شلة بنات

•الكنتور•

الكل : شنوو ؟!
تبارك : يي لازم نندل بيته علمود نخليه يحبج
طيبه : لج بطلت ماريد احد يحبني 😒
دانيه : لا لا خل نلحكه وره المدرسه ..
مريم : يجي بسيارته
دانيه : ناخذ تكسي ونكله الحك ذيج السياره
ايه : يي هاي تصير بافلام الاكشن اريد اجربهه 😂
طيبه : مادري ممقتنعه بالموضوع
تبارك : انتي بس سوي الي اكلج عليه وهاهيه
طيبه : اوكي 😒

👈بعد المدرسه👉

ايه : وينه وينه
طيبه : هياته .. وين سيارته لعد
تبارك : يحطهه وره المدرسه .. امشوا وراه
دانيه : خرررررببب عنده جارجر ابن اللذين
طيبه : طكوك عمي طكوك 😒
تبارك : من ترتبطون يركبج بيهه 🌚
طيبه : اذا ارتبطنه 😂
مريم : يلله اخذوا تكسي ..
تبارك : هييي .. اوكف تكسي ..
دانيه : يله ركبوا
تبارك : عمو الحك ..
ايه : انجبي اني اكول 😂
تبارك : بسرعه مو حيروح 😒
ايه : احم احم .. الحك ذيج الجارجر
ابو التكسي : اوكي 😐

👈وصلوا لبيته👉

دانيه : لو ابيع ابويه ماحصل هيج بيت :|
طيبه : هذا شكد راتبه ؟
مريم : بشرفج اذا صرتي حبيبته وكذا دبريلي اخوه
تبارك : هسه لازم نطب جوه
طيبه : شنوو عيني ؟
ايه : شلون نطب ؟
تبارك : مدري .. من شباك وكذا
مريم : بشرفج افلام جيمس بوند لتمشيهه علينه
تبارك : ذاك شباك مفتوح تعالوا
طيبه : تخبلتي ؟ لالا صدك تخبلتي ؟
ايه : امشوا امشوا اريد اجرب
مريم : شتجربين اختي ؟ حنطب للبيت مال رجال ..
تبارك : يي يله امشوا
طيبه : وشلون حنصعد بله ؟
ايه : مو كلش عالي الشباك
دانيه : يي وحده تشيل اللخ ونطب
طيبه : امري لله 😢

تبارك : مريم بشرفج لو ثور جان طب يله انتي اخر وحده
مريم : تره اخاف من المرتفعات
طيبه : واني اخاف من الاماكن الضيقه ولسعة العقرب .. بشرفج هيه مال تفييك طبي
ايه : لكم هاي غرفة نومه 😍
طيبه : غرفة نومه هيج البيت شلونه 😂
تبارك : فراشه نفرين هذا متزوج
طيبه : انجبي لتحجين ع رجلي
دانيه : داسمع احد اجه .
تبارك : صخاام .. ختلوا ختلوا

(اعرف بس بالافلام تصير .. الكل ختل تبارك جوه الفراش دانيه وره القنفه ايه ومريم وره البرده .. بقيت بس اني شمعة فكر واكفه بنص الغرفه .. ولان ارجع واعترف اني شويه شويه عندي ثوال .. ختلت بالكنتور 😒 ..)

طيبه : اني ليش هيج ثوله ؟ اكيد حيجي يبدل ..
تبارك : هششش اجهه

(فات للغرفه ونزع البدي ماله جنت فاتحه شويه من باب الكنتور حته اباوع .. بشرفكم شلون افوت هيج فرصه ؟ 😂 زين لحظه هوه حيفتح الكنتور من ياخذ هدومه 😱 لا مهرب انلاصت 😒
المهم نزع هدومه بقه بالشورت .. اويلي ع العضلات 😂✌
لالا صدك اويلي 😢 .. لحظه هذا اجه عليه .. قصدي ع الكنتور لاا حيفتحه)

محمد : عااا
طيبه : عااا البس شي (عود مشفتك اني 😂)
محمد : خرببب حضجج
(شال الغطه من الفراش وغطه نفسه بيه :| لك ليش خليني اباوع ع العضلات .. طلعوا الشله من اماكن اختبائهم 😂)

دانيه : هلو استاذ :)
مريم : بشرفج تكليله هلو ؟
ايه : انجبوا .. هلو استاذ شلونك 😁

(كل هذا الحجي وهوه فاتح حلكه وصافن 😂 حقه يصفن 😒)

تبارك : اووكي .. اني خلص شغلي هنا
الكل : لااا تعاي
طيبه : انتي وكعتينه بهاي المشكله تعاي حليهه 😈
تبارك : خررب .. شوف استاذ احنه جينه ننظف الغرفه لان .. قصدي يعني
محمد : ....
ايه : هذا شبيه صافن خاف انجلط الرجال
طيبه : انجبي اسم الله عليه 😂
محمد : شدتسوون هنا ؟
دانيه : حجه :|
مريم : كلليييش
تبارك : مثل مكلت جينه ننظف
محمد : بشرف خالتج ؟
طيبه : ماعدهه خاله 🌚
ايه : لالا احنه جينه نسأل ع الواجب لان منتبهنه ع الشرح
محمد : جنتوا خاتلين -_-
دانيه : يي مو عبالنه امك او اختك تجي وتفهم غلط 😂
طيبه : انجبي شنو تفهم غلط 😒
تبارك : المهم احنه اسفين ولازم نروح هسه امي مسويه برياني وماريد افوته
محمد : كل وحده ناقصه 20 درجه
مريم : ليش هوه اني جايبه 20 درجه 😒
طيبه : استاذ بس ..
محمد : اليوم من حجيت وياج عبالي حتنسين الموضوع مو تجين لبيتي وتختلين بكنتوري
طيبه : 😢
تبارك : لتصيح عليهه .. انته ممفتهم شي
محمد : شفتهم ؟
تبارك : تفتهم انو هيه تحبك !
طيبه : خرببب بيييج 😱😱

____________________________________________

هاي كايز ✌
بارت سريع لان مكدرت انشر ذيج الايام ..
بسس فرحاانه لان الروايه مدري القصه حتوصل ل 400 مشاهده
بس ياخي مو كلش متفاعلين انتوا 😒
علقوا حششوا ويايه بس اني احشش 😂
وكلولي شسوي بالبارت الجاي يعني عدكم افكار ؟
حبكم ❤❤