احبه
طيبه : واذا لبستي هدوم ولد شلون ميعرف
ايه : لج لا .. اني مالبس احنه نوكف كدام المدرسه من يجي سوي نفسكم دتضربوني وهوه اكيد حيساعدني واشكره
طيبه : وتلتقي عيناه بعيناك ويمتد فمه الى فمك وتحصل معجزه وتصيرون روميو وجولييت الجزء الثاني 😒
تبارك : فلم هندي هذا .. بس ممكن تمشي .. باجر نغيب ونسوي الخطه كل وحده تاخذ هدوم من اخوهه واني ادبر الباروكات
طيبه : بشرفج !
تبارك : بشرفي

.................
ثاني يوم ✌💃
.................

تبارك : يله هسه ب 6 نلحك نلبس
طيبه : شنو هالباروكات الطايح حضهه 😂
تبارك : انجبي هاي اغله من خالتج 😒
دانيه : يي صدك جاوبتي محمد
طيبه : يي كتله شلونك ..
مريم : اويلي ..
تبارك : بالعافيه درجات 😂
ايه : يله كملتوا ؟
تبارك : يي يله امشوا

............
كدام المدرسه
............

طيبه : وينه 😒
ايه : اججججههه اججججه ضربوني يله
تبارك : يلله
ايه : اييي لاا عفيه والله معندي فلووس 😢
مريم : فلوس بشرفج ؟ 😂
عبدالله : هيي .. انتوا عوفوهه
طيبه : فلتوا شباب
🏃🏃🏃
عبدالله : اذوج ؟
ايه : يي شويه ضربوني
عبدالله : تعرفيهم ؟
ايه : لا جنت داوصل اخويه للمدرسه وشفتهم .. بس شكرا الك 😊
عبدالله : لا عيوني مسويت شي .. طيب اذا تحتاجين شي هاي مدرستي سالي عن واحد اسمه عبدالله احمد
ايه : ههه تسلم 😊
عبدالله : باي
ايه : لكممم تعاالوا
طيبه : شصار
ايه : كلي اذا تحتاجين شي سالي عن واحد اسمه عبدالله💃💃
تبارك : بربج ؟
طيبه : بنات ..
الكل : ها
طيبه : محمد عرفني !!
تبارك : شنووو
طيبه : عرف اني طيبه !

........................

هلووو .. ياخي داحسني كلش متاخره بالنشر بس كل ما اريد تكتب تطلع شغله صفح 😂 .. للي يريدون يعرفون شوكت انشر يتابعوني .. رح يبين عدكم اني نشرت ..
عجبكم هذا البارت ؟
و منو اكثر شخصيه حبيتوهه ؟
لتنسون تصوتون حته اعرف القصه عجبتكم
واكتبوا رايكم بتعليق .. اذا تريدون اضيف اي شي من افكاركم كلولي
وفديتكم ❤