محمد : اعرف هيه تحبني .. كلتلي
تبارك : لعد ليش دتعاملهه هيج ؟
طيبه : خرب حضج سكتي 😢
محمد : شلون تريديني اعاملهه ؟
تبارك : تعاملهه مثل اي شخص .. مو تصيح عليهه لان هيه حبتك !
مريم : وااو .. متوقعت هيج كلام يطلع من وحده ثوله مثلج 🌚
تبارك : اله تخربين اللحظه ؟
ايه : لا صدك .. تره هيه تحبك .. واني اعرف طيبه المخبله متحب بسهوله والدليل انو من انولدت ليهسه هيه حديقه ..
دانيه : لذلك غصبن ما عله خالتك تحبهه 😒
مريم : لا مو لهلدرجه 😂
دانيه : يي صح 😂 المهم حبهه 😒
طيبه : الله يطيح حضكم وحض خوالكم 😈
تبارك : امداج مو دندافعلج 😒
طيبه : امشوا نطلع يله 😒🚶
*وره مطلعوا من البيت*
طيبه : انتوا مخابيل ؟ شلون تكلوله هيج ؟
ايه : شكلناله ؟
طيبه : سحلتوا نفسكم وسحلتوني وياكم 😒
تبارك : ردنه نساعدج 😤
طيبه : هيج ؟
مريم : اذا هوه ميحس شعلينه احنه 😒
دانيه : يي ماعنده احساس 😛
طيبه : شوفوا .. عوفوا الشغله خلص نسيته وبطلت احبه
ايه : نعم يمه نعم ؟
تبارك : اي مو هوه بكيف ابوج تخليني اخذ الانستا ماله وتحجين وياه ونفوت لبيته وبالكوه فتت جوه الفراش ماله واللخ ختلك وره القنفه وراهه تكولين نسيته لعمي .. لا مو بكيفج تنسيه اني ماخليج تنسيه شكيتي حلك ابويه علموده وبعدين تنسيه ؟
طيبه : انصحج صيري مغنيه راب 🙊
تبارك : انجبييييي تحبيه وغصبن ما عليج تحبيه .. واني حخليه يحبج لو مدري شيصير 😒
مريم : المهم .. امشوا للبيت هسه .. وين نجتمع ؟
تبارك : تعالوا يمي امي مسويه برياني 😒
ايه : احبهه لامج ❤
تبارك : هيه هم تحب ابوج 😤
طيبه : هاي شبيهه صارت نفسيه 😒
دانيه : من وراج غير 😒
طيبه : اوك اوك امشي اريد برياني 😂
(وصلنه لبيت تبارك والطريق كله يرزلون بيه 😒 لحظه ! المفروض اني ارزلكم 😤 ليش انقلبت الادوار فجاه 😂)
مريم : وين الاكل مو معدتي بدت تاكل نفسها
تبارك : هاكم كل وحده ماعون عدنه تقشف وبعدين الحفله مال عيد الطالب بعد جم يوم منريد نسمن
ايه : عله طاري عيد الطالب شحتلبسون ؟
مريم : كلنه نلبس فساتين متفقين مو ؟
تبارك : يي بس اني خططت شي من جنت داصب اكل 😂
دانيه : شنوه ؟
تبارك : طيبه لازم تطلع حلووه كللش علمود ينعجب بيهه محمد لان هوه مشايفج مبدله او حاطه مكياج قبل
طيبه : يا اختي الكل حيحطون مكياج ويطلعون حلوات ويزحفوله 😒
مريم : خليج متفائله 😂 ولو وجهج مابيه نعمه بس التفائل حلو
تبارك : يي هوه مال مابيه نعمه .. يي صدك مابيه ..
ايه : لحظه .. عكب باجر الحفله ..
دانيه : لازم نعدلج قبل الحفله بسرعه
طيبه : يمعودين ماريد .. البس اي شي واحط مكياج خفيف 😒
تبارك : انجبي .. احنه نريد نساعدج بما انو جفصناهه اليوم 👌
طيبه : مدري .. يعني كل مره اسمع كلامكم وينسمط جدي :|
مريم : لتخافين هالمره كلشي تمام .. مو ؟
تبارك : يي يي كلشي تمام التمام
طيبه : زين وشحنسوي
ايه : حنكشخج كشخه تمام ..
دانيه : وان شاء الله يحس ابن الاوادم 😒
تبارك : اشك انو يحس 😂
أنت تقرأ
شلة بنات
Humorلحضه .. يعني هسه اني عالهوا :| - احجي وانجبي -__- اوكي اوكي -_- شوفوا القصه :) تعجبكم وداعت حمودي :\ - منو حمودي -_- همه يفتهمون -___-
