لَم يحدث هذا أبداً، إلا معك أنت فقط.
حدثَ أن أُحب. بكُل ما أحمل من مشاعر.
استيقضت على رسالة بعثها لي ريان فتحت عيناي بتعب لارى الساعة كانت تشير الى الـ3 فجراً .. ماذا يريد ريان في هذا الوقت فتحت الرساله كانت
ميمي اذا كاعده جاوبيني
فتحت عيناي اكثر لأنني كدت ان اغفو وبعثت له ..
شبيك حبيبي ليش منايم لسه
اسف حياتي لأن كعدتج
لا عادي مو مهم مكتلي شنو مكعدك لهذا الوقت
مكدرت انام
ليش؟ شنو شاغل بالك
انتي
ليش شاغله بالك اني
لان احبج
ممم بسس
واموت عليج
واني هم يروحي
ميمي اطلب منج طلب
يي حبيبي عيوني الك
فديت عيونج ، اكدر اشوفج هسه
هااا شون وين تشوفني
تعاي للحديقه الوره البيت
ليش ريان بيك شي
لا بس اريد احجي وياج بفد موضوع
ممم اوك دقايق واجي
اوك حبيبتي انتظرج
اخذت معطفي فـ الجو كان بارداً في الخارج ونزلت بهدوء كي لا يشعر احد توجهت الى الحديقه الخلفيه رأيت ريان يجلس على الارض ذهبت ووضعت يداي على عيناه فأبتسم لفعلي وقال
منو الي مغمض عيوني
ممم حرامي
يي سيدي الحرامي شنو تريد مني
اريد اخطفك
ههههه اوك اني موافق
ابتسمت ورفعت يداي عن عيناه ثم جلست بقربه وانا انظر امامي
اشو دتباعين هناك تره اني هنا باعيلي
لففت رأسي ونظرت له وقلت
يي ريان افندي شتريد منزلني بهل وقت
اشتاقيتلج
لا صدك شنو تريد تحجيلي
مسك بيدي وقربها لصدره ووضعها على قلبه وقال ...
دتسمعين دگات كلبي شلون متوتره
احمم يي بس عوف ايدي
هههههه شبيج تره ماراح اكلج
لا اخاف يمكن تطلع مستذئب وتاكل لحم بشر
ههههه خبله مو بيدج
يي عاجبني
واني هم عاجبني
غصبًا عليك
لج اشو لسانج طولان طلعي دااكصه الج
ههههههه اكسر ايدك غير
يي بطله انتي
اكيييد
ميمي
هاا
احبج
واني هم
خلي احجيلج هسه ليش جبتج هنا وبهلوقت
يي احجي دااسمعك
انتي تعرفين بيه اريد اسافر لخارج العراق
حين ذكر السفر نغزني قلبي لا اريده ان يسافر كيف لي ان احتمل فراقه كيف لي ان احتمل هذا البعد ..
ميمي وين رحتي
ييي كمل دااسمع
يي اليوم خابرتني اختي داليا الي بأميركا
يي
وكالت لازم تسافر للبنان ومن لبنان اطلع لاميركا
ممم وشوكت حتسافر للبنان
بهذا الاسبوع
شنوو!!
يي والله اني مااعرف شلون راح اتحمل بعدج عني مااعرف شلون راح اتحمل ما اشوفج يمي ما اعرف شلون راح اتحمل هاي المسافه البعيده عنج بس وعد اول ما اسافر وارتب اوضاعي هناك راح ارجع للعراق واخطبج
ريان يعني شكد بعد؟
ما اعرف سنه سنتين تلاثه لحد هسه ما اعرف
أنت تقرأ
حُبً يتيم
General Fictionقد يحدث ان نتعلق بأشخاص لا يستحقوننا ولا يشعرون بمدى الحب الذي نكنـهُ لهم .. فـ تنقلب حياتنا معاناة بسببهم او بسبب اننا اذنبنا حين اهدرنا تلك المشاعر عبثً لأجلهم ! لكن الله دائمًا ما يبعدهم عنا ! : وكأنه يخبرنا بأننا نستحق من اهم افضل منهم ومن يس...
